A LA VILLE ET CANTON DE BERNE

Cop. — Archives de M. le marquis de La Grange.

Trez chers et grand amys, alliez et confeclerez, Nous avons cy devant commandé au sr de Gaumartin, nostre ambassadeur en Suisse, de vous faire entendre le désir que nous avons de partager (protéger?) et assister le sr Jean de Sainct Paul pour les raisons qui vous ont esté plus amplement deduictes; et néanmoins nous sommes adverty que ses créanciers ont depuis faict vendre à vil prix la plus grande partie de son bien contre les formes; et le surplus a esté par vous confisqué, faute de satisfaire par luy à vos ordonnances, bien qu'il luy fust du tout impossible, ainsy qu'il vous aesté représenté. C'est pourquoy nous avons donné charge au sr de Refuge \ conseiller ennostre conseil d'Estat et nostre ambassadeur par delà, de vous déclarer encore plus particulièrement ce qui est de nostre désir en cest endroict, et vous faire toute instance pour moyenner au dict de Sainct Paul la jouissance de son bien, contre la rigueur des poursuictes de ses dicts créanciers, à la violence desquels nous tiendrons à plaisir très agréable que vous ne deferiés plus tost qu'à la justice de sa défense pour les considérations que vous dira plus amplement le dict sr de Piefuge, vous asseurant que nous nous en revancherons très volontiers en aultre endroict. A tant, nous nous en remettons à nostre dict

ambassadeur, et prions Dieu, trez chers

HENRY