AUX HABITANTS DE CALAIS

Cop. — L>. N. Fonds Béthune, Ms. 3456, fol. î io verso

Très chers et bons amys, Nous avons esté advertiz par Estienne

1 Cette lettre me parait devoir être rapportée à l'an i58G

Gallol, pauvre marchant nagueres habitant do nostre ville de Callaix, que lorsqu'elle fut assiégée, il fist sortir hors d'icelle sa femme et enfans avec ce qu'il peust saulver de la dicte prinse qui fust quatre pièces de drap de diverses couleurs qu'il avoit faicl conduire par mer en vostre ville , en laquelle un nommé Bastien Mauconduict, son oncle , les avoit faict arrester en haine de ce que le dict Gallot n'avoit voulu demeurer comme luy en la dicte ville de Callaix soubs l'injuste domination de nos ennemis '; et combien que le dict Gallot aye faict deuement apparoir que les dicts draps luy appartiennent, toutes fois il n'en peut avoir mainlevée, ce qui luy apporte untrez grand dommage, ayant esté ruiné et pillé du reste de ses biens en la prinse de nostre dicte ville de Callaix. C'est pourquoy, meus de compassion de la misère de ce pauvre homme , nous vous en avons bien voulu escrire ceste lettre par laquelle nous vous prions affectueusement de luy vouloir faire rendre et restituer ses dicts draps, comme la seule chose qui luy demeure pour subslanter sa dicte femme et enfans, sans donner lieu à la saisie et arrest faict par son dict oncle ; et si , en aultre endroict nous nous pouvons revancher de la faveur qu'il recepvra de vous en ceste occasion, nous le ferons d'entière affection. Priant Dieu