A MONSR LE VICOMTE DE LAVEDAN

Cop. — B. N. Fonds Béthune, Ms. 345C), fui. 7(i recto.

Mons'ie viscomte de Lavedan \ Je ne pensois pas que les consuls et habitans de la ville de (en blanc) se deussent monstrer si desobeissans et refractaires à mes commandemens que différer à imposer et faire payer la grande creue de {en blanc) et aultres deniers que j'ay ordonné eslre levez; mais j'en ay esté adverty, et de la longueur et préjudice que cela apporte à mes affaires; de quoy je vous ay bien voulu escrire ceste lettre pour vous prier de tenir la main qu'ils obéissent à mon intention sans me donner occasion d'employer contre eulx mon auctorité et les faire obéir par la voie de la force; car ils auroienl regret de m'y avoir forcé, et moy d'avoir usé de remède extraordinaire pour les ranger à leur debvoir; et partant je vous prie d'envoyer l'un de vos domestiques devers les dicts consulz et habitans pour les rendre capables de mon intention, et les disposer à y obéir, tant pour le regard de la dicte creue que des aultres levées qu'il convient faire au dict pays pour le bien etadvantage de mes affaires. Je me promets cela de vostre affection et fidélité à mon service, et vous prie me la faire paroistre en ceste occasion qui me sera très agréable