AU GRAND SEIGNEUR

Cop. Arcli. nat. salle 5 , anciennes archives, Ms. 30, fol. 0,3 verso.

Très hault, très excellent, très puissant, très magnanime et invincible prince, le grand empereur des Mousoulmans, sultan Amurathan, nostre très cher et parfaict amy, en qui loin honneur et vertu habonde, nous avons, et les roys nos prédécesseurs, toujours esté si soigneux d'entretenir l'alliance et amitié dés long temps contractée avecq eulx et les empereurs prédécesseurs de Vostre Haultesse, que, soubz l'adveu etbaniere d'iceulx, tous vaisseaux, tant de corsaires de Barbarie que aultres, ont eu continuellement leur accès en nos ports et bavres, comme ils ont eu jusques icy. Mais plusieurs des dicts corsaires en ont tellement abusé, que, contre les conditions de nostre alliance, qui ne leur permet d'assaillir aulcun de nos vaisseaux, ils en auroient attaqué et prins plusieurs, tant en plaine mer que le long de nos costes, avec plusieurs de nos subjects et grande quantité de marchandises de notable valeur appartenant à nos dicts sujets, tant de nostre ville de Marseille que de plusieurs aultres lieux de nostre Royaume , violant en cela la franchise et liberté portée par les traictés, avec offense qu'ils l'ont à la foy de Vostre Haultesse et mespris de vostre réputation et dignité. Ce que ne voulant croire estre de vostre inten lion, nv mesme venu à vostre congnoissance, nous vous en avons, à ceste occasion, voulu donner advis par le sr , l'un de nos gentilshommes servans et nostre consul à Alexandrie, lequel nous envoyons exprés vers Vostre Haultesse pour nostre ambassadeur

1 Voyez les lettres suivantes au Premier Assan Bassa. el 3° au précepteur du Grand

Bassa et à Lostan Eflcndi. Le même Seigneur, fol. 96, recto et verso, et 97

manuscrit en contient trois autres sur le verso. (Voyez la note sur la lettre suivante

même sujet : i° à Imbrahim Bassa; 2° à au Premier Bassa.)

particulier, et ce faict tant pour luy faire entendre les dictes contraventions et déprédations que pour faire instance et obtenir d'Elle ses commandemans pour la restitution des vaisseaux et marchandises prins et la delibvrance des personnes de nos dicts sujets détenus en captivité. En quoy nous avons non seulement ferme fiance qu'Elle nous vouldra rendre et à nos dicts sujets, tant de la dicte ville de Marseille que aultres, les effets de sa bonne justice et équité, mais aussy fera congnoistre aux dicts corsaires, par quelque cbastiment exemplaire, qu'Elle n'a eu agréable leurs comportemens, y adjoustant aussy (comme pareillement nous en supplions Vostre Haultesse) son très exprés commandement au roy d'Arger [sic) et tous aultres serviteurs et esclaves dependans de son authorité, qu'ils ayent à garder et observer doresnavant les dictes convention et franchises, sans plus y contrevenir, affin que nous ayons occasion de leur continuer aussy la faveur et fréquentation dont nous entendons que tous les serviteurs et subjects de Vostre Haultesse jouissent en nos terres et royaumes, voulant en ce qui deppend de nous luy rendre tous offices convenables au debvoir de nostre amityé : priant Dieu, très hault, très excellent, très puissant, très magnanime et invincible prince, nostre très cher et parfaict amy, qu'il vous ayt en sa

saincte garde.

HENRY