CBI PAROLE DE MARIEE OU FIE OU PILLE

85. Derechief, se il avient chose que uns hom ait fil ou fille, et ele ait enfans, ou il ait enfans, un ou plusors, etli pères muert. Or posons ensi: li enfant, ses taions vit encore, qui a esté pères son père, et tient un iretage, et muert; chil qui a esté taions a un frère, qui vient avant et clairae l’iretage que ses frères avoit, et dist

AMIENS

qu'il le velt avoir, corne chil qui est ses oirs; et U niés vient avant et dist que il le veut avoir, corne cil qui est drois oirs prochains à chelui, et dist que il est fiex de son fil , si veut avoir l’iretage qui est eskeus de sou taion ; et tant vait li plais que il s’apoient en jugement : là rent-on pour voir que li niés, qui est fiex du fil , emporte l’iretage, et dist drois que li fiex de chelui à qui li iretages est ajugiés, ou li enfant de son fil ou de se fille, dont chis estoit taions, emportast l’iretage devant son frère ; que li frères n’est mie oirs , por tant que li autres ait oir qui soit de lui issus , se il n’est si deschcndus et tant eslongiés que il le puist avoir par mariage.