DE PORCELET

Et vostre rien, ne sai conmant,

Je cuit qu'il avra non fromant,

Car c'est biaus nons. — Et j'otroi bien,»

Fait li valiez, « ce non au mien,

Dès qu'il vos plaist et il vos siet.

— Sire, » fait ele, « or ne vos griet Que porcelez voldra mangier :

Ne li faites mie dongier

De vostre fromant qui est boens.

— Dame, » fait il, « il est tôt suens. » Ensi furent moût longuemant,

Tant qu'il avint, ne sai conmant, Que trestoz li fromans failli.

Et la dame l'a asailli Por viande à son porcelet.

Li valiez lait aler .i. pet El giron à la damoisele :

« Que est ce or, sire? » fait ele; « Qu'avez vos fait en mon devant ?

*• — Dame, ce est brans qui espant, Por doner à vostre porcel, Que, foi que je doi saint Marcel, Do fromant, qui est en despans, N'i est remés fors que li brans.

— Conmant, sire, est donques failliz Li fromans ? Donc est malbailliz Porcelez, se Deus me doint sen, Qu'il n'a cure de vostre bran.

— Dame, » fait li valiez, « par m'ame, Fous est qui por les bons sa famé

146 FABLIAU CI 6t

Se grieve tant con je sui faiz, Vostre merci, laissiez m'an paiz, Que tant ai fait voz volantez Que toz me sui desfromantez ; Trop est vostre pors engoisseus :

Car recovrez vostre perteus Et vostre con qui est punais.

Ja par moi ne manjera mais :

Qant plus manjue, plus fain a; Fous fu qui primes les troua. »

Ci fenit de Porcelet.