Recueil général et complet des fabliaux des 13e et 14e siecles imprimés ou inédits, publiés d'apres les manuscrits

ui près de moi se vorroit traire, .1. beau conte m'orroit retraire Dont ge me sui mult entremis, $; Qu'autresi l'ai en rime mis, Com il avint trestot à ligne Dedenz la vile de Compigne.

En la vile avoit .1. borjois

Qui mult ert sages et cortois

Et riches et de grant affaire ;

Ententis ert à honor faire

Fabl. v 1

Ausi au povre com au riche,

Et cil qui n'ert avers ne chiche,

Il avoit .1. vallet à fill,

Qui maint denier mist à essill

Tant com il fu en sa joenece.

De sa valor, de sa largesce

Palloit l'en jusqu'en Beauvoisin.

Cil avoit .1. povre voisin

Qui une fille avoit mult cointe ;

Et li valiez de lui s'acointe :

Si la proia mult longuement.

Celé li dist apertement

Que mielz le venroit reposer

S'il ne la voloit espouser:

Mais se lui plaisoit qu'il l'eûst

A feme, si com il deùst,

El en avroit au cuer grant joie,

Et mult volentiers le vorroie.

Fait li valiez : « Ice me plaist. »

Ce li pramist, atant se test,

Et cil revint à sa maison.

Son père en a mis à raison,

Si li a son affaire dit;

Mais li pères li contredit,

Et mult l'en blasme, et mult l'en chose .

« Beaus filz, » fait il, « de ceste chose

Te deùsses tu mult bien taire;

Celé n'est pas de ton affaire

Ne digne de toi deschaucier.

Ge te vorrai plus sozhaucier,

70 DAUBEREE

Que que il me doive couster, Que ge te voirai ajoster As meillors genz de cest païs.

De ta folie m'esbahis Qui tel garce vels espouser :

Certes on te devroit tuer Se jamais jor m'en aparoles. »

Li valiez voit que cez paroles Li met li pères au noient ; Si nel vait de riens otroiant, Quar Amors, qui les siens justise, Le vallet esprant et atise; El cuer li met une estincele Qu'il ne pense qu'à la pucele.

Trois jors enprès issi avint Qu'an la vile morir covint La feme à .1. riche borjois; Mais encor que passast .1. mois Puis que la dame ot esté morte, Li borgois, qui bien s'en déporte, Par le conseil à ses amis En a son père à raison mis De la pucele bêle et gente Où cil avoit mise s'entente Que ge amentui en mon conte.

Et li borgois dont ge vos conte A tant la besoigne avancie La pucele a en sa baillie.

A l'endemain l'a espousée; Et au vallet nient n'agrée

FABLIAU CX IOO

Qui i penssoit et jor et nuit.

Ne voit riens qui ne li enuit;

Mult het le solaz de la gent,

Mult het son or et son argent

Et la grant richece qu'il a,

Et jure que mult s'avilla

De ce que onquescrust son père.

Sa grant richece tost compère :

Longuement fu en tel pensser

Qu'il ne savoit aillors pensser

De quoi il eùst nul confort.

Il avoit robe d'estanfort,

Taint en graine, de vert partie,

Si a fait chascune partie

A longues queues coercil.

Li surcoz fu toz à porfil

Forrez de menuz escureaus.

Mult soloit estre genz et beaus

Qui ore a le vis taint et pale.

.1. jor de son ostel avale ;

Son chief afuble d'un mantel,

Déduisant va lés le chastel,

Tant qu'il vint devant la maison

S'amie; et fu en la saison

Qu'il fait chalt tens corn en aost.

Que que li griet, que que li cost,

Enging li covient porpensser

Qu'à s'amie puisse palier.

Mult s'i entent, mult s'i prant garde.

Atant une maison esgarde

i3o d'auberée

A une vielle costuriere.

Maintenant passe la charriere, Si est assis sor la fenestre ; Celé li enquist de son estre, Qui de maint barat mult savoit; Si li demande qu'il avoit, Qui si soloit estre envoisiez, Et des autres li plus proisiez.

La vielle avoit non Auberée :

Ja ne si fust feme anserrée Qu'à sa corde ne la traisist.

Et li valiez lez lui s'asist ; Si li conte tôt mot à mot Comment celé borgoise amot Qui mult estoit près sa voisine.

S'ele l'en puet faire saisine, .L, livres en avra.

Celé li dit : « Ja n'i faudra ; J a ne la savra si garder Que ne vos face lui palier Par tens entre l'iiis et la terre :

Alez moi tost les deniers querre, Et ge pensserai de cest huevre. »

Cil cort à une huche et oevre, Où il avoit deniers assez Que ses pères ot amassez.

Les deniers prant et si s'entorne :

Chiés Auberée tantost torne.

Si li monstre .l. livres; Mais il n'est mie tost délivres

Encor i metra son escot.

« Or me donez votre surcot, »

Fait la vielle, « delivrement. »

Et cil, qui son commandement

Volt faire, sanz nul contredit

Fist ce que la vielle li dit,

Tant l'a Amors en son destroit.

Et ele ploie mult estroit

Le surcot, et met soz s'aissele,

Et puis se lieve de sa sele

Et si afuble .1. mantel cort.

Ainsi vers la maison s'en cort ;

Et fu a .1. jor de marchié

Que la vielle ot bien agaitié

Que li sires n'ert pas laienz :

« Et Dieus, » fait ele, « soit caienz !

Dieus soit a vos, ma douce dame !

Ausi ait Dieus merci de Pâme

De l'autre dame qui est morte,

Dont mult mes cuers se desconforte ;

Maint jor m'a çaienz honorée !

— Bien vignoiz vos, dame Auberée, »

Fet la dame, « venez seoir.

— Ma dame, ge vos vieng veoir, Quar de vos acointier me vueill; Ge ne passai aine puis ce sueil Que l'autre dame morte fu,

Qui onques ne me fist refu De riens que ge li demandasse.

Certes, se ge li commandasse

190 d'auberée

A faire une chose mult grief, Ele en feïst ençois meschief, Tant ert raemplie de biens.

— Dame Auberée, faut vos riens?

Se riens vos faut, dites le nos.

— Dame, » fist el, « ge vieg à vos, C'une goûte a ma fille el flanc.

Si voloit de vostre vin blanc Et .1. seul de voz pains faitiz; Mais que ce soit des plus petiz.

Dieus merci, ge sui si honteuse, Mais ainsi m'engosse la teuse Que le me covient demander.

Ge ne soi onques truander, Aine ne m'en soi aidier, par m'ame.

— Et vos en avrez, » dit la dame, « Quant g'iere à privée maignie. »

Celé, qui ert bien enseignie, Delez la borgoise s'assiet :

« Certes, » fait ele, « mult me siet Que foi de vos si grant bien dire.

Comment se contient vostre sire ?

Vos fait il point de bêle chiere?

Ha! com il avoit l'autre chiere!

El avoit mult de son délit!

Bien vorroie veoir vo lit :

Si verroie certainement Se gisiez ausi richement Com faisoit la première feme. »

Maintenant se lieve la dame,

Et puis dame Auberée après,

Qu'en une chambre ilueques près

Enmedeus ensanble en entrèrent.

De plusors choses iluec erent :

Assez i ot et vair et gris,

Et dras de soie et de samis.

Enprès li monstre une grant cosche;

Puis dist la dame : « Ci se couche

Misires, et ge lez ses flancs.

Li Hz si est de fuerre blans;

S'ot desoz une coûte pointe. »

La vielle ot une aguille pointe

En .1. deel en son sercot,

Que ele desoz s'aissele ot.

Mult le tint près de son costé

Que que la dame de Posté

Li monstroit sa besoigne tote,

Et la vielle maintenant boute

Le sercot par desoz la coûte :

« Certes, » fait ele, « dès Pentecoste

Ne vi ge mais si riche lit.

Plus as assez de ton délit

Conques n'ot l'autre, ce me sanble. »

Atant issirent de la chambre,

Et la vielle toz dis sarmone.

Maintenant la dame li done

Plain pot de vin et une miche,

Et une pièce d'une fliche,

Et de pois une grant potée.

Bien est la borgoise gabée

•>5o d'auberée

Par Auberée, nel set pas, Ne sa guile, ne ses baraz.

Vers son ostel tost s'en revient.

Du borgois dire me covient, Qui seus de la vile repaire, Si s'en venoit de son affaire.

.1. petit dormir se voloit :

Desoz la coûte en cel endrot Senti le surcot boçoier.

Lors se commence à sozpeser, Quar ne set que c'est qui li grieve; Maintenant la coûte sozlieve, Si en a tret le sorcot fors.

Qui li boutast dedenz le cors .1. coutel très par mi le flanc, N'en traisist il goûte de sanc, Tant durement fu esbahis :

« Halas! » fait il, « ge sui trahiz, Par celé qui ainz ne m'enma ! »

Lors cort à l'uis, si le ferma , Maintenant a le sercot pris ; Quar jalousie l'a espris, Qui est pire de mal de denz.

Dehors le remire et dedenz, Qu'il sanble qu'achater le vueille; Mais il n'a menbre ne li dueille, Tant plains est de corroz et d'ire :

« Et las ! » fait il, « que porrai dire De ce surcot? » Et dit par s'ame Que il fu à l'ami sa feme,

Fabl. v 2

Qui son solaz ainz consanti Que ele son costé senti.

Lors le prist et si l'estoia , Et puis sor le lit s'apoia, Et pense que il porra faire.

Mais com plus pensse à tel affaire, Et plus li double ses ennuiz.

Ainsi fu tant que il fu nuiz Qu'il vit les huis clos de la rue.

Si prist sa femme et si la rue Par .1. huis fors de la maison.

Celé, qui ne sait l'achoison, A poi n'est de duel acorée.

Atant ez vos dame Auberée, Qui de lui se donoit regart :

« Ma bêle fille, Dieus te gart ! »

Fait la vielle ; « que fais tu ci ?

— Ha! dame Auberée, merci!

Mes sires est mêliez à moi, Mais ge ne sai dire por quoi ; Ne sai que l'en li a conté.

Quar me faites tant de bonté Qu'avuec moi venez chiés mon père.

— Avoi, » fait ele, « par saint Père, Ge nel feroie por grant chose !

Vels tu que tes pères te chose?

Si cuideroit aucun mesfait Qu'eusses à ton mari fait, Ou vilenie de ton cors, Ou qu'il t'eùst gitée fors

[O DAUBEREE II

Ou qu'il t'eûst prise prouvée Et o ton lecheor trovée.

Or est, espoir, li vilains yvres, Il en sera demain délivres ; Mais ge te lou en bone foi Que tu t'en viegnes avuec moi, Quar de genz sont les rues vuides.

Mielz enploias que tu ne cuides Le pain, le vin, la char, les pois :

Ge te vueil rendre tôt à pois Le guerredon et le servise, Que tôt ert fait à ta devise Quanque tu savras demander; Et ne te faut que commander, Que tu seras mult à celée En une chanbre destornée, Où ja ame ne te savra, Jusqu'à tant que tes sire avra Trespassée tote l'ivresce. »

Maintenant la dame s'adrece, Et la vielle à l'ostel l'enmaine.

a Bêle, » fait ele, « une semaine Porras si seûrement estre, Que ja nus ne savra ton estre. »

Adonc s'asistrent au mengier; Et la borgoise en fist dangier, Et dit que ja Dieu ne pleùst Qu'ele menjast, dès que seùst Por quoi a ceste honte eue.

Dame Auberée s'est teùe

A cest mot de lui preeschier.

Lors l'a menée por couchier En une chanbre iluec de joste ; Sor blans dras et sor bone coste, Mult Ta bien la vielle coverte.

Ne laisse pas la chanbre ouverte, Ainz ferme bien Fuis à la clef.

De son ostel s'en ist soëf, Et s'en vait plus tost que le pas Au vallet qui ne dormoit pas, Ainz torne et retorne en son lit.

Mult crient que la vielle n'oublit Ce qu'ele li ot en couvent.

Au cuer soupire durement, Et s'assiet en son lit toz nus; Puis est levez, et est venuz A une fenestre apoier. Et la viele, qui son loier Volt de chief en chief deservir Et le vallet à gré servir, Ne guenchist destre ne senestre.

Le vallet trueve à sa fenestre , Qui li demande qués noveles :

« G'en dirai ja bones et bêles, Quar j'ai si t'amie en mes laz Qu'avoir en porras tes solaz Jusqu'à demain enprès ceste eure. »

Et li valiez plus n'i demeure, Que la vielle ot servi à gré :

Soëf avale le degré,

370 d'auberée i3

Et puis s'en vont andui ensanble.

N'avoit gaires, si com moi sanble,

Que la borgoise ert endormie;

Et cil, qui desirre s'amie,

Se deschauce et si se despoille :

« Dame, » fait il, « et s'el s'orgueille,

Et s'el crie, que dirai gié?

Ouvrer vueil par vostre congié,

Quar bien m'avez rendu mon droit.

— Ge te conseillerai à droit, »

Fait la vielle : « Va, si te couche;

Et se el est vers toi reborse,

Que ele crie, et tu, .11. tanz

Lieve les dras, si te bout enz :

Tantost com el te sentira,

La borgoise autrement ira :

Maintenant la verras taisir,

S'en porras faire ton plaisir. »

Li valiez est au lit alez,

Si s'est lez la dame coulez ,

Et mult soëf à lui adoise.

Atant s'esveille la borgoise,

Qui durement est travaillie.

Quant el le sent, si est saillie

Fors du lit; et cil l'enbraça,

Et dist : « Bêle, traez vos ça,

Quar ge sui vostre doz amis

Que vos avez en dolor mis.

Mais tant ai fet, la Dieu merci,

Que tote seule vos ai ci

Dedenz ceste chanbre enserrée :

Mult vos avoie desirrée.

— Par foi! » fet ele, « rien ne valt,

Que ge crierai ja si haut

Que tost sera ci acorue

Tote la gent de ceste rue.

— Certes, » fait il, « rien ne vos monte;

Quar ne seroit fors vostre honte,

Quant la grant gent et la menue

Vos verroit lez moi tote nue.

Si est ja près de mienuit :

N'en i a .1. seul qui ne cuit

Que j'aie fait ma volonté

De vostre cors et tôt mon gré ;

Mult vient or mielz que soit anblée

A ceus defors nostre assanblée,

Que nus fors que nos trois le saiche. »

Atant devers lui la resaiche;

Si l'enbraça parmi les flans

Qu'el avoit déliez et blans ;

La bouche li baise et la face.

La borgoise ne set qu'el face :

Mielz li vient il estre en repos,

Qu'ele puet acueillir tel los

Par les voisins et tel renom

Qu'el n'i avroit se honte non.

Mult asoaige, mult apaise,

Et li valiez l'acole et baise.

Or sont ensanble et si i font

Ce por quoi assanblé i sont.

43o d'auberée i5

Au matin, quant l'aube est crevée, S'est mult tost levée Auberée ; Si atome au mielz qu'ele pot Char de porc et chapons en rost.

Atant sont assis au mengier, N'i a nul qui face dangier :

Ainz menguent assez et burent; Et anbedui en gré reçurent Le servise dame Auberée.

Et quant ce vint à l'enserée, Que li solaus à son droit torne, Dame Auberée lor atome Ce qu'ele sot que lor est bon, Qui tôt n'estoit mie du son.

Celé nuit ont assez soulaz :

Ambedui jurent braz à braz, Onques de veillier ne finerent, Tant que les matines sonnèrent A Saint Cornil en Pabaïe.

Tantost com ot la cloche oïe Dame Auberée, si s'esveille, Puis si se vest et apareille, Et vint au lit où cil se gisent, Qui lor amor entredevisent :

« Or sus, » fait ele, « bêle fille, Si en irons à Seint Cornille, Entre moi et toi au mostier:

Dès or avroies tu mestier Que tes sire à toi s'acordast. »

Li valiez mult l'en destornast,

Mais il ne l'ose contredire,

Et la vielle li prant à dire :

« Lai moi à mon talent ovrer :

Encor i porras recouvrer

A t'amie et à ton déduit. »

Auberée ot chandoiles uit,

Dont chascune ont plus d'une toise :

Entre Auberée et la borgoise

Se sont issues de l'ostel.

Au mostier vont devant l'autel

Nostre Dame et devant l'ymage.

Auberée, qui mult fu sage,

Fait la dame couchier à terre,

Et li desfent que de sa guerre

Ne li soit à vaillant .111. noiz.

La vielle ot faites .1111. croiz;

En une lanpe où feu ardoit

Les chandoiles que el avoit

A alumé de chief en chief.

L'une des croiz li met au chief,

Et l'autre as piez, et l'autre à destre,

Et la quarte mist à senestre ;

Puis vient à lui, si l'aseùre :

« N'aiez de paor nule cure,

Et gardez comment qu'il aviegne,

Ne vos movez tant que reviegne,

Ainz gisez ci endementiers.

— Dame, » dit ele, « volentiers. »

Ainsi la dame iluec s'atorne,

Et la vielle sa voie torne

490 DAUBERÉE

A l'ostel au borgois tôt droit, Qui dolenz por sa feme estoit, Si qu'il ne se set conseillier.

Et celé, por lui esveillier, Vint celé part et hurte et boute ; Et cil, qui oreille et escoute, Qui mult vosist tel chose oïr Dont il se poï'st esjoïr, Tantost son huis ovrir commande.

Et dame Auberée demande Maintenant qu'ele entra laienz :

« Où est, » dist ele, » li noienz, Li failliz, li mal ensaigniez ?

— Dame Auberée, bien viegnoiz, »

Fait il ; « que volez à ceste eure ? » Celé a respondu : « Ne demeure :

Ge te dirai, lasse, mon songe.

Anuitsongai .1. mult grief songe, Que de peor m'en esveillai ; Vesti moi et aparellai, Que du songe fui esbaïe.

Au mostier, dedenz l'abeïe, Très devant l'autel Nostre Dame , Ilueques vi gésir ta feme Devant l'autel tote estandue.

Tote en ai esté esperdue, Quar ge ne sai que ce puet estre.

Au chief, au pié destre, au senestre, Vi chandoiles iluec ardant; Iluec vit ta famé gisant

Devant l'autel à oroison.

Trop en as fait grant mesprison; Si en batras encor ta goule :

I deùst ele estre si seule Feme qui si bêle forme a?

De la mein Dieu qui te forma Soies tu seignie, Auberée !

G'en sui tote désespérée.

Si le tieng à mult grant merveille De cest affaire qu'ainsinc veille De ce tendrun qui hier fu née, Qui deùst la grant matinée Çaienz dormir soz sa cortine ; Et tu l'envoies as matines!

As matines! lasse pechable !

De la mein Dieu esperitable Soie ge, » dit ele, « saignie Et beneoite et porseignie!

Vielz la tu faire papelarde?

Mal feu et maie flamme Tarde, Qui juesne feme ainsi envoie ! »

Ainsi la vielle le desvoie Du mal pensser que ses cuers ot; Se ne fust ce por le sercot, Ja n'i penssast mais se bien non, Mais toz jors ert en soupeçon.

Fait le borgois : « Dites vos voir?

— Levez sus, si porrez veoir, »

Fait li vielle, « se ge vos ment. »

Cil se lieve delivrement,

55o d'auberée 19

Que n'a cure que plus i gise.

Andoi s'en vienent à l'yglise; Iluec a sa famé trouvée, Si comme l'ot dit Auberée, Et li borgois vers lui se trait, Que la vielle li ot retrait.

Par la mein contremont la drece, Puis li a dit que par yvrece A il fait tele mesprison.

Endui en vienent en maison ; Si se couchierent de rechief.

La borgoise cuevre son chief, Qui de dormir avoit talent.

Mult li est poi du maltalent Que ses sires avoit eu, Quant il n'en a riens plus seù ; Et li mariz d'autre part cuide Que sa feme ait la teste vuide Et de veillier et de plourer, Et que puis ne fîna d'ourer Devant l'autel et nuit et jor, Et depria por son seignor.

Ainsi lez sa feme se jut Li borgois tant que jor parust.

Quant li soulaus en haut se hauce, Li borgois se vest et se chauce, Et laist sa feme qui se gist.

Maintenant de son ostel ist Et saigne son vis et son cors, Et dame Auberée saut fors,

FABLIAU CX 58o

Et si s'escrie à haute voiz :

« .Xxx. sols! la veraie croiz!

Or ne me chalt que ge plus vive !

.Xxx. sols! dolente chaitive!

.Xxx. sols, lasse! que ferai?

.Xxx. sols! et où les prandrai?

Dieus! ge sui trop maleùreuse!

.Xxx. sols, lasse doleruse!

Or m'est il trop mesavenu ! »

Estes vos le borgois venu.

Dame Auberée veù l'a ; Si crie encor et ça et là :

.Xxx. sols, lasse! .xxx. sols!

Or venra çaienz li prevoz,

Si prandera ce pou que g'ai :

C'est le songe que je songai.

— Dites moi, se Dieu vous aïst, »

Faist li borgois qui s'esbahist,

« Por quoi vos faites si grant duel.

— Par monchief, » faitele, « mon vuel,»

Fait ele, « ge le vos dirai ;

Ja de mot ne vos mentirai.

.1. vallet vint ci avant hier;

Por recoudre et por affaitier

Si me bailla .1. sien sercot,

Que rompu ot à un escot

Ne sai .m. escureus ou quatre.

Ge le pris, si m'alai esbatre

A tôt le sercot recousant,

C'un poi me sentoie pesant.

610 d'auberée

Ainsi à tote ma couture M'en issi par mésaventure Celui jor fors de mon ostel ; Mais cheû m'est de mon chetel, Quant ge ai mon surcot perdu, Dont j'ai si mon cuer esperdu Que ge ne sai où ge me sui.

Que ferai se ge ne m'enfui , Que ge n'en sai nul autre ensaigne Ne ge ne truis qui le m'ensaingne ? S'en le me velt ainsi noier, G'en ferai escommenier Diemanche à toz les mostiers.

Il ne m'estoit or nus mestiers De recevoir si laide perte.

Beaus sire, or oez chose aperte :

Se Dieus me doint veoir Noël, G'ai laissié pendre mon deel Avuec Paguille en cel surcot Dont ge sui, lasse! à tel escot, S'ainsi rendre le me covient.

Et li vassaus chascun jor vient, Si m'angoisse et si me demande .Xxx. sols et le surcot rende; Mais de rendre sui esgarée.

— Or me dites, dame Auberée :

Fustes vos pieça en maison?

— Oïl, sire, par achoison D'avoir .1. petit de relief, Que ma fille avoit mal el chief

Ce fut avant hier, or me menbre :

La dame trouvai en sa chanbre, Qui ilueques pignoit son chief.

En .1. lit vi de chief en chief Estandue une coûte pointe ; One de mes elz ne vi si cointe.

Tant i musai iluec de joste Que m^endormi sor celé coste, Et que la dame se leva, Qui volentiers m'apareilla Ce que demandé li avoie; Et lors si me mis à la voie.

Ainsi icelui jor avint; Mais ne sai, lasse! que devint Le sercot, fors tant que je fuse Que ge l'oubliai sur la cousche. »

Quant li borgois ot les noveles, Mult li furent plaisanz et bêles ; Mais se il trueve le deel One n'ot tel joie en son aé Com il avoit se il le trueve.

Tart li est qu'il voie la prueve.

Atant à son ostel s'en vait ; Une huche oevre, fors l'en trait Le surcot que il ot charchié ; Et quant il trova atachié Le deel à tote l'aguille, Qui li donast trestote Puille Veûst il pas joie graignor :

o Por Dieu, » fait il, « le mien Seignor,

662 d'auberée r%

Or sai ge bien certainement Que la vielle de riens ne ment, Que j'ai trouvée la costure. »

Ainsi fu liez de s'aventure Li borgois, et bel s'en déporte; Et dame Auberée raporte Son surcot, si s'en délivra.

Ainsi la vielle délivra Le borgois de mauvais pensser, Que puis ne se pot apensser.

Quant il du surcot fu délivres, Et celé, ot les .l. livres, Bien ot,son loier deservi :

Tôt .ni, furent en gré servi.

Par cest fLabel vos vueil monstrer Por poi puet on feme trouver Qui de son cors face mesfait, Se par autre feme nel fait.

Teie est bien en sa droite voie, Se feme velt qui la desvoie, Qu'el seroit nete, pure et fine.

Ainsi nostre flabeaus define.

Explicii.

DE LA DAMOISELE

qui n'ot parler de fotre qu'i n'aust mal au cuer

Bibl. de Berne, Mss. 3 5^, fol. 58 r° à $9 v°.

n iceste fable novele Vos conte d'une damoisele Qui moût par estoit orgoilleuse Et felonesse et desdaigneuse,

Que, par foi je dirai tôt outre,

Ele n'oïst parler de foutre

Ne de lecherie à nul fuer,

Que ele n'aust mal au cuer ;

Et trop en faisoit maie chiere.

Et ses pères l'avoit tant chiere,

Por ce que plus enfans n'avoit,

Q^à son voloir trestot faisoit :

Plus ert à li que ele à lui.

Tuit sol estoient enbedui,

N'orent béasse ne serjent;

Et si estoient riche gent.

Et savez por quoi li prodom

N'avoit serjent en sa maison?

La damoisele n'avoit cure,

Por ce qu'ele ert de tel nature,

5o DE LA DAMOISELE QUI N'OT PARLER

Que en nul sen ne sofrist mie Sergent qui nomast lecherie :

Vit ne coille ne autre chose. " Et por ce ses pères ne ose

Sh Avoir sergent un mois entier, S'en aûst il moût grant mestier, A ses blez batre et à vener, Et à sa charrue mener, Et à faire s'autre besoigne.

i* Mais sergent à prandre resoigne Por sa fille qui trop endure, Tant c'uns valiez par avanture, Qui moût savoit barat et guile, Herbergiez fu en celé vile,

y*> Qui aloit gueaignier son pain, Oï parler de ce vilain Et de sa fille qui aoit Les homes, et cure n'avoit Ne de lor faiz ne de lor diz.

Icil valiez ot non Daviz ; Si aloit toz seus par la terre, Comme preuz, avanture querre.

Qant il sot veraie novele De l'orgoilleuse damoisele,

•V) Qui estoit de si mal endroit, A la maison en vint tôt droit O ele estoit avec son père; O li n'avoit seror ne frère Ne clo ne droit ne mu ne sort.

& Li vilains estoit en la cort;

Fabl. V

Ses bestes atire et atome

Et sa busche au soloil retorne :

De sa besoigne s'antremet.

Atant estes vos Daviet Qui lo vilain a salué; Si li a l'ostel demandé Por Deu et por saint Nicolas.

Li vilains ne l'escondist pas Ne otroier ne li parose ;

60 Ainz li demande au chief de pose Qeus hom il est et de coi sert.

Daviez li dist en apert Que moût volantiers serviroit / .1. prodome, s'il le trovoit;

^ Que bien set arer et semer, Et bien set batre et bien vaner, Et tôt ce que valiez doit faire.

« J'aûsse bien de toi afaire, »

Fait li vilains, « par saint Alose,

*\o Ne fust sans plus por une chose!

J'ai une fille donjereuse Qui vers homes est trop honteuse , Qant parolent de lecherie.

Onques n'oi sergent en ma vie

\\> Qui longues me poïst durer, Que, dès que ma fille ot nomer Foutre, si li prent une gote Qui encontre lo cuer la bote Que de morir fait grant sanblant,

8o Et por ce n'os avoir sergent,