DU PRESTRE QUI OT MERE A FORCE

« Se vous vostre mère en portez, Por ce ne vous desconfortez.

— Mère ! sire, » ce dist le prestre, « Mère, au deable puist ele estre, Que ma mère ne fu ele onques ! » L'autre prestres li dist adonques De chief en chief sa volenté :

« Qui or vous feroit tel bonté,

Que la vielle por vous preïst

Et la peùst et la vestist,

Tote sa vie Pi trouvast,

Mais que la vielle Potroiast,

Que li donnez vous, biaus douz sire? »

Li prestres respont : « Par saint Sire,

Cui hom je sui et chapelains,

S'il estoit ne clers ne vilains,

Qui de son cors me delivrast,

Et la vestit et la chauçast,

Il en avroit .xl. livres.

— Por tant en serez vous délivres, »

Fet il, « se vos les me bailliez, N'aiez garde que i failliez. »

Fet cil : « Se la vielle l'otroie. »

Fet la vieille : « Se Dieus me voie, Je Potrie moût bonement. »

Lors a cil fet le paiement Et les deniers créante à rendre.

Or puet plus asseùr despendre Li filz à la vielle sanz faille Que cil toz les deniers li baille

Si s'en acuité com loiaus.

A cest mot fenist cis fabliaus Que nous avons en rime mis Por conter devant noz amis.

Explicit du Prestre qui ot mère à force.