SAINT MARTIN

Paris, Bibl. nat., Mss. fr. 837, fol. 189 r° à 190 r°; Bibl. de Berne, Mss. 354, fol. 167 v° à 169 r°; Oxford, Bibl. bodl., Digby 86, fol. n3 r° à 1 14 r°.

n vilain ot en Normendie Dont bien est droiz que je vous die .1. fablel merveilleus et cointe.

iToz jors avoit il a acointe

Saint Martin, que toz jors nommoit

A ses oevres que il fesoit ;

Ja si liez ne dolenz ne fust

Que saint Martin n'amenteùst;

Toz jors nommoit il saint Martin.

Li vilains aloit .1. matin

En son labor, si comme il seut ;

Saint Martin oublier ne veut :

« Saint Martin,» dit il, «or avant ! »

Et sains Martins li vint devant :

« Vilains, » fist il, « tu m'as moût chier ;

Ja ne voudras riens commencier

Que toz jors au commencement

Ne me nommes premièrement :

Fabl. V. 26

Je t'en rendrai ja la déserte.

Lesse ton travail et ta herce, Si t'en rêva tout liement ; Je te di bien tout vraiement, Ce qu'a .ïïii. souhais diras Saches tu bien que tu l'avras ; Mes garde toi au souhaidier, Tu n'i avras ja recouvrier ! »

Li vilains l'en a encline, Puis s'en est arrière torné ; En sa maison s'en va toz liez, Il sera ja bien aresniez.

Sa famé, qui chauce les braies, Li a dit : « Vilain, mal jor aies !

Por qoi as tu j a lessie oevre Por le tens qui .1. poi se cuevre; Il n'ert vespres jusqu'à .11. Hues.

Est ce por encressier tes giues ?

Paor avez n'aiez forage ; Onques n'amastes laborage.

Vous fêtes moutvolentiers feste !

A mal eùr aiez vous beste, Quant vous n'en fêtes vostre esploit !

Vous en alastes orendroit : Tost avez or jornée faite!

— Tais toi, ma suer, ne te deshaite ! » Dist li vilains, «quar riches sommes ; Dès or nous sont remez noz sommes Et no travail, je le devin.

Je ai encontre saint Martin :

78 LES .1111. SOUHAIS SAINT MARTIN 2o3

.lui. souhais me dona ore; Nés ai pas souhaidiez encore Tant que j'eusse à toi parlé.

Selonc ce que m'avras loé, Souhaiderai tout maintenant Terre, richece, or et argent. »

Quant celé l'oï, si Facole, Si s'umelie de parole :

« Sire, » dist ele, « dis tu voir ?

— Oïl bien, le porras savoir.

— Ahi, » fet ele, « douz amis,

Ja ai je en vous tout mon cuer mis De vous amer, de vous servir.

Or le me devez bien merir :

Je vous demant, se il vous plaist, Que vous me donez .1. souhait; Vostre seront li autre troi, Et si serez lors bien de moi.

— Tais toi,» dist il, «ma beîe suer, Je ne le feroie à nul fuer,

Que famés ont foies penssées :

Tost demanderiez .111. fusées De chanvre, de laine ou de lin.

Bien me sovient de saint Martin Qui me dist que bien me gardaisse, Et que tel chose souhaidaisse Qui nous peùst avoir mestier.

Je les voudrai toz souhaidier, Et sachiez bien que je criembroie, Se le souhait vous otrioie,

Que tel chose souhaidissiez Dont moi et vous empirissiez.

Ne connois pas bien voz amors:

Se deïssiez que fusse uns ours, Ou asnes, ou chievre, ou jument, Jel seroie tout esraument.

Por ce si redout vostre otroi.

— Sire,» dist ele, «en moiefoi, Je vous afi de mes .11. mains Que toz jors serez vous vilains.

Ja par moi n'avrez autre forme ;

Ja vous aim je plus que nul homme.

— Bêle suer, » dist il, « or l'aiez : Por Dieu tel chose souhaidiez Où moi et vous aiommes preu.

— Je demant, » dist ele, « en non Dieu, Que vous soiez chargiez de vis,

Ne vous remaingnent oeil ne vis, Teste, ne braz, ne piez, ne coste Où partout ne soit vit planté.

Si ne soient ne mol ne doille, Ainz ait à chascun vit sa coille ; Toz dis soient li vit tendu, Si samblerez vilain cornu. »

Quant ele ot souhaidié et dit, Au vilain saillirent li vit; Li vit li saillent par le nez Et par la bouche de delez ; Si ot vit lonc et vit quarré, Vit gros, vit cort, vit reboulé,

38 LES .1111. SOUHAIS SAINT MARTIN 2o3

Vit corbe, vit agu, vit gros; Sor le vilain n'ot si dur os Dont vit ne saillent merveillous.

Li vit li saillent des genous ; Por Dieu or entendez merveilles, Li vit li saillent des oreilles, Et par devant en contremont Li sailli uns grans vis du front, Et par aval dusques aus piez Fu li vilains de vis chargiez ; Moût par fu bien de vis vestuz, De toutes pars fu bien cornuz.

Quant li vilains se vit si fait:

« Suer, » dist il, « ci a lait souhait : Por qoi m'as tu si atorné ?

J'amaisse mieus estre mort né Que seur moi eusse tant vit:

Onques mes nus hon tant n'en vit.

— Sire, » dist el, « je vous di bien C'un seul vit ne me valoit rien :

Sempres ert mol comme pelice.

Mes or sui je de vis moût riche, Et savez encore autre preu, Que jamès ne serez en leu Où vous doiez point de paiage.

J'ai esté au souhaidier sage, Vous ne devez pas estre irous ; Il a moût bêle beste en vous. »

Dist li preudon : « Ce poise moi; Je souhaiderai après toi.

o6 FABLIAU CXXXIII 1 68

Je souhaide, » dist li preudon, « Que tu aies autrestant con Con j'ai de vis par deseur moi, Autrestant con aies seur toi I »

Adonc fu ele bien connue Qu'ele ot .11. cons en îa veùe; .lui. en ot ou front coste à coste, Et con devant et con d'encoste; Si ot con de mainte manière Et con devant et con derrière, Con tort, con droit et con chenu, Et con sanz poil et con velu, Et con pucel, et con estrait, Et con estroit, et con bien fait, Et con petit, et con aorce, Et con parfont et con seur boce, Et con au chief, et con aus piez.

Adonques fu li vilains liez :

« Sire, » dist ele, « qu'as tu fait ? Por qoi m'as doné tel souhait ?

— Je te dirai, » dist li bons hom :

« Je n'avoie preu en .1. con Puis que tant vit me doniiez.

Bêle suer, ne vous esmaiez

Que jamès ne vendroiz par rue Que vous ne soiez bien connue.

— Sire, » dist el, « or n'i a plus ; Nous avons .11. souhais perdus :

Souhaidiez que vous vit n'aiez Ne je con ; ainsi le laiez.