I!0 DE .III. DAMES QUI TROVERENT

Qui moût l'esgarda volentiers; Trois souspirs fist Ions et entiers, Et dit après : « Or oi biau plait, Que volez que ci vos soit fait Jugement de ce qui est nostre !

Certes, dame, il ne sera vostre, Ce sachiez, n'a celé quel porte :

C'est le toraill de nostre porte Qui l'autre jour fu adiré.

Je cornant qu'il soit bien gardé, Corne nostre chose demaine.

Alez, » fet el, « ma dame Elaine, »

Qui ert delez la celeriere, « Alez, et si soit mis arrière ; Là dont il fu osté et pris Je voil qu'il soit arrière mis. »

Et ma dame Helaine le prent, Ce sachiez vos, isnelement; L'avoit lancié dedenz sa manche Qui moût estoit deugiée et blanche.

Atant départent, si s'en vont, Celés retornent, perdu ont, Onques nule rien prist congie.

Assez a ore bien jugié Ici ma dame l'abaesse ; Moût fist que fausse tricherresse Qui leur toli par covoitise; Assez tost se fu ore mise, En li si fet ele en plusors.

Autresi font les jugeours :

Covoiteus sont, jel sai de voir; Ja povres hons qui n'a avoir N'avra par eus droit en sa vie.

Je di que celé fist folie Qui par covoitise perdi.

Por ce, seignor, je vos chasti; Par essample vos mostre et preuve Que se nul de vos avoir treuve, S'il i a compaing ne compaigne, N'atende pas que il s'en plaigne, Mes rende l'en toute sa part.

Je di : Cil se repent trop tart, Qui se repent quant a perdu; Je di qu'il a trop atendu, . Et si vous revoil fere entendre Que L'en pert bien par trop atendre; Mes en la fin fin di en apert :

Cil qui tôt covoite, tout pert.

ExpUcit.