DE LE VESCIE A PRESTRE
Ki li promesist longe vie.
Li prestes, qui out grant envie
De bien morir et justement,
Manda tost et isnelement
Son doiien et toz ses amis,
Son avoir entre lor main mis
Por donner et por départir
Cant ilh verront que départir
De son cors estovera Famé :
Jouuel, cossin, pot ne escame,
Cuete, tuelle, neiz une nape.
Brebis, moutons, buef, ne sa chape
Ne li remaint que tôt ne donne,
Et nome chascune persone
A qui ilh vuet c'on doinst ses chozes.
Descovertes, et non pas clozes.
Lettres saeler et escrire
En fist, que ne le vos puis dire ;
Plus briément, quant que il avoit
Ilh dona tôt quantqu'il savoit,
Con chil qui n'avoit espérance
D'avoir de son mal aligance.
Car sa maladie ert amere.
Atant se sont d'Anwier dui Frère De Saint Jake issu por prechier.
Qui mut se vuelent estachier Cant aucun desviiet ravoient.
Celé part tôt droit en lor voie Si sont chés le prestre venus.
I estre quidarent retenus
Al mangier, à joie et à feste
Si c'autrefois esté i furent
Mais ne mengierent ne ne burent,
Car malade ont trové le prestre.
Non porquant li ont de son estre
Demandé et de son afaire.
Ses mains manient, son viaire,
Ses pies, ses jambes regardèrent
Et tôt son cors mut bien tansterent ;
Si lor sembla bien par droiture
C'awoir ne poist de son mal cure
Ke ne l'en coviengne morir :
Trop lonc tans l'a laisié norrir,
Si n'est pas legiers à curer.
« Mais des or nos covient curer, »
Dist l'uns à l'autre, « c'est passé
Ke de l'avoir k'a amassé
Doinst à nostre maison .xx. livres
A lé, por refaire nos livres;
Se nos le poons ensi faire,
A no Prius devera plaire
Et si en seront liet no Frère.
— Vos dites voir, par Dieu no père.
Frère Louuiz ; or i para
Liqueis miez à lui parlera
Et mostrera nostre besongne. »
Al prestre, ki out grant esoingne De maladie, ont dit sans faille :
« Sire, chis maus mut vos travaille.
Io6 DE LE VESCIE A PRESTRE IO9
Vos nos sambleis mut agreveis, De vostre ame penser deveis ; Doneis por Dieu de vostre avoir. »
Dist li prestes : « Ne puis savoir K'aie caché sortout ne cote Neis les linchuès à coi me frote, Ke tout n'aie por Dieu doné.
— Comment aveis vos ordené, »
Dient li Frère, « vo besongne?
Li Escriture nos temongne C'on doit garder à cui on done, S'emploiiet est à la persone
A cui on vuet aumône faire. »
Li prestes respont, sans contraire :
« J'ai à mes povres parentiaus
Doné brebis, vaces et viaus.
Et à povres de celé vilhe
Ai doné ausi, par saint Gilhe,
De bleis qui vaut plus de .x. livres :
Por ce ke je soie délivres
De ce ke j'ai vers iaus mespris,
Car entor iaus mon vivre ai pris :
Si ai doné as orfenines,
A orfenins et à béguines
Et à gens de povre puissance,
Et si ai laisiet, por pitance,
.C. souz as Frères des Cordeles.
— Ces amuenes si sont mut bêles ; Et as Frères de no maison,
Aveis vos fait nule raison ? »
lO FABLIAU I.XIX 1 36
Ce client li doi Frère al prestre.
« Naie, voir. — Ce comment peut estre ?
En maison a tant de preudomes,
Et à vos prochain voisien somes,
Et si vivons mut sobrement,
Vos ne moreis pas justement
Se del vostre ne nos laiiés. »
Li prestes trestous esmaiiés
Respont : « Par les oelz de ma teste,
A doner n'ai ne bleif ne beste,
Or ne argent, hanap ne cope. »
Chascuns des Frères li rencope
Et li mostre par exemplaire
K'ilh puet un de ses dons retraire
Et rapeler por iaus doner :
« Nos nos vorimes mut pener
Ke vostre ame fust adrechie,
Car chaiens a esté drechie
Soventes fois bien nostre escuele.
Et li amuene si est biele
Ki est à nostre maison mise.
Nos ne vestons nule chemise
Et si vivomes en pitance.
Ce sache Dieus, por la valhance
De vostre argent nel disons mie. »
Li prestes Tôt, si s'en gramie
Et pense qu'il s'en vengera,
S'ilh puet, et k'ilh les trufera,
Mar le vont or si près tenant.
As Frères respont maintenant :
