DE LE VESCIE A PRESTRE II

Se j'avoie pensé de m'ame,

Et je lor dis, par Nostre Dame,

Ke j'avoie trestot donet.

Ilh demandèrent s'ordiné

A lor maison riens née avoie,

Et je dis non ; se Dieus m'avoie,

Il ne m'en estoit sovenu,

Or estoient trop tart venu ;

Je n' avoie mais que doner.

« Non , » dissent ilh , « trop malmener

Vos voi, mavaisement moreis

S'en cestui propoz demoreis,

Se vos ne nos doneis del vostre. »

Et je, par sainte patenostre,

Ne vuelh pas morir malement.

Si ai pensé si longement

K'apenseis me sui d'une coze

Ke j'ai en mon porpris encloze,

Ke j'aime mut et tieng mut chiere,

Mais je lor doin en tel manière

K'ilh ne l'aront tant con vivrai,

Car onkes ne le délivrai

En autrui garde k'en la moie.

Sachiés ke durement l'amoie

Et amerai tote ma vie :

Sans convoitise et sans envie

Lor done chi en vo présence.

— Et ke nus n'i amené tenche, »

Dient al prestre li .v. Frère,

« Dites quel choze c'est, biaz père.

6 FABLIAU LXIX 3l6

— Volentiers voir, c'est me vesie.

Se la voilés bien netoiie,

Mieus ke de corduan varra Et plus longement vos dura :

Se poreis ens mètre vo poivre.

— Nos aveis vos ci por dechoivre Mandeis, foz prestes entesteis ?

Avoir nos cuidiés ahonteis, Mais n'en aveis, par saint Obert, Bien nos teneis or por bobert.

— Mais vos, por beste me teneis, Cant les dons que je ai doneis Me voleis faire recolhir.

Bien me faites le sanc bolir Ki voleis ke je le rapiele ; Bien vos dis ke pot ne paele Ne riens née à doner n'avoie ; Or me voleis mètre en tel voie K'en vos soit mieus Tamouene asise K'en lieu u je l'euuise mise, Por ce ke de tos melhor estes. »

Li Jacobin baisent les testes.

Si se sunt retorné arrière Vers lor maison à triste chiere, Et tôt chil ki là demorerent De ris en aise se pâmèrent Por la trufe de la vesie, Ke li prestes ot tant prisie As Jacobins, ki bien en burent Et mangierent et en rechurent