A LA ROBE VERMEILLE

Paris, Bibl.nat., Mss.fr. SSyJol. i 28 r°à i 29v°, et I 593, fol. 149 r° à I 5o v<*.

N la conté de Dant Martin Avint entor la saint Martin Le boillant, que gibiers aproche, Uns chevaliers qui sans reproche

Vesqui ou païs son aage.

Molt le tenoient cil à sage

Qui de lui estoient acointe.

Une dame mingnote et cointe,

Famé à .i. riche vavassor,

Proia cil et requist d'amor,

Et tant qu'ele devint s'amie.

Entor .11. Hues et demie

Avoir entre lor .11. osteus.

Li amis à la dame ert teus

Qu'il erroit par toute la terre,

Por honor et por pris conquerre,

Tant que tuit le tindrent à preu.

Et li vavassors por son preu

Entendoit à autre manière,

Qu'il avoit la langue manière

36 FABLIAU LVII 5o

A bien parler et sagement, Et bien savoit .i. jugement Recorder, c'estoit ses delis.

Por aler aus plais à Senlis, Apresta .i. matin son oirre ; Et la dame manda bon oirre Son ami par .i. homme sage.

Qui bien sot conter son message ; Et, quant cil oï la novele, Robe d'escarlate novele A vestu, forrée d'ermine.

Comme bacheler s'achemine, Qui amors metent en esfroi ; Montez est sor son palefroi, Ses espérons dorez chauciez.

Mes por le chaut ert deschauciez, Et prist son esprevier mué.

Que il meïsmes ot mué, Et maine .11. chienès petiz, Qui estoient trcstoz fetiz Por fere aus chans saillir Paloe.

Si com fine amor veut et loe, S'est atornez; d'iluec s'en part, Et est venuz droit celé part Où il cuida trover la dame ; Mes n'i trova homme ne famé, Qui de nis une rien l'aresne; Son palefroi tantost aresne, Et mist son esprevier seoir :

En la chambre cort por veoir

8o DU CHEVALIER A LA ROBE VERMEILLE 3

OÙ il cuidoit trover s*amie.

Et celé ne se dormoit mie, Ainçois se gisoit toute nue, Et si atendoit la venue De son ami, et il vint là Droit au lit où il la trova.

Il la vit crasse, et blanche et tendre : Sanzdemorer et sanz atendre, Se voloit toz vestuz couchier.

Et la dame qui molt Tôt chier, I mist .1. poi de contredit, Debonerement li a dit :

« Amis, bien soiez vous venuz ; Lez moi vous coucherez toz nuz, Por avoir plus plesant délit. »

Sus une huche aus piez du lit A cil toute sa robe mise ; Ses braies oste et sa chemise, Et ses espérons a ostez : Maintenant est el lit entrez ; Ele le prist entre ses braz.

D'autre joie, d'autre solaz Ne vous qurer fere menssion,' Quar cil qui ont entencion.

Doivent bien savoir que ce monte; Por ce ne vueil fere lonc conte, Mes andui firent liemant Tel déduit com font li amant En ce qu'il se jouent ensamble.

Li plet furent, si com moi samble,

Contremandé au vavassor :

Ainçois qu'il fust prime de jor, Est il à Tostel revenuz.

« Dont est cis palefroiz venuz? »

Fet il; « cui est cis espreviers? »

Lors vousist cil estre à Poitiers, Qui dedenz la chambre enclos iere :

Entre le lit et la mesiere Est coulez, mes tant fu sorpris Qu'il n'a point de sa robe pris, Fors ses braies et sa chemise; Assez a robes sor lui mise La dame, mautiaus, peliçons.

Li sires ert en granz friçons Du palefroi que il remire; Encore ot au cuer greignor ire Quant il est entrez en sa chambre ; Quant voit la robe, tuit li membre Li frémissent d'ire et d'angoisse.

Lors destraint la dame et angoisse, Et dist : « Dame, qui est ceenz ?

Il a .1. palefroi leenz; Cui est il ? cui est celé robe ? »

Et la dame, qui biau le lobe, Li dist : a Foi que devez saint Père, N'avez vous encontre mon frère, Qui orendroit de ci s'en part ?

Bien vous a lessié vostre part De ses joiaus, ce m'est avis ; Por tant seulement que je dis

Que tel robe vous serroit bien,

Aine plus ne li dis nule rien,

Ains despoilla tout maintenant

Celé bêle robe avenant,

Et prist la seue à chevaucier;

Son palefroi qu'il ot tant chier,

Son esprevier et ses chienès.

Ses espérons cointes et nés,

Freschement dorez, vous envoie :

Par poi que je ne me dervoie,

Et juroie trop durement,

Mes onques por mon serement.

Ne por rien que seûsse dire

Ne poi je son voloir desdire.

Dès qu'il li plest, prenez cest don,

Bien l'en rendrez le gueredon

Encor, se Diex vous done vie. »

Et li vavassors, qui envie

Avoit du biau présent avoir,

Li dist : « Dame, vous dites voir;

Du palefroi m'est il molt bel,

Et des chienès et de l'oisel.

Mes .1. petit i mespreïtes,

Quant vous sa robe retenistes,

Quar ce samble estre convoitise.

— Non fet, sire, mes grant franchise,

Que l'en doit bien, par saint Rémi,

Prendre .i. biau don de son ami ;

Quar qui de prandre n'est hardiz

De doner est acouardiz. »

4© FABLIAU LVII jyo

Atant lessierent la parole, Et la dame, qui biau parole A son seignor par tel reson.

Qu'il n'i puet trover achoison, Par qoi i mete contredit, La dame à son seignor a dit :

« Sire, vous levastes matin ; Foi que vous devez saint Martin, Venez vous delez moi gésir?

Si vous reposez à loisir :

L'en appareille le mengier. »

Et cil n'en fist onques dangier, Ainz s'est toz nus lez li coulez.

Si vous di qu'il fu acolez.

Et besiez .11. tans qu'il ne seut; La dame à tastoner l'aqueut Si souef, que il s'endormi.

Lors bouta un poi son ami.

Et cil tout maintenant se drece, Vers la huche tantost s'adrece Où il avoit sa robe mise.

N'i a pas fête grant devise A lui crespir, ainçois s'atorne, Et au plus tost qu'il puet s'en torne, Et atout son harnois s'en vait, Et le vavassor dormant lait.

Qui dormi jusques vers midi.

Quant il s'esveilla, si vous di Qu'à la dame n'anuia point.

Li vavassors qui en biau point

Estoit de son riche presant,

Dist c*on li aportast avant

A vestir sa robe vermeille.

Son escuier li apareille

Une robe vert qu'il avoit,

Et, quant li vavassors la voit,

Se li a dit isnel le pas ;

« Geste robe ne vueil je pas,

Ainz vueil m'autre robe essaier.

Dont richement me sot paier

Mon serorge, que je molt pris. '>

Lors fu li Vallès entrepris.

Qui de tout ce riens ne savoir,

Quar toute jor esté avoit

Aus chans les soieors garder.

Lors prist la dame à regarder

Son seignor, et se li a dit ;

(( Biaus sire, se Diex vous aït,

Or me dites,, se vous volez,

Quele robe vous demandez ;

Avez vous donc robe achatée,

Ou se vous l'avez empruntée

De là où vous avez esté ?

Quele est ele? Est ele à esté?

— Je vueil « fet il, « ma robe chiere.

Qui hui main sor celé huche iere.

Que vostre frère m'a donée ;

Bien m'a s'amor abandonée,

Et bien doi estre ses acointes.

Quant veut que du sien soie cointes,

Fabl. III 6

Et de ce l'aim je encore miex, Qu'il despoilla, voiant voz iex, Les garnemenz qu'il m^a lessiez.

— Certes forment vous avilliez ».

Fet la dame, « ce m'est avis :

Bien doit estre vavassors vils Qui veut estre menesterez ; Miex voudroie que fussiez rez Sans eve, la teste et le col, Que ja n'i remainsist chevol ; Ce n'apartient mie à vostre oes D'avoir garnement s'il n'est nues; Ç'apartient à ces jougleors, Et à ces bons enchanteors, Que il aient des chevaliers Les robes, que c'est lor mestiers.

Devez vous donc robe baillier S'el n'est à coudre ou à taillier Et soit fête à vostre mesure?

Se je vous di sens et droiture.

Créez moi ; si ferez savoir. »

Lors ne puet il apercevoir Que celé robe est devenue ; Si cuide il bien qu'en sa venue L'eùst veûe sor la huche.

Maintenant son escuier huche.

Mes tuit furent si enseignié, Que ja n'i aura gaaingnié A son oes vaillant une poire ; Si cuide il bien et espoire

Vraies enseignes en orra ; Mes ja par aus rien n'en saura ; Ainçois sera toz bestornez ; Tels les a la dame atornez, Que toz les a trez à sa corde ; Chascuns du tout à li s'acorde.

Lors ist li sires de la chambre, Et dist : « Dame, dont ne vous membre. Quant je fui hui main arivez, C'uns palefroiz fu ci trovez.

Et .1. esprevier et dui chien.

Et disiez que tout estoit mien Cest présent, de par vostre frère.

— Sire )), dist ele, « par saint Père, Il a bien .11. mois et demi.

Ou plus, que mon frère ne vi ; Et, s'il estoit ci orendroit, Ne voudroit il en nul endroit Qu'en vostre dos fust embatue Robe que il eûst vestue ; Ce deûst dire uns fols, uns yvres.

Ja vaut plus de .iiii^". livres La grant rente que vous avez, Et la terre que vous tenez : Querez robe à vostre talant.

Et palefroi bel et ambiant, Qui souef vous port l'ambleûre :

De vous ne sai dire mesure, Quar vous estes tels atornez Que toz les iex avez troublez ;

J'ai paor de mauves encontre, Qui hui vous venist à l'encontre, De fantosme et de mauves vent :

Vous muez color molt sovent, Que je m'en esbahiz trestoute; Ice sachiez vous bien sans doute.

Criez à Dame Dieu merci, Et à monseignor saint Orri Que vostre mémoire vous gart :

Il pert bien à vostre regart Que vous estes enfantosmez.

Par la rien que vous plus amez, Guidiez vous ore, au dire voir, La robe et le cheval avoir?

— Oïl, dame, se Diex me saut.

— Diex », dist la dame, « vous consaut, Et de sa destre main vous saint; Quar vous vouez à .i. bon Saint,

Et si i portez vostre offrande, Que Diex la mémoire vous rande.

— Dame », dist il, « et je me veu A Dieu et au baron saint Leu,

Et s'irai au baron saint Jaque, Et saint Eloy, et saint Romacle.

— Sire, Diex penst de vous conduire ; Revenez vous en par Estuire,

Par monseignor saint Sauveor ; Iluec vont li bon pecheor. Et si revenez par la terre Monseignor saint Ernoul requerre :

Vous deiJssiez dès l'autre esté Avoir à son moustier esté O chandoile de vostre lonc; Por ce que vous n'i fustes onc, Vouez li, sire, à fere droit.

— Dame, volentiers, orendroit Ferai, se Dieu plest, ceste voie. « Ainsi la dame l'en envoie, Qui li a fet de voir mençonge, Et se li a torné à songe Ce qu'il ot veû à ses iex.

Encore esploita ele miex, Qu'el le fist pèlerin à force.

Et tant se paine, et tant s'esforce, Qu'el le fet movoir au tiers jor; Onques n'i quist plus lonc sejor.

Cis fabliaus aus maris promet Que de folie s'entremet Qui croit ce que de ses iex voie ; Mes cil qui vait la droite voie, Doit bien croire sans contredit Tout ce que sa famé li dit.

Explic'U du Chevalier à la robe vermeille.

DE LA CROTE

Paris, Bibl. nat., Mss. fr. 8 3;, fol. 3 32 v" à 333 r», «

et 1593, fol. 177.

cui que il soit lait ne bel, Commencier vous vueilun fablel, Force qu'ilm'est contéet dit Que li fablel cort et petit

Anuient mains que li trop lonc.

Or escoutez ci après donc

Que il avint à un vilain.

Sor un coussin tout plain d'estrain

Se degratoit delez son feu,

Et sa famé sist en son leu

De l'autre part sor une nate,

Et li vilains, qui se degrate,

Apoingne sa coille et son vit ;

Sa famé apele que il vit :

« Suer », fet il, « foi que moi devez,

Or devinez, se vous savez,

Que c'est que je tieng en mon poing ? »

Et celé, qui ne fu pas loing,

Li respont, qui n'ert pas couarde :

« Li maleois feus le vous arde :

5o DE LA CROTE 47

Je cuit que ce est vostre andoille.

— Par mon chief, ainçois est ma coille )>, Fait li vilains, « qui gist souvine ; Vous n'estes pas bone devine. »

La dame trestout coiement

Taste à son cul isnelement,

Si i a trové une crote

Qui resamble une machelote

Qui estoit plus grosse d'un pois ;

A soi le tire demanois.

Atout le poil à soi le tire,

A son seignor commence à dire :

« Sire )), dist ele, « or gageroie

A vous, se gagier m'i dévoie.

Qu'a .III. moz ne devinerois

Que c'est que je tieng en mes dois.

— Et g'i met denrée de vin » ,

Fait li vilains, « par saint Martin. »

Issi fu fête la fermaille.

Et celé la crote li baille.

Li vilains la prentpuis le taste :

« Par le cuer bieu», fet il, «c'est paste.

Que où que soit avez trovée.

— Par foi, c'est mençonge provée, »

Fait la dame molt hautement; '^

« Vous mentez au commencement ; Or n'avez que .11. motz à dire.

— Par le cuer bieu » , fet il, « c'est cire » , Por ce qu'il la sent .1. poi mole.

— Par foi, ce est fausse parole,

Fet cele qui le tient por sot;

Or n'avez à dire c'un mot. »

Et cil en sa bouche dedenz

La met et masche entre ses denz,

Que paor a que il ne perde.

«Par^lecuerbieu)),fetil, «c'est merde;

Je m'en puis bien apercevoir.

— Par mon chief, vous avez dit voir, >..

Fet la dame tout à estrous,

« James ne gagerai à vous.

Deable vous ont fet devin ;

J'ai perdue denrée de vin. »

Explicit le Fabld de la Crote.