DES .II. CHEVAUS

Manuscrit F. Fr. 837, f. 248 r» à 249 v".

IL qui trova d'el Morteruel, Et d'el mort vilain de Bailluel, iQui n'ert malades ne enfers, Et de Gombert et des .11. clers

Que il mal atrait à son estre ,

Et de Brunain la vache au prestre,

Que Blere amena, ce m'est vis,

Et trova le songe des vis

Que la dame paumoier dut,

Et du Leu que l'oue déçut.

Et des .II. Envieus cuivers.

Et de Barat et de Travers

Et de lor compaignon Haimet,

D'un autre fablel s'entremet,

Qu'il ne cuida jà entreprendre;

Ne por Mestre Jehan reprendre

De Boves, qui dist bien et bel,

N'entreprent-il pas cest fablel, *

Quar assez sont si dit resnable;

Mes qui de fablel fet grant fable ,

N'a pas de trover sens legier.

Fabl. I 10

Mes, por ma matère abregier, Vous conterai tout demanois Qu'il avint en cel Amienois.

A Lonc Eve sor la rivière Mest un vilains, ce m'est avière, Qui onc n'estoit huiseus trovez.

Mes traveilliez et aouvrez De messonner et de soier; Si menoit jarbes à loier D'un roncinet de povre coust.

Qu'il avoit très devant aoust Moult mal peu, et bien pené, Et si en avoit amené Son blé, ainz l'août, por l'orage.

Poi ot avaine, et poi forage, Por bien sa beste gouverner; Mais, por ce qu'il ne pot juner.

Et por argent qu'il en vout prendre.

Se penssa qu'il le menra vendre; Ainsi avint com je vos di, Et, quant ce vint au samedi, Si matinet come il ajorne Li vilains son roncin atorne.

Et frote, et conroie, et estrille ; En ,1. blanc chevestre de tille, Le maine sanz sele et sanz frain.

Bien sanble roncins mors de fain; Si estoit-il, poi s'en faloit.

Tout ainsi com il s'en aloit Sor le roncin, qui dur le porte,

52 DES .II. CHEVAUS l55

Et il tresvint devant la porte

S^ Acueil, une prioré.

Iluec n'ot gueres demoré

Quant uns rendus de la meson

Ist hors, si l'a mis à reson ,

Qui estoit venuz au serain;

Si li dist au mot premerain :

« Amis, quel part vous menra Diex ?

Est cil roncins Jones ou viex ?

Par samblant n'est-il gueres chiers.

— Foi que doi vous, biaus sires chiers, Tel com il est le m'estuet prendre, Tant que je le truise à oui vendre.

Mon vuel fust-il granz et pleniers,

Si en eusse plus deniers, Si ne m'eussiez pas gabé.

— Foi que doi mon seignor l'abé Fet cil, et l'ordre dont je sui, Aine ne le dis por vostre anui, Ne por vous de riens agrever; Ausinc volons-nous alouer

.1. no roncin qui céenz est; Se vos i savez vo conquest, Nous le bareteriens au vostre; Venez enz, si verrez le nostre; Si fesons marchié, Diex, tant bien; Se ce non, chascuns r'ait le sien, Puis resoions amis corne ains.

— Je l'otroi bien, » dist li vilains.

A tant s'en entrent en la cort,

ï56 FABLIAU XIII

Li renduz en Testable cort, Si en a trait .1. roncin fors, Qui n'estoit mie des plus fors Conques vi, ne des plus vaillanz, Ainz estoit maigres et taillanz, Dos brisié, mauves por monter; Les costes li pot-on conter; Hauz ert derrière, et bas devant, Si aloit d'un pied sousclochant.

Dont il n'estoit preu afaitiez; N'estoit reveleus ne haitiez, N'il n'avoit talent de hennir.

Quant li vilains le vit venir.

Si l'esgarda moult d'en travers, (c Que regardez, fet li convers ?

Encor soit-il povres et maigres, S'est-il plus taillanz et plus aigres Que tel vendera-l'en .C. sous; Mes il ne fu piéça saous. S'est chascun jor bien aouvrez.

Il seroit bien tost recouvrez, S'il ne fesoit œvre grevaine, S'éust du fuerre et de l'avaine; Por qu'il i péust avenir.

On n'auroit en lui que tenir, Et si set bien s'avaine maurre.

Dites combien voudrez-vous saurre, Je le vous métrai à droit fuer. »

Li vilains sorrist de mal cuer De ce qu'il ot dire au rendu.

112 DES .II. CHEVAUS iSy

c( N'avez mie encor tout vendu, A

Dist li vilains; par mon chapel, "^

Bien me volez vendre la pel, Quar en lui ne voi-je mes rien, Fors le vendage del cuirien.

Roncins qui n'a valor ne force Est bien dignes que on l'escorce ; . S'ai tel engaigne, que je muir, Qui me rouvez soudre à cel cuir; Mes vez ci roncin bien vendable.

Fols est qui le tient en estable; Bons est par tout où l'en l'aderce.

Bons en charrue, bons en erce.

Et bons es trais et es limons.

Ne onques ne vit toz li monz Meillor roncin, ne plus isnel; Il cort plus ne vole arondel.

Je ne me vois mie esmaiant Se nus veut roncins bien traiant Por un grant mont à dévaler, Que il en lest cestui aler, Por que l'en adroit li apiaut.

Mes je me merveil que ces piaut Que vous m'avez tant detrié, Et si vous avoie prié Que vous ne me gabissiez pas ; Or fusse à Amiens tout le pas, Que que m'avez ci amusé. — Moult avez ore refusé, Fet li convers, et avillié

ï58 FABLIAU XIII

Mon roncin maigre et escillié.

Et le vostres fêtes si preu ;

Mais nous saurons de si à peu

Liquels sera miez alosez,

Se le vostre esprover volez.

Mettons les roncins keue à keue,

Et si soit qui bien les aneue,

Et se li nostres puet tant fère

Qu'il puist le vostre à force trère

Dusques là sus à celé grange,

Perdu l'avez sans nule eschange ;

Et, se li vostres est tant fors.

Qu'il puist le nostre trère fors

De celé porte seulement,

Mener l'en poez cuitement ;

Ainsi doit-on prover sa beste. »

Ce dist li vilains : « Par ma teste,

Marchéant avez encontre ;

Ainsi vueil-je qu'il soit graé,

Et si veuil que tout maintenant

Soient tenu li convenant.

— Je l'otroi bien, » fet li convers.

Le sien a par la keue aers.

Qu'il avoit moult et mate et souple,

Andeux ensamble les acouple,

Puis fut chascuns devers le suen;

Si ot verge tout à son buen,

Dont granz cops lor donnent et rendent.

Et li roncin tirent et tendent

Corn cil qui ne s'osèrent faindre;

iy2 DES .11. CHEVAUS 169

Les neus font serrer et estraindre,

Mes, por tirer ne por sachier,

Ne les porent desatachier;

Moult ont les crêpons estenduz.

(( Qu'est-ce, Baillet, fet li renduz ?

Gardez que cil ne vous eschape. »

Adonc de la verge le frape,

Fiert et frape et done granz cops.

Et li vilains ne fu pas fols,

Qu'il Yueille Ferrant affoler,

Ainz le lest assez reculer,

Por celui lasser et recroire;

Et li rendus, ce poez croire,

F;j liez quant vit Baillet errant.

Et il vit reculer Ferrant,

Moult li croist le. cuer et engrange.

« Baillet, fet-il, voiz ci la grange,

Garde que l'onor en soit tiue. »

Mes Baillet a fête la siue,

Qu'il ne puet mes ne ho ne jo,

Ainz areste sanz dire ho ;

D'angoisse li bâtent li flanc.

Quant li vilains le vit estanc

Qu'il ne puet mes tirer ne trère :

« Ferrant, fet-il, or del bien fère,

Gentiz beste de bone essonre. »

Quant li roncins s'oï semondre, *

Des piez devant s'aert à terre.

Que de l'un des piez se defferre;

Le fer fet voler contremont.

ï6o FABLIAU XIII

Et li vilains coite et semont Ferrant, qui trait et tire fort, Et Baillés arrière ressort ; A celé premeraine pointe, L'en maine de cul et de pointe Vers la porte tout le grant cors ; Traînant ausi com un ours, Enmenoit, à col estendu, Et le roncin et le rendu.

Qui moult dolenz après le siut.

Si com de la porte issir dut, Et li renduz connuit bien l'uevre Que Baillés si vilment se prueve, Que cil si vilment entraîne, Son coutel tret de sa gaine, Ne set coment il le reskeue, A Ferrant a copé la keue ; Se li a alegié son fais; De la porte tout à .1. fais S'en issirent andui ensamble.

Li renduz fiert la porte ensamble, Puis s'en repère à son ostel.

Li vilains n'en pot avoir el, N'il ne pot pas desouz mucier; Ne sot tant brère ne huchier Que cil li vousist mot respondre.

Puis le fist à Amiens semondre A la cort par devant l'evesque, Qui bien leur enquiert et enpesque Comment il lor fu avenu ;