DES .III. DAMES QUI TROUVERENT L'ANEL

Manuscrit F. Fr. 887, f. 1 18 r» à 1 19 v».

lEZ, seignor, un bon fablel.

Uns clers le fist por un anel

Que .III. dames .1. main trovèrent.

Entre eles .III. Jhesu jurèrent Que icele l'anel auroit Qui son mari mieux guileroit Por fère à son ami son buen, L'anel auroit et seroit sien.

La première se porpenssa En quel guise l'anel aura.

Son ami a tantost mandé ; Quant il sot qu'el l'a comandé, Si vint à li delivrement, Quar il Tamoit moult durement, Et ele lui, si n'ot pas tort.

Del meillor vin et del plus fort Con pot trover en celé terre Fist la dame maintenant querre.

Et si ot quis dras moniaus