DU CHEVALIER QUI FIST SA FAME CONFESSE

Manuscrit F. Fr. 83;, f. 199 r» à 200 v».

N Beesin, moult près de Vire, Une merveille j'oï dire D'un Chevalier et de sa famé, Qui moult estoitcortoise famé

Et moult proisie en sa contrée;

A la meillor estoit contée,

Et li sires tant se fîoit

En sa moillier, et tant Tamoit,

Que de rien cure ne prenoit ;

Tout li ert bon quanques fesoit.

Que jà nule riens ne féist

Se il séust qu'il ne vousist.

Ainsi vesquirent longuement,

Qu'entr'eus n'ot point de mautalent.

Fors tant, ne sai par quel manière.

Que la dame, qui moult fu chière.

Devint malade et acoucha ;

De .III. semaines ne leva.

Grant paor ot qu'el ne morust.