D UNE SEULE FAME
Ainsis furent par moult lonc tems , Tant qu'entre aus orent .1. contens Por les famés , ce m'èt avis ; Car chascuns d'aus à son devis Les vouloit avoir à son tour, Sans faire as autres nul retour.
Quant les famés sorent la noise, N'y a celé ne s'en envoise , Car chascune en cuide bien faire Son preu par li, et touz atraire; Chascune en ot au cuer grant joie, D'ame furent com rat en moie.
Li plus sages se porpencerent. Et ainsis le contens osterent.
Que chascune d'eles par rente Serviroit Chevaliers cinquente, Ne nus ne pourroit par justice Faire à l'autre préjudice; Einsis cil et celés ansamble S'acordèrent, si com moi semble.
Einsis furent bien longuement.
Tant qu'il avint, ne sai coment, Que les trêves furent rompues Et les guerres sont revenues, Et li assaus est revenus Des Sarrazins et fort tenus , Et li Chevalier dou chastel S'adoubèrent et bien et bel, Qui grant talent avient d'abatre Les mescréans par bien combatre.
296 FABLIAU XXVI 5l
Yssus sont fors à ost bennie Toute la noble compeingnie, Mais que .II. Chevalier, qui jurent Au lit por ce que blecié furent.
Li uns avoit le col plaissié, Et li autres le bras brisié ; Esté avoient au tournoi Où pris avoient ce bonoi.
Cilz au bras bien se contenoit; L'autres point ne se soustenoit, Car dou mal l'esconvint mourir, Et de cest siècle defenir.
Es-vous le grant assaut repris Contre nos Chevaliers de pris; Moult fu fors li abatéis Des mescrens, et li feréis; Bien estoient .XV. millier, Sarrasin, Persans et Escler.
Ainsis avint, que Dex le vot, C'unne cité près d'anqi ot, Où avoit Crestiens en treuage Des Sarrasins et en servage , Qu'oïrent dire la novèle Que des Chrestïens la rouèle Aloit à grant perdicion, Se d'ax n'avient subvencion.
Il s'arment et aidier lor vont; Les Sarrasins desconfit ont; Tant chaplèrent et tant ferirent Que les Sarrasins desconfirent;
8l d'une seule FAME
Chascuns en fu manans et riches , Se il ne fu trop fox ou nices.
En la cité alèrent prendre L'avoir, et les Sarrasins pendre, Et près d'uit jors i sejornerent Pour ce que moult travillié ierent.
De ciax-ci illuec vous lairai ; Dou Chevalier blecié dirai Qu'avoit héu le bras brisié ; Forment l'en a au cuer pesé Qu'il n'a esté en la bataille Avecques les autres sens faille , Car dou chastel vit vraiement La fin et l'encommencement.
L'autre famé, non pas la soe.
S'en vint vers li, faisant la roe.
Et bien savoit de sa compeingne Qu'ele estoit en autre besoingne; En décevant l'araisonna.
Et soutilment l'ocoisonna, Com celé qu'ot mis s'estudie Por qu'il féist de li s'ammie.
Tant fist celé, tant l'asproia Que li Chevaliers la proia, Et as mains la traist sor son lit Et en vot faire son délit.
Celé li cort à la poistrine Et sa face li esgratine , Et li dist : « Chevalliers fallis, Jà de moi n'arez vo delis,
Fabl. 1 38
Tant com vive la vostre amie.
En vos n'a loiautéz demie; Vos ne devez, bien dire l'ose, Moi requérir de tele chose ; Vos i avez vo sairement. »
Et cilz li respondit briément.
Qui fu souprins de ses paroles Decevens, attraians et moles :
« Ou mourir t'esteut maintenant, Ou faire mon commendement.
— Miex ain mourir, se morir doi, Que por vos face tel desroi Contre ceaxà cui suiz donée.
Qui m'ont de lor amor douée; Jà non ferai, coment qu'il praingne; Vos le diriez à ma compaingne. »
Ainsis au Chevalier argue, Dont la prent , et en lit la rue , Et en vot faire son plaisir.
(( De ce vos povez bien taisir.
Que jà à ce ne me menrois , Que vo talent de moi façois, Fait celé , se n'est en tel guise Que ma compeingne soit occise, Qu'en li n'a point de loiauté , Ne je ne pris riens sa bonté. »
Tant l'a celé forment despite Par les paroles qu'el a dite Que li Chevaliers li otroie :
« Or faites dont que je le voie. »
