QUI RESCOLT SON COMPERE DE NOIER
Man. F. F. 19,152, fol. 3 5 v».
|l avintà .1. pescheor, Qui en la mer aloit .1. jor, En un batel tendi sa roi.
■Garda, si vit très devant soi
.1. home molt près de noier.
Cil fu moult preuz et molt legier,
Sus ses piez sait, un croq a pris,
Liève, si fiert celui el vis
Que parmi Fueil li a fîchié;
El batel l'a à soi saichié.
Arriers s'en vait, sanz plus attendre;
Totes ses roiz laissa à tendre;
A son ostel l'en fîst porter,
Molt bien servir et honorer.
Tant que il fust toz respassez.
A lonc tens s'est cil propenssez
Que il avoit son oill perdu
Et mal li estoit avenu : ^
« Cist vilains m'a mon ueil crevé ,
Et ge ne l'ai de riens grevé ;
Ge m'en irai clamer de lui Por faire lui mal et enui. )> Tome, si se claime au Major, Et cil lor met terme à .1. jor.
Endui atendirent le jor.
Tant que il vinrent à la Cort.
Cil, qui son hueil avoit perdu.
Conta avant, que raison fu :
« Seignor, fait-il, ge sui plaintis De cest preudome, qui, tierz dis, Me féri d'un croq par ostrage; L'ueil me creva; c'en ai domaige; Droit m'en faites; plus ne demant:
Ne sai-ge que contasse avant. )> Cil lor respont sans plus atendre :
<( Seignor, ce ne puis-ge deffendre Que ne li aie crevé l'ueil; Mais en après mostrer vos vueil Coment ce fu, se ge ai tort.
Cist hom fu en péril de mort En la mer, où devoit noier; Ge li aidai; nel quier noier.
D'un croq le féri, qui ert mien, Mais tôt ce fîs-ge por son bien; Ilueques li sauvai la vie.
Avant ne sai que ge vos die; Droit me faites, por amor Dé.
Cil s'esturent tuit esgaré Ensamble pour jugier le droit, Qant un Sot, qu'à la Cort avoit,
5l DU PREUDOME 3o3
Lor a dit : « Qu'alez-vos doutant?
Cil preudons, qui conta avant,
Soit arriéres en la mer mis,
La où cil le féri el vis;
Que, se il s'en puet eschaper,
Cil li doit oeil amender;
C'est droiz jugemenz, ce me sanble. »
Lors s'escrient trestuit ensanble ;
« Molt as bien dit; jà n'iert deffait. »
Cil jugemenz lors fu retrait ;
Quant cil oï que il seroit
En la mer mis où il estoit.
Où ot soffert le froit et l'onde,
Il n'i entrast por tôt le monde;
Le preudome a quite clamé.
Et si fu de plusors blasmé.
Por ce vos di, tôt en apert.
Que son tens pert qui félon sert.
Raembez de forches larron.
Quant il a fait sa mesprison, James jor ne vous amera, Ains à tousjours vous haïra; Jà mauvais hom ne saura gré A mauvais, si li fait bonté ; Tôt oublie, riens ne l'en est, Ençois seroit volentiers prest De faire li mal et anui, S'il venoit au desus de lui *
DU FOTEOR.
Man. F. Fr. 19,152, fol. 48 r" à 49 v».
ui fabloier velt si fabloie, Mais que son dit n'en affebloie Por dire chose desresnable; L'en puet si bel dire une fable
Qu'ele puet ainsi com voir plaire.
D'un vallet vous vuel conte faire,
Qui n'avoit mie grant avoir ;
Mais il n'ert mie sanz savoir.
Ne porquant bien vestuz estoit;
Cote et mantel d'un drap avoit,
Et nueve espée et uns nues ganz.
Beax valiez ert et avenanz;
Enter .XXVI. ans avoit.
Nus mestier faire ne savoit;
De vile en vile aloit toz jors,
Par chevaliers, par vavassors;
Si mengoit en autruiz ostex,
Quar petiz estoit ses chastex.
DU FOTEOR
.1. jor vint à une cité ;
Ge en ai le non oublié,
Or soit ainsinc com à Soissons.
Pains et vins et char et poissons
Menja la nuit à grant plenté;
Ses ostes à sa volenté
Li fist venir de quanqu'il volt,
Et il li dit tôt à brief mot :
« Béax dolz ostes, cest m'escot
Paiera tex qui n'en set mot.
Or me dites, foi que devez
La riens que vos plus chier amez,
Et que Diex joie vos ameint,
Où la plus bêle dame meint
De Soissons, la plus bêle voire.
— Par foi, si c'on nos fait acroire Moi et toz çax de ceste vile,
. Madame Marge qui ne file, La feme Guion de la place.
C'est la plus bêle que g'i saiche; Néis ses mariz le tesmoigne Qu'el n'aime mie un' escaloigne } Mains li que lui, mais plus encor.
Por qoi le demandez-vos or?
— Beax hostes, foi que me devez, Puis que conjuré m'en avez.
Or escoutez. Menestrex sui; Si sui et à li et à lui Envolez de par .L haut home; Or vos en ai dite la some.
Fabl. I
3o6 FABLIAU XXVIII 49
— Beax ostes, c'est uns marchéanz Molt larges et molt dependanz,
Et sa feme riens ne l'en doit; Beau vos sera s'ele vos voit.
— Voir, oïl voir, molt très matin Li dirai-ge en mon latin,
Se ge puis, mon messaige bien. )> Emprès ce ne distrent puis rien, Ainz s'en alerent lues gésir; .
Mais cil, qui estoit en désir De la bêle dame véoir, Ne pot onques avoir pooir De dormir jusqu'à l'ainz jornée.
Et, lues que l'aube fu crevée.
Leva sus, si s'apareilla Et, enprës, son oste esveilla; Si li pria qu'il retenist S'espée très qu'il revenist.
En gaiges por l'escot du soir ; Et il li dist : « Volentiers voir, Beax ostes, alez de par Dieu; Diex vos doint venir en tel leu Où auques puïssoiz gaagnier.
Laissiez vos ençois enseignier L'ostel, où vos aler devez, Que. vos de ci mais remuez. )) Lors s'en va-t'il à molt grant joie, Quant monstrée li fu la voie.
A l'ostel molt droit assena, Si com la voie le mena.
79 DU FOTÉOR 397
Mais n'ert encore nus levez.
D'autre part la voie ert alez ;
Droit endroit Tus, sor .1. estai
Se sist, mais ce li fîst molt mal
Que si longuement vit clos Tuis,
Quar il i sist grant pièce puis
Ainz que levast la chamberiere,
Qui n'estoit mie costumière
D'espier çax com jor le jor,
Mais por ce ot plus grant laisor
Que ses sires n'iert en la vile.
Quanque cil porpenssoit la guile
Comment il porroit esploitier
De soi à la dame acointier,
La baissele esveillie fu ; ,*Son huis ovri, si fîst du fu; ^Si vait son ostel arréer,
Tant qu'ele prist à regarder
Celui qui devant l'us séoit,
Qui en ses .II. mains tornoioit ;.I. blans ganzque il enformoit, <
Et toz jors vers Fus regardoit ;
Durement s'en esmerveilla.
Atant la dame s'esveilla,
Tant que fors de la chambre oissi ;
Si vit le vallet en droit li ;
Très parmi Fus le vit seoir;
Durement li plot à véoir •
Qu'il avoit les crains beax et blons ,
A merveille les avoit Ions.
Janbe sor autre iluec séoit; Mielz li plaist corne plus le voit; En son cuer à enmer le prist , Sa baissele apele et li dist :
c( Maroie, quar me di or, voir, Que cil est que là voi seoir?
— Dame, foi que doi vos, ne sai; Dès hui matin que m'esveillai
Le vi-ge iluèques assis ; Ne sai por qoi tant i a sis ; Ge cuit que c'est .1. barestière.
— Maroie, par l'ame ton père.
Va; si li va tant demandant Que tu saiches qu'il va querant Et por qoi iluec a tant sis. »
Son cul a par l'oreille pris Maroie devant et derrière;
Si a passée la charrière.
Si com sa Dame li commande , Au vallet vient; si li demande :
c( Quex hom estes vos, beax amis, Qui tote jor avez ci sis?
— Ge sui fouterres, bêle suer.
Que bone joie aïez au cuer Et bone joie vous doint Diex!
— Beax sire, vos et vostre giex Fussiez ore en une longaigne.
Molt me tome à grant engaigne Que vos issi m'avez gabée. »
Par mal talent s'en est tornée;
iS^ DU FOTÉOR 809
S'a trespassée la charrière; A sa Dame revint arrière.
La Dame la vit, si s'en rist :
— Maroie, fait ele, que dist Li valiez, qui tant a là sis?
— Dame, ne me chalt de ses dis; Jà est .1. gloz, .1. mal lechière.
— Ne t'a mie fait bêle chière, Quant si t'en revienz esmarie :
Que dist-il? Nel' me celé mie.
— Jà me dit qu'il est .1. fouterre.
— Dit il ce, par l'âme ton père?
— Oïl, Dame, foi que vos doi.
— Tu me gabes, ge cuit, par foi.
— Non faz, Dame, foi que doi vos.
— Maroie, alom i anbedox.
— Dame, alez i trestote soûle ; Il n'i a mie trop grand foule; Ge n'ai cure de ses paroles.
Trop sont anuieuses et foies.
— Maroie, ge i vois savoir.
— En non Dieu, vos faites savoir; Jà en revenrez tote saige. )) Celé, qui ot le cuer volaige.
S'en va tôt riant celé part.
Et cil ne fist pas le coart,
Ainz se leva contre la Dame, ,
Et celé qui, com joene feme,
Ne se pooit tenir d'e rire,
Quant el i vint, ne sot que dire.
3lO FABLIAU XXVIII 169
Si que tote s'envergoigna ;
A chief de pose si parla :
a Quex hom estes ? )) Et il li dist :
« Dame, donc ne le vos aprist
La pucele qui ci fu ore ?
Volez que ge le die encore?
Ge sui fouterres à loier;
Se me volioiz à loer,
Ge cuit si bien vos serviroie
Que vostre bon gré en auroie.
— Alez, sire, honiz soiez ; Bons estes, se vos ne piriez, Qui la gent servez de tel guile.
— Dame, foi que je doi saint Gille, Ge ai eu maint bel servise
De servir dames en tel guise.
Voire d'aucune sanz henor.
— Et, ne por quant, ce ert à jor Ou en tasche que vous ovrez?
Se vos ma pucele servez, .IIII. deniers de sa gaaigne Vos donra, se ele vos daigne ; Tant aurez-vos por lui servir,
Se vos les volez deservir.
— Dame, de la vostre besoigne Penssez, ainz que de ci m'esloingne, Quar ne vueil mais ci plus ester. »
Lors s'en va, sanz plus arrester,
Et la Dame le rehuscha :
« Mar i alez, çà venez, çà;
DUFOTÉOR 3
Dites, foi que devez henor, Combien en vos done le jor.
— Dame, [tout] contre ce qu'ele est, Me puet tote jor trover prest.
La laide me done sols .C.
Par ce que ele l'aise sent, Et la bêle me done mains.
— Par foi, vosjn'estes pas vileins*, Et combien penroiz-vos de moi?
— Dame, fait-il, foi que vos doi, Se ge ai .XX. sols et mon baing.
Et ge ai mon conroi de gaaing, Gel voldrai molt bien deservir, Quar ge sai bien et bel servir Une dame, quant g'i met paine. »
Atant la dame o lui l'enmaine, Que plus lonc conte ne volt faire.
Sa bajasse en ot grant contraire, Quant o celui la voit venir, Tant dit, ne se pot à tenir ;
(( Diex aïue, or avomes hoste :
Dahèz ait-il s'il ne vos oste Encui le mentel de cel col ; Par foi, ge le tenrai por fol S'il n'i gaaigne son escot.
— Tais toi; si ne sone mais mot, Fait la dame ; ge te ferroie
Si que sanglante te feroie ; *
Mais porchace, foi que doiz moi.
Que nos aions .1. bon conroi
3l2 FABLIAU XXVIII :
Et que li bains soit eschauffez.
— Baig, fait-ele-, por les mausfez Puis-ge mais hui baing eschauffer.
— Dame, ne fust por moi lasser Et por ce qu'il vos anuiast, Geste pucele me loast ;
Issi vers lui me deduiroie Que débonnaire la feroie.
Si la me laississez servir.
— Comment porrïez deservir Dont envers moi vostre loier?
— Dame, bien volez emploier Vostre avoir en marchéandise, Fait la garce ; par seint Denise, S'il me servoit à mon talent, Avoir porroit de mon argent Et du mien tost une grant part.
— Non fera, foie, Diex l'en gart,
— Si fera, s'il vos plait, ma dame; Jà n'i aura perte de l'ame;
Ge sai le mestier par usaige ; Il n'a el mont oisel volaige, Moineax ne colons, qui tant œuvre Gom ge faz, quant je sui en l'uevre.
— Sire, que vos done ma dame? »
Fait se il : « Bêle, par saint Jame, .XX. sols de bons deniers me done, Baing et conroi com à preudome.
— Et vos combien de moi prendrez?
— Par foi, grant solaz atendrez
259 ^U FOTÉOR 3i3
Hui cest jor de moi por dix livres.
— Qu'avez-vos dit ? Estes-vos yvres, Qui dix livres me demandez?
Dites mains, se vos commandes.
— .VI. livres soient. — Mais .III., sire; Je n'oseroie de mains dire.
— .C. sols dorrez, fait-il, au meins.
— Tendez donc çà, sire, vos mains; Si sera la paumée faite,
Quar li marchiez molt bien me haite; L'argent aurez jà en baillie. »
A son escrin en est saillie Où li .C. sols nombrez gisoient.
Qui dès antan mis i estoient, Que de pieça aûnez ot.
Et sa dame s'enmerveillot Quant fors de son escrin voit traire; Plus en ot joie que contraire, Por ce que l'avoit ramposnée.
Par deus foiz l'a cil retornée Molt tost et molt isnelement.
Et celé puis molt liéement Fist ce qu'an l'ostel ot affaire; Molt fu puis lie et débonnaire ; Le baig chaufa ; le mengier fist ; Quant le baig fu fait, si k mist En une cuve enz en la chambre.
Et cil, à qui de rien ne manbre Fors de son preu et de son aise, De quanqu'il onques puet s'aaise;
Fabl. I 40
Si entre el baig, la dame o lui.
Assez mengerent ambedui Et burent bon vin à plenté ; La dame ot bien sa volenté De tôt fors del deerrain mes, Et cil, qui du mestier ert frès, Ne se volt à lui affroier De si qu'il ot tôt son loier, .XX. sols toz contez en sa main.
Et, quant cil en ot fet son plain, De la cuve sailli lues fors; A .1. drap essuie son cors; O la dame couche en un lit.
Molt plainement iîst son délit De la dame une foiz sans plus ; Tantost se vesti, sailli sus; Cil s'en entre el baing de rechief, . Mais, qui qu'en soit ou bel ou grief, Atant ez-vos l'oste venu ; Lors croi que mal soit avenu.
Marion, lues que ele l'oit, En la chambre s'en va tôt droit; A sa dame vient, si li dist.
La dame l'ot, pas ne s'en rist, Ainz vient au bai[n]g au bacheler :
« Or tost, dit-ele, du haster, Me sire vient, reponez-vos.
— Ce est donc autre que li cox.
— C'est mes mariz. — Donc vait-il bien.
— Mais mal, fait-ele, por nule rien,
3l9 DU FOTÉOR 3l5
Que por riens que el mont éust Ne voldroie qu'il vos éust Trouvé, mais issiez molt tost fors.
— Dame, foi que ge doi mon cors, Ge n'en istrai, ore ne ore,
Ainz me vueil ci déduire encore; Mais recouchiez en vostre lit ; S'alons faire nostre délit.
— A mal éur que dites-vos?
Vez ci jà mon seignor sor nos. »
Atant li sire en la chambre entre, Et la dame, qui tuit li membre Tranblent de hide et de paor.
Ne dit un mot à son seignor, Ainz est fors de la chambre issue.
Et cil du bai[n]g ne se remue.
Mais qu'il dist : « Bien viegnoiz, bel oste. » Cil ne dit mot, qui sa cape oste.
Quant le vit, si fu si pensis ; Si dist : « Qui estes vos, amis.
Qui en ma chambre vos baigniez ?
— Mais vos, qui ci ne me daigniez Respondre quant ge vos salu, Quar ge sui cil qui a valu
Plus as gentix dames du mont Que tuit cil qui el siècle sont; Quar ge sui un fouterres maistre ; Jamais si bon ne pourra naistre. * .XX. sols doi ci gaaignier hui.
Bien les i aurai sax encui
3l6 FABLIAU XXVIII 849
La dame qui m'a aloé,
Quar bien la cuit servir à gré;
Mais n'ai encor à lui géu,
N'encore mon loier eu.
Mais or est tens de commencier;
Molt tost la me faites coschier;
Si irai faire mon revel.
Amis, ge vos dirai tôt el.
Dès qu'ainsi est que loez fustes, Ne vos avuecques li géustes, Por ce perdre ne devez rien ; Por lui vos paierai-ge bien. »
Lors est cil fors du baig issuz; Autre .XX. sols a recéuz.
Or enport cil double loier; N'a cure de li convoier La dame, quant cil s'en ala; Cil à Dieu commandez les a ; Cil, qui .VIL livres enporta, Son oste molt reconforta Quant il li monstra li deniers.
Toz dis fu-il toz costumiers De servir dames en tel guise.
Puis en reçust maint bel servise.
De povreté vint à richece, Et puis avint, por sa proece, Qu'il quist de lui garir engien, Nequedent il i chaï bien ; Mais tel .C. meller s'en pensent.
Qui en la fin honiz en fussent;
379 ^^ FOTÉOR
Mais fortune, à qui il servi, L'en dona ce qu'il deservi.
L'en dit pieça : Qui va, il lesche, Et qui toz jors se siet, il sèche.
Explicit du Foutéor.
