DE I.AVEINE POUR MOREI. J

Si dui amant qu'il s'espouserent

A grant joie et à grant déduit,

Sens encumbrier et senz anuit.

Donc fu li tens à lor devise;

Car chascuns par grant covoitise

Ama son per tant com il dut

Loialment, et bien i parut,

Car lor voloirs estoit tout un

Et lors estas estoit conmun ;

Tristans, tant com fu en cest monde,

N'anma autant Ysoue la blonde

Cum si .II. amans s'entr'emmerent

Et foy et honnor se portèrent.

Moult bel menoient lor déduit

Privéement et jor et nuit,

Et, quant venoit à cel solas

Qu'i se tenoient, bras à bras,

Où lit où estoient couchié

Et l'un près de l'autre aprouchié,

Adonc menoient lor revel

Entr'aus et tant bien et tant bel,

Par amistiez et par délit,

Jà ne queissent issir du lit ;

Car celé, selonc sa nature.

Si amoit moult l'envoiséure.

Et le solas et le déduit

Qu'ele en avoit chascune nuit ,

Et pour ce moult miex l'en servoit. *

Et cils por s'amor s'esforçoit,

Car, de quel part que il venoit,

Adens enverse le couchoit ;

Sens respit querre et sens essoingne,

Faisoit adès celé besoingne,

Ou fust en lit ou fust à terre ,

Tout sens autre alloingne querre.

Lonc tens menèrent ceste vie Ensamble par grant druerie, Et, ce vos di pour vérité Corne moult grande privauté Orent entr'aus .II. establie.

Si vos dirai la mencolie Que cilz ot aprinse sa mie :

« Par amistié, par druerie, Seur, dit-il, je te veuil aprendre, Et tu i dois moult bien entendre , Car par l'amor grant qu'à toi ai , Tout mon covine te dirai.

Quant je te voi aucun meschief Avoir, en membre ou en chief, Saches je n'ose à toi gésir.

Pour accomplir nostre désir, Car je trop correciez seroie Se mal ou anui te faisoie ; Si te dirai que tu feras Toutes fois qu'avec moi seras , Soit en lit ou en autre place, Et tu vourras que je te face Se jolif mestier amouroux :

Se me diras : (( Biax frères doux , « Faites Moriax ait de l'avainne, »

bo DE LAVEINE POUR MOREL 3

Et tu soies de ce certainne Que je l'en donrai volentiers Selonc ce qu'il sera mestiers Et je pourrai et tu vourras , Car jà à ce tu ne faurras. »

Celé li respont com cortoîse :

« Biax frères douz, de ce t'aquoise, Jà por cel ne te hucherai, Ne là por ce ne te dirai Que Moriax vuille avainne n'orge; Miex aim c'on me couppast la gorge Que je tel outrage féisse Ne qu'ainsis huchier apréisse. »

Cilz li respondit erramment :

(( Si feras, car jel te comment, Car c'est tout un entre nous deuz, Car je vuil tout ce que tu veuz; Donc ce que vueil tu dois voloir, Sens toi en nul endroit doloir. »

Celé li a respondu tost Et seli dist : « Tu ies tous sos, Qui veus que die tel outrage; N'afiert à famé qui soit sage. »

Et sachiez, que qu'ele déist, Que moult volentiers le féist ; Jàpour danmage nel' laissast.

Ne pour honte, que ne huchast A Morel avainne donner; Miex s'amast à ce abandonner Qu'ele sa provande perdist.

FaBL. I A I

Mais savez por qu'ele le fist?

Pour miex enlachier son mari Et faire son voloir de li Car famé, selonc sa nature, La riens, que miex ara en cure Et tout ce que miex li plaira, Dou contraire samblant fera.

Et li maris qui moult l'ama, Cum cilzqui simple la cuida, Li commanda diligemment Que féist son commandement Et que demandast de Tavainne Por Morel chascune semainne, Et chascun jor, à chascune houre.

Qu'il l'i plairoit et sens demoure.

Celé, qu'ot bone volenté, Respont, par grant humilité.

Que moult bien l'en demanderoit, Quant verroit lieus et poins seroit.

Cilz se coucha et si se just Conque la nuit ne se remust , Ne landemain trestot le jor ; A la Dameanuie le sejor.

Ainsis le fit .IL nuis après Et les .IL jors trestout adés, Et la Dame, qui ot apris Sa rante avoir com 11 fu vis, Sachiez en fu moult correcie.

Et dist que ne s'oublira mie , A l'autre nuit, à bonne estrainne,

140 DE l'aveine pour MOREL 323

Penre por Morel de Tavainne.

Si tost corn il furent couchié, Cele a son mari aprouchié , En aplainnant, en acolent, En faire tout à son talent, Puis taste deçà et delà ; Moult souefment araisnié l'a ; « Frère, miex me soûliez amer.

Et Dame et amie clamer; Mais or croi l'amor est fenie Et sans raison tost départie; Por une autre m'avez guerpie, Où vous avez vo druerie.

— Non ai, par ma foi, bêle seur; Je n'ai aillors qu'an vous mon cuer; Vos iestes m'ammie et m'ammors , Et mes solas et mes secors. »

Cils monta sus porsolacier, Que plus ne l'osa correcier, Car il moult très bien s'aperçoit Que Moriax aveinne voloit.

Une fois li a fait cele œuvre.

Et cele a bien chier c'on requeuvre, Qu'à pièce n'en seroit lassée, Li a dist par grant remposnée :

« Sire, l'autre jour me disiez Qu'à Morel aveinne donriez Toutes fois qu'an auroit besoing; Or en aiezdou donner soing Orendroit, sire, si vous plaist. »

Cilz monte sus, sens plus de plait, Et donne à Morel de l'avainne, De la millor, de la plus sainne; Ainsis le fist tout demanois, Et celé hucha l'autre fois, Et cilz tout adès li dona L'avainne qu'ele demanda.

Quant vint après à l'autre nuit, Cilz s'endormi jusqu'à miennuit; Et celé qui ne dormoit pas Ne tint pas ceste affaire à gas, Ainsois bouta son mari tant.

Et dist c'on li tenist convant.

Cilz s'aparoille et monte sus Qu'amont, qu'aval, que sus que jus; Ainsis fist à pou de séjour Dès le couchier jusques au jour. Tant fu celé bone maistresce De ramentevoir sa promesce Qu'ele ot tost la honte béue Qu'ele avoit à premiers héue.

Despuis celé houre, baudement.

Sa promesce ala demandant, Com celé qui ne s'en vot faindre ; Moult gentement se set complaindre Vers son mari et soupploier, Et doucement aplainnoier Par coi Moriax sa provende ait.

Et cilz qui ne veut point de plait, Li baille selonc ce qu'il peut,

200 DE l'aVEINE POUR MOREL 325

Et s'esforce plus qu'il ne seut; Et celé n'est point esbahie De dire : « Ne m'obliez mie. »

Et en mangeant et en bevant, Li va tout adès requérant Que doint sa provande à Morel; Dou tarder ne li est point bel.

Et cilz l'en donne se qu'il peut, Mais mains assés que il ne seut, .

Car ou mont n'a grenier si grant Que Moriax ne meistà noiant.

Appetisiez est li greniers, Dont Moriax a esté rantiers; Et cils, qui la clef emportoit, S'aparçoit bien que vuis estoit ; Se ne set coment desamordre La rien à c'on le veut ramordre.

Car fort chose est d'acoustumance.

Or est cil dou tout en balance.

Mais ne s'esmaie point le jour.

Car il s'en va en son labour; Mais, quant se vient à l'anuitier Et on le haste de couchier.

Avant qu'il se puist endormir, En veut celé avoir son plaisir; Moult demande à bonne estrainne; (c Moriax veut avoir de l'avainne. » . Cilz l'en donne à quelque meschief.

Mais bien set pou en i eschiet Selonc sa première coustume ;

320 FABLIAU XXIX îSo

Le feu qui tout adès alume Ne peut estaindre, n'i vaut rien ; Or est chéus en mal lien De sa femme qui l'en despite Pour la provande, qu'est petite Et donnée en rechinnant; N'est pas tele comme devant, Car cil ne set tant efforcier Que jà por ce l'oit-on plus chier; Molt li va or de mal en pis; De sa famé est au dessous mis.

Que vous feroie plus lonc conte, Vous qui savez à ce que monte?

Ne ferai plus longue demoure, Oiez qu'en avint à une houre.

Cilz fu trop lâches et suciez, Frailles, vuis et touz espichiez , Et toute la mole des os Li fu issue de son cors.

Qui n'ot ne force ne vertus; Cil mestier faire ne pot plus.

Celé c'est bien aparcéue Que sa force est bien déchéue ; Adonc se mist en moult grant painne, Que sa force tost li revaingne; Ne le volt de rien mesaisier; Moult le comença aaisier, Et moult doucement l'aséure; Moult a en lui mise sa cure Por qu'il reviengne en sa vertu.

200 DE l'aVEINE POUR MOREL 32;

Por recouvrer le tens perdu.

Et, quant il ot esté baingniez

Delèz sa famé, et puis sainniez,

Si tost com il fu en bon point,

La Dame resgarda son point.

Demanda li coment li est:

« Vostre merci, dist-il, bien m'est;

Je suis tous prox et fors et sains;

Si sui garis dou mal des rains ; »

Et celé c'est moult esjoïe

De la nouvele qu'ot oïe;

Car, si tost comme couchié furent

En lor lit et ensamble jurent,

Se li print à ramentevoir

A faire vers li son devoir,

Et li dist bien à longue alainne :

(( Moriax veut avoir de l'avainne. »

Cilz s'efforça, por pais avoir, Et fist aucques à son voloir; A celé nuit bien couvant tint, Tant qu'à une autre nuit revint Que celé moult le tisonna Et durement le tagonna.

Et puis par bel sen li demande Por avoir Morel sa provande.

Cilz vit qu'à ce panroit la mort, S'il n'en pernoit aucun confort.

Car il estoit tous espichiez *

Par son effort, et tous suciez; A maie fin l'esteut venir;

S'il veut ainsis ce maintenir, Bien sot qu'il ne porroit durer Ne ceste painne endurer.

Pourpensa soi que il feroit, Et comment il s'en cheviroit, Et comment se delivreroit De tout ce qu'ele requeroit.

Or escoutez comment le fist; D'estre mal haitiez samblant fîsf, Son cul torna en son giron.

Et li chia tout environ Que bran, que merde, qu'autre choze, Et se li dist à la parclose :

(( Seur, dès or mais te tien au bran. Et ainsis com tu veus s'en pran*, Bien saches l'aveinne est faille ; Fait t'en ai trop grant départie; A noiant est mais li greniers Dont Moriax a esté rantiers; Dès or au bran t'esteut tenir, Car l'avainne as faite fenir.

Quant les haus jors venir verras, D'aveinne taprovande aras; Dou bran auras les autres jors; De moi n'auras autre secors; Désormais au bran te tenras.

Car de l'avaine point n'aras. »

Quant celé l'oit, n'en doutez mie Que moult forment fu esbahie.

Si que ne pot nul mot respondre,