PALEFROI

Ainçois que je l'aie espousëe

Ert de ma garison doëe,

Que riches sui à grant pooir.

Vous savez bien que je n'ai oir

Nui de ma char, ce poise moi ;

Je li serai de bone foi,

Quar je sui cil qui molt vous prise.

Qpant je vostre fille aurai prise,

Jà ne me quier de vous partir

Ne ma richèce départir

De la vostre, ainçois soit tout .1.

Ensanble serons de commun

De ce que Diex nous a doné. »

Cil, qui molt ot le cuer séné,

Fu molt joianz; se li a dit :

(c Sire, fet-il, sanz contredit

La vous donrai molt volentiers,

Quar preudom estes et entiers.

Liez sui quant le m'avez requise;

Qui le meillor chastel de Frise

Me donast, n'eusse tel joie.

A nului, Sire, ne tendoie

Si de cuer de son mariage

Comme à vous; quar preudom et sage

Vous ai en trestoz poins trouvé

Que j'ai vostre afère esprové. »

Lors a fiancie et plevie Celi qui n'a de lui envie.

Et qui cuidoit autrui avoir.

Quant la pucèle en sot le voir,

S'en fu dolente et esmarie ; Sovent jura Sainte Marie Que jà de lui n*ert espousée.

Molt ert dolente et esplorée, Et molt sovent se desconforte :

<( Lasse, dolente, com sui morte !

Quel trahison a cil viex fête 1 Comme auroit or la mort forfëte 1 Comme a decéu son neveu, Le gentil Chevalier et preu Qui tant est plains de bonne tèçhe, Et cil viellars par sa richèce A jà de moi reçu le don :

Diex Ten rende son guerredon !

Entremis s'est de grant folie ; James nul jor ne serai lie ; S'anémie mortel aura Le jor que il m'espousera. Comment verrai-je jà le jor !

Naie 1 jà Diex si lonc sejor Ne me doinst que véir le puisse I Or a ci duel et grant anguisse, Ainz mes n'oï tel trahison.

Se je ne fusse en tel prison, Bien achevaisse ceste afère; Mes je ne puis nule rien fère.

Ne fors issir de cest manoir ; Or me convendra remanoir Et souffrir ce que veut mon père; Mes la souffrance est trop amère.

Ha I Diex, que portai devenir, Et quant porra çà revenir Cil qui trahis est laidement I Se il savoit certainement Comment son oncle l'a bailli Et ce qu'il a à moi failli, Bien sai que sanz joie morroie Et que sanz vie remaindroie ; Et s'il le séusty par mon chief, Je cuit qu'il en venist à chief ; Mes granz anuis fust achevez.

DieXy com mes cuers est agrevez !

Miex ameroie mort que vie.

Quel trahison et quel envie !

Comment l'osa cis viex pensser ?

Nus ne me puet vers lui tensser, Quar mon père aime convoitise,

; Qui trop le semont et atise.

Fi de viellèce, fi d'avoir I James ne porra nus avoir Famé qui soit haute ne riche, Se grans avoir en lui ne nice.

Haïr doi l'avoir qui me part De celui là où je claim part, Et qui me cuide avoir sanz faille ; Mes or m'est vis que je i faille. »

La pucèle se dementoit En icel point, quar molt estoit

- A grant mesaise, ce sachiez, Quar son cuer ert si enlaciez

En l'amor au bon bacheler Qu'à grant peine s'en puet celer Ce qu'ele pensse envers nului, Et autrement rehet celui A cui son père l'a donée.

Estre cuide mal assenée^ Que molt est viex, de grant aage ; Si a froncié tout le visage, Et les iex rouges et mauvais ; De Chaalons dusqu'à Biauvais N'avoit chevalier en toz sens Plus viél de lui, ne jusqu'à Sens N'avoit plus riche, ce dist-on ; Mes à cuivert et à félon Le tenoit on en la contrée ; Et celé estoit si enflambée De grant biauté et de valor, C'on ne savoit si bêle oissor.

Ne si cortoise ne si franche Dedenz la corone de France.

Mes diverse ert la partéure.

D'une part clère, d'autre obscure ; N'a point d'oscur en la clarté, Ne point de cler en l'oscurté.

Molt s'amast miex en autre point Celé qui amors grieve et point.

Et cil qui plevie l'avoit, Et qui de li grant joie avoit, A bien devisé son afère Et pris terme des noces fève)

679 DU VAIK PALEFROI 47

Com cil qui n'ert en soupeçon Ne savoit mie la tençon Ne le duel que celé menoit, Qu'amors en tel point la tenoit Com vous m'avez oï conter.

Ne vous doi mie forconter Le termine du mariage.

Cil, qui furent preudome et sage, S'en apresterent richement.

Li anciens certainement, Ainz que le tiers jor fust venuz.

Manda les anciens chenuz, Cels que il savoit plus senez, De la terre et du pais nez, Por estre au riche mariage De sa fille, qui son corage A voit en autre lieu posé.

Au bon chevalier alosé Avoit son cuer mis et s'entente; Mes or voit bien que sans atente Est deçéue et engingnie.

Assamblé ont grant compaignie Li dui chevalier ancien.

Par le pais le sorènt bien Tuit li preudome ancienor ; Venu i furent li plusor ; Si en i ot bien jusqu'à .XXX.

N'i ot celui ne tenist rente De l'ancien et garison.

Venu furent en sa meson.

La parole ont si devisée Que la pucele ert espousée, Ce dient tuit, à rajorner.

Si la commandent atorner Aus damoîseles qui la gardent, Et qui le jor et l'eure esgardent, Dont eles sont forment iries; S'en font chières molt esmaïes.

Li anciens a demandé A celés qu'il ot commandé Se sa fille est toute aprestée, Et se de rien est effraée, Et s'il i faut riens qu'avoir doie.

ce Nenil, biaus sire, que l'en voie, Respont une de ses puceles, S'avions palefrois et seles Por nous porter au moustier toutes, Dont i aura, je cuit, granz routes De parentes et de cousines Qui ci nous sont bien près voisines. > Cil li respont : « De palefroiz Ne somes pas en granz efTroiz; Je cuit que assez en auron. »

En la contrée n'a baron A cui l'en n'ait le sien mandé.

Et cil cui on ot commandé En est alez sanz demorance A l'ostel celui qui vaillance Avoit en son cuer entérine ; C'est cil qui proesce enlumine.

739 ou VAIR PALEFROI 49

Guillaume, qui preus fu et sages, Ne cuidoit que li mariages Fust porpariez en itel point; Mes amors qui au cuer le point L'avoit hasté de revenir.

Ne li pooit del souvenir Se de ce non qui Tangoissoit :

Amors en son cuer florissoit.

Il fu du tomoi repériez Com cil qui n'estoit mie iriez, Quar il cuidoit avoir celi A cui il a ore failli De ci atant que Dieu plera Et quant aventure avendra.

Chascun jor atendoit novele Qui li venist plesant et bêle, Et que son oncle li mandast Que sa famé espouser alast.

Chantant aloit par son ostel, Viéler fet .1. ménestrel En la viële .1. son novel; Plains est de joie et de revel, Quar eu ot outréement Tout le pris du tournoiement.

Souvent esgarde vers sa porte S'aucuns noveles li aporte.

Molt se merveille quant vendra Celé eure c'on li mandera ; Le chanter lest à chief de foiz ; Amors li fet mètre en defoiz

FaBL. I 7

5o FABLIAU III 769

Qu'il a aillors mise s'entente.

Atant ez-vos sans plus d'atente Un vallet qui en la cort entre.

Quant il le vit, le cuer du ventre Li fremist de joie et tressaut :

Cil li dist : « Sire, Diex vous saut ; A grant besoin m'a ci tramis Li anciens qui voz amis Est de pieça, bien le savez :

.1. riche palefroi avez; N'a plus soef ambiant el mont; Mesire vous proie et semont Que vous par amors li prestez, Si que anuit li trametez.

— Amis, dist-il, por quel mestier?

— Sire, por mener au moustier Sa fille, nostre damoisele, Qui tant est avenant et bêle.

— Et ele por quel chose ira ?

— Biaus sire, jà l'espousera Vostre oncle, à cui elle est donëe.

Et le matin à l'ajornée

Ert menée ma damoisele Là-sus à la gaste chapele Qui siet au chief de la forest.

Hastez-vous, Sire: trop arest; Prestez vostre oncle et mon seignor Vostre palefroi, le meillor Qu'est el roiaume, bien le sai ; Souvent en est mis à l'essai. »

Mes sires Guillaume Toï :

« Diex, fet-il, m'a donques trahi Mes oncles ^ en qui me fioie, A cui si bel proie avoie Que il m'aidast de ma besoigne ?

Jà Dame-Diex ne li pardoigne La trahison et le meffet ; A paines croi qu'il l'ëust fet ; Je croi que tu ne dis pas voir.

— Bien le porrez, fet-il, savoir Demain ainçois prime sonée, Quar jà i est granz l'assamblée Des viez chevaliers du pais.

— Ha! las, dist-il, corn sui trahis Et engingniez et decéusl »

Poi s'en faut que il n'est chéus De duel à la terre pasmez; S'il n'en cuidast estre blasmez De cels qui erent à l'ostel, Il féist jà encor tout el; Si est espris de duel et d'ire, Ne sot que fère ne que dire.

De grant duel démener ne cesse, Et cil le semont et reverse Que qu'il estoit en cel effroi :

« Sire, en vostre bon palefroi Fêtes errant mètre la sele ; S'ert portée ma damoisele Sus au moustier, que soef porte. »

Et cil qui soef se déporte,

Quar il entent à son duel faire Entruès que sa tristèce maire A porpensser quel le fera, Savoir mon , s'il l'envoiera Son vair palefroi à celui Qu'il doit haïr plus que nului.

(( Oïl, fet-il, sans delaiance; Cèle qui est de grant vaillance , A cui j'ai entresait failli,

N'i a coupes, ce poise mi ; Mon palefroi l'ira servir

Et la grant honor deservir

Que j'ai souvent en li trovée,

Quar en toz biens l'ai esprovée ; James n'en porrai plus avoir,

Ce puis^je bien, de fi, savoir.

» Or n'ai-je pas dit que senez,

Ainz sui faillis et forsenez,

Quant, à la joie et au déport

Celui qui m'a trahi et mort,

Vueil mon palefroi envoier :

En ne m'a il fet desvoier

De celé que avoir cuidoie?

Il n'est nus hom qui amer doie

Celui qui trahison li quiert :

Molt est hardis qui me requiert

Mon palefroi, ne rien que j'aie

Envolerai li dont je n'aie.

En ne m'a-il desireté

De la douçor, de la biauté

Et de la très grant cortoisie Dont ma damoisele est proisie ?

» Or l'ai lonc tens en vain servi ; Avoir en doi bien deservi Que la très grant souvraine honor En eusse bien le greignor, Ne grant joie mes n'en aurai.

Comment celui envolerai Chose de qoi puist avoir aise Qui me fet estre à tel mesaise ?

» Mes neporquant, s'il m'a coustë, Que celé qui tant a bonté Mon palefroi chevauchera ; Bien sai, quant ele le verra.

Que il li souvendra de moi.

Amée l'ai par bone foi Et aim et amerai toz tans, Mes s'amor si m'est trop coustans.

Par moi tout seul serai amis, Et si ne sai s'ele aura mis Son cuer en la viel acointance Dont j'ai au cuer duel et pesance.

Je cuit qu'il ne li soit pas bel ; Cayn, qui frères fu d'Abel, Ne fist pas greignor trahison ; Mis est mon cuer en grant friçon Por celi dont je n'ai confort. »

Ainsi demaine son duel fort.

Le palefroi fist enseler, Et l'escuier fist apeler;

Le vair palefroi H envoie, Et cil s'est lues mis à la voie.

Mesire Guillaume n'a pas De sa grant tristrece respas ; Dedenz sa chambre s'est muciez, Molt est dolenz et corouciez, Et à toz ses serjans a dit Que, s'il i a nul si hardit Qui s'esmueve de joie fère, Qu'il le fera pendre ou deffère ; N'a mes de joie fère cure, Ainz voudra mener vie obscure.

Qu'issir ne li puet à nul fuer La grand pesance de son cuer.

Ne la dolor ne la grant paine.

Et cil le palefroi enmaine A cui il l'avoit fet baillier ; Revenuz est sanz atargier Là où li anciens manoit, Qui molt grant joie demenoit.

La nuis estoit toute série ; D'anciene chevalerie Avoit grant masse en la meson. Quant mengië orent à foison, Li anciens a commandé A la guete, et dit et mandé A trestoz que, sanz nul sejor.

Une liue devant le jor Soient tuit prest et esveillié, Enselé et appareillié

Li cheval et li palefroi Sanz estormie et sanz desroi, Puis vont reposer et dormir ; Celé qu'amors fesoit frémir Et souspirer en grant doutance, N'ot de dormir nule espérance ; Onques la nuit ne someilla :

Tuit dormirent; ele veilla.

Son cuer n'estoit pas endormis, Ainz ert à duel fere ententis, Et, s'ele péust lieu avoir, N'atendist mie le mouvoir Des chevaliers, ne l'ajornée, Ainz s'en fust tost par li alée.

Après la mienuit leva La lune , qui bien esclaira Tout environ l'air et les ciex ; Et quant la guete vit aus iex, Qui embéus avoit este, Environ lui la grant clarté.

Guida que l'aube fust crevée :

c< Estre déust, fet-il, levée Pieça la grant chevalerie. »

Il tret le jor et huche et crie; a Levez, Scignor, li jor apert, »

Fet cil, qui toz estordis ert Du vin qu'il ot le soir béu.

Cil qui n'orent gueres géu En repos, ne guères dormi, Se sont levé tuit estordi ;

Des seles mètre sont engrës Li escuier, por ce que près Guident estre de l'ajornée; Mais, ainz que Taube fust crevée, Forent bien cinc Hues errer Et tout bêlement cheminer.

Li palefroi enselé furent.

Et tuit li ancien qui durent Adestrer celé damoisele Au moustier à la viez chapele.

Au chief de la forest sauvage, Furent monté, et au plus sage Fu comniandée la pucele.

Au vair palefroi fu la sele Mise, et, quant on l'amena, Adonc plus grant duel démena Qu*ele n'avoit devant mené.

Li ancien home séné Ne s'en parçurent de noient, Ne sorent pas son escient, Ainz cuidoient qu'ele plorast Por ce que la meson vuidast Son père por aler aillors ; Ne connoissoient pas ses plors.

Ne la tristrèce qu'ele maine.

Montée fu à molt grant paine.

Acheminé se sont ensamble ; Vers la forest, si com moi samble, Alèrent cheminant tout droit; Le chemin truevent si estroit

Que dui ensamble ne pooient Aler^ et cil qui adestroient La pucèle par derrière erent, Et li autre devant alèrent. Li cheyaliers qui l'adestroit, Por le chemin qu'il vit estroit, La mist devant, il fu derrière Por Testrèce de la quarrière.

La route ert longue et granz assez ; Traveilliez les ot et lassez Ce qu'il orent petit dormi ; Auques en furent amati ; Plus pesaument en chevauchoient Que viel et ancien estoient ; Tant avoient sommeil greignor, Quar grant pièce ot de ci au jor.

Desus les cols de lor chevaus.

Et par les mons et par les vaus, Aloient le plus someillant ; Et la pucele aloit menant Li plus sages c'on ot eslit.

Mes celé nuit ot en son lit De repos pou assez eu ; Le someil l'a si decéu Qu'il a tout mis en oubliance, Quar de dormir a grant voillance.

La pucele se conduisoit Si que de rien ne li nuisoit Fors que Tamor et la tristrèce.

Que qu'ele estoit en celé estrèce

Fabl. I 8

De celé voie que je di.

Toute la grant route a sordi Des chevaliers et des barons.

Tuit clinoient sor les arçons Li plusor ; li auquant veilloient.

Qui lor penssers aillors avoient Qu'à la Damoisele adestrer.

Parmi la grant forest d'errer Ne cessèrent à grant esploit; La pucèle est en grant destroit^ Si corn celé qui vousist estre Ou à Londres ou à Vincestre.

Li vairs palefrois savoit bien Cel estroit chemin ancien, Quar maintes fois i ot aie.

.L grant tertre ont adevalé Où la forest ert enhermie, C'on ne vëoit la clarté mie De la lune; molt ert ombrages En celé part li granz boschages, Que molt parfons estoit li vaus.

Granz ert la friente des chevaus.

De la grant route des Barons Estoit devant li graindres frons.

Li .L sor les autres sommeillent, Li autre parolent et veillent ; Ainsi vont chevauchant ensamble.

Li vairs palefrois, ce me samble, Où la damoisele sëoit, Qui la grant route porsivoit,

lo39 DU VAIR PALEFROI 69

Ne sot pas le chemin avant

Où la grant route aloit devant,

Ainz a choisi par devers destre

Une sentele, qui vers Testre

Mon seignor Guillaume aloit droit.

Li palefrois la sente voit ,

Qui molt sovent Tavoit hantëe ;

Le chemin lest sanz demorée

Et la grant route des chevaus.

Si estoit pris si granz sommaus

Au chevalier qui l'adestroit,

Que ses palefrois arrestoit

D'eures en autres en la voie.

La damoisele ne convoie

Nus, se Diex non ; ele abandone

Le frain au palefroi et done ;

Il se mist en Tespesse sente.

Il n'i a chevalier qui sente

Que la pucele ne le siue ;

Chevauchié ont plus d'une liue

Qu'il ne s'en pristrent onques gf rde ;

Et cil qui en fu mestre et garde

Ne l'a mie très bien gardëe :

Ele ne se fu pas emblée,

Ainz s'en ala en tel manière

Com celé qui de la charrière

Ne de la sente ne savoit

En quel pais aler devoit.

Li palefrois s'en va la voie De laquele ne se desvoie,

6o FABLIAU III 1069

Quar maintes foiz i ot esté , Et en yver et en esté.

La pucèle molt adolée , Qui en la sente estoit entrée.

Sovent se regarde environ , Ne voit chevalier ne baron, Et la forest fu pereilleuse, Et molt obscure et ténébreuse ; Et ele estoit toute esbahie Que point n'avoit de compaignie.

S'ele a paor n'est pas merveille.

Et neporquant molt se merveille Où li chevalier sont aie Qui là estoient assamblé.

Lie estoit de la decevance; Mes de ce a duel et pesaiice Que nus, fors Dieu, ne le convoie Et li palefrois, qui la voie Avoit par maintes foiz hantée.

Ele s'est à Dieu commandée.

Et li vairs palefrois Tenporte.

Celé, qui molt se desconforte, Li a le frain abandoné.

Si n'a .L tout seul mot soné; Ne voloit pas que cil Toïssent, Ne que près de li revenissent; Miex aime à morir el boscage Que recevoir tel mariage.

Ainsi s'en va penssant adès, Et li palefrois, qui engrès

Fu d'aler là où il devoit , Et qui la voie bien savoit, A tant alée s'ambléure Que venuz est grant aléure Au chief de celé forest grant.

Une eve avoit en .1. pendant Qui là coroit grant et obscure ; Li vairs palefrois à droiture I est aie, qui le gué sot; Outre passe plus tost que pot ; N'ot guères esloingnié le gué Qui pou estoit parfont et lé, Quant la pucele oï corner Celé part où devoit aler Li vairs palefrois qui le porte ; Et la guete ert desus la porte, Devant le jor corne et fretele.

Celé part vait la damoisele ; Droit au recet en est venue, Molt eshabie et esperdue.

Si com celé qui ne sait pas Ne le chemin ne le trespas, Ne comment demander la voie.

Ainz li palefrois de sa voie N'issi ; si vint desus le pont, Qui sist sor .1. estanc parfont ; Tout le manoir avironoit; Et la guete qui là cornoit Oï desus le pont l'effroi Et la noise du palefroi ,

Qui maintes foiz i ot esté.

La guete a .1. pou aresté De corner et de noise fère; Il descendi de son repère, Si demanda isnelement :

a Qui chevauche si durement A iceste eure sor cest pont ? »

Et la damoisele respont :

« Certes, la plus maléurée Qui onque fu de mère née :

Por Dieu lai-moi léenz entrer Tant que le jor voie ajorner, Que je ne sai quele part aille.

— Damoisele, fet-il, sanz faille, Sachiez ne Toseroie fère.

Ne nului mètre en cest repère.

Fors par le congié mon seignor ; Onques mes hom n'ot duel greignor QuMl a; forment est deshaitiez, Quar vilainement est traitiez. »

Que qu'il parie de cel afaire, Il met ses iex et son viaire A uns partuis de la poterne; N'i ot chandoile ne lanterne, Que la lune molt cler luisoit, Et cil le vair palefroi voit ; Bien l'a connut et ravisé.

Mes ainz l'ot assez remiré ; Molt se merveille d'ont il vient, Et la pucèle, qui le tient

Il59 DU VAIR PALEFROI 63

Par la resne, a molt esgardée, Qui richement est atornée De riches garnemens noviaus.

Et cil fu de Taler isniaus A son seignor, qui en son lit Estoit couchiez sans nul délit.

<c Sire, fet-il, ne vous poist mie, Une famé desconseillie, Jone de samblantet d'aage, Est issue de cel boscage, Atornée molt richement :

Molt sont riche si garnement ; Avis m'est que soit afublëe D'une riche chape forrëe ; Si drap me samblent d'escarlate.

La damoisele, tristre et mate, Seur vostre vair palefroi siet ; Li parlers pas ne li messiet, Ainz est si avenanz et gente , Ne sai, Sire, que je vous mente, Ne cuit en cest païs pucele Qui tant soit avenant ne bêle.

Mien escient c'est une fée Que Diex vous a ci amenée Por restorer vostre domage Dont si avez pesant corage ; Bon restor avez de celi A cui vous avez or failli. »

Mesires Guillaume l'entent, Il sailli sus, plus n'i atent ;

Un sorcot en son dos sanz plus^ Droit à la porte en est venus :

Ouvrir la fet isnelement ; La damoisele hautement Li a huche en souspirant :

« Ahi I gentiz Chevaliers, tant Ai de travail eu anuit I Sire, por Dieu, ne vous anuit, Lessiez moi en vostre manoir :

Je n'i quier guères remanoir; D'une suite ai molt grant paor De chevaliers, qui grant fréor Ont or de ce qu'il m'ont perdue; Por garant sui à vous venue Si com fortune m'a menée; Molt sui dolente et esgarëe. »

M esires Guillaume l'oi, Molt durement s'en esjoï; Son palefroi a connëu , Qu'il avoit longuement eu ; La pucele voit et avise.

Si vous di bien qu'en nule guise Nus plus liez hom ne péust estre.

Si la maine dedenz son estre, Il l'a du palefroi jus mise, Si l'a par la destre main prise, Besié l'a plus de .XX. foiz; El n'i mist onques nul defoiz, Quar molt bien l'a reconnéu.

Quant li uns a l'autre vëu.

Molt grant joie entr'aus .II. menèrent , Et toz lor dels entr'oublièrent; De sa chape est desafublée, Sor une coûte d'or listée, D'un riche drap qui fu de soie , Se sont assis par molt grant joie.

Chascuns plus de .XX. foiz se saine, Quar croire pueent à grant paine Que ce soit songes que il voient ; £t quant serjant iluec ne voient , Neporquant molt bien aaisier Se sorent d'aus entrebesier; Mes je vous di qu'autre meffet A icele eure n'i ot fet.

La pucele sanz contredit Li a tout son afëre dit :

Or dist que buer fu ore née Quant Diex l'a iluec amenée, Et de celui l'a délivrée, Si com fortune l'a menée , Qui en cuidoit son bon avoir Por son mueble et por son avoir.

Mesire Guillaume s'atome A lendemain quant il ajorne ; Dedenz sa cort et sa chapele Venir i fet la damoisele ; Son chapelain sanz arester A fet maintenant apeler.

Li Chevaliers sanz trestorner Se fet maintenant espouser

FâBL. I 9

Et par bon mariage ajoindre :

Ne sont pas legier à desjoindre.

Et quant la messe fu chantée, Grant joie ont el palais menée Serjant, pucèles, escuier.

Mes il doit molt cels anuier Qui perdue l'ont folemcnt :

Venu furent communément A la chapele, qui ert gaste; Assez orent eu de laste De chevauchier toute la nuit ; N*i a celui cui il n'anuit.

Li anciens a demandée Sa fille à cil qui Tôt gardée Mauvesement; ne sot que dire.

Isnelement respondi : « Sire, Devant la mis, je fui derrière.

Que molt estroite ert la charrière.

Et la forest grant et ombrage ; Ne sai s'aillors prist son voïage , Quar sor mon arçon sommeilloie ; D'eures k autres m'esveilloie.

Devant moi la cuidai adès, Mes n'en est ore guères près ; Je ne sai qu'ele est devenue ; Mauvesement l'avons tenue. »

Li anciens par tout la quiert, Et à toz demande et enquiert Quel part ele est, ne s'il la virent :

Molt durement s'en esbahirent ;

Ne l'en sorent dire novele.

Et li viez qui la damoisele Devoit prendre fu plus dolenz ; De li querre ne fu pas lenz; C'est por noient que il la chace, Perdue en a la droite trace ; Cil qui avoeques lui estoient En tel effroi, el chemin voient Venir un escuier poingnant ; Vers l'ancien vient maintenant.

i< Sire, fet-il, amistié grande Mesire Guillaume vous mande ; La vostre fille a espousée Très hui matin à l'a j ornée ; Forment en est liez et joiant.

Venez i, sire, maintenant, Et son oncle mande ensement, Qui vers lui ouvra faussement ; De cest meffet li fet pardon Quant de votre fille a le don. »

Li anciens ot la merveille, Onques mes n'o'i sa pareille.

Toz ses barons huche et assamble.

Et, quant il furent tuit ensamble.

Conseil a pris que il ira.

Et celui avoec lui menra Cui de sa fille avoit don fet.

Le mariage en voit deffet, Nul recouvrier n'i puet avoir.

Cil , qui fu plains de grant savoir,

68 FABLIAU III i3o9

I est alez isnelement

Et tuit li baron ensement.

Quant k l'ostel furent venu , Richement furent reçéu :

Mesire Guillaume fist joie Molt grant, com cil qui de sa proie Estoit molt liez en son corage.

Graer covint le mariage  rancien, vousist ou non, Et li yiex au fronci grenon S'en conforta plus l»au qu'il pot.

Seignor, ainsi Dame-Dieu plot Que ces noces fiirent estables, Qui à Dieu furent convenables.

Mesire Guillaume fu preus, Cortois et molt cfaevalereus; Ainz sa proesce ne lessa, Mes plus et plus s'en efforça :

Bien fu de princes et de contes.

Ainz le tiers an, ce dist li contes, Morut li anciens, sanz faille; Tout son avoir M rent et baille ; Toute sa terre ot en baillie , Qui molt ert riche et bien garnie.

.M. livrées tint bien de terre.

Après ala la mort requerre Son oncle, qui molt estoit riches,.

Et cil, qui n'estoit mie nices, Ne de cuer povres ne frarins, Ne blastengiers de ses voisins,

l339 DU VAIR PALEFROI

Ainz tint la terre toute cuite.

Geste aventure que j'ai dite Afine ci en itel guise Com la vérité vous devise.

ExpUcit du Vair Palefroi.