QUI FU REMIS AU SOLEIL
Mtnotcrit F. Fr. 8S7, f. 941 ?<>à 94a 1^.
Jadis se fu uns marchéanz [Qui n'estoit mie recréanz, INe de gaaignier esbahis, ' Ainz chercha sovent maint pais
Por ses denrées emploier ;
De son avoir mouteploier
Ne fu pas sovent à sejor.
De sa famé se part .1. jor,
Et va en sa marchéandise ;
Ainsi com cis contes devise ,
Bien demora .IL anz entiers.
La marchéande endementiers
Fu ençainte d'un bacheler;
Amors, qui ne se pot celer,
Mist l'un et l'autre en tel désir,
Que ensamble les fist gésir;
Mes lor œvre ne fu pas fainte,
Quar la dame en remest ençainte ;
.L fil en ot, ainsi avint.
20 L*ENFANT REMIS AU SOLEIL. l63
Et, quant li marchéanz revint,
A fuer de sage se prova.
De Tenfançon que il trova
A sa famé reson demande.
(c Ha, sire, fet la marchéande,
Une foiz m'estoie apoïe
Là sus à YO haute poïe,
Moult dolente et moult esplorée
Tout por la vostre demorée,
Dont g'ère en moult grant desconfort ;
Yvers ert , si nègoit moult fort ;
Amont vers le ciel esgardoie,
Et je, qui point ne me doutoie.
Par meschief reçui en ma bouche
.1. poi de noif, qui tant fu douce
Que cel bel enfant en conçui
D'un seul petit que j'en reçui;
Ainsi m'avint com je vous di. »
Et li preudom li respondi :
c( Dame, ce soit à bon éur ;
Des or mes sui-je tout séur
Que Diex m'aime, seue merci,
Quant cest bel oir que je voi ci
Nous consent ainsi à avoir;
Ausi n'avions-nous nul oir.
Et cist ert preudom, se Dieu plest. )>
Ne plus ne dist, ainçois se test,
Ne de son cuer point ne gehi.
Et li enfes crut et tehi,
Et prist moult bone norreçon,
164 FABLIAU XIV So
Mes toz jors fu en soupeçon Li preudom, et en porvéance Qu'il en voie sa délivrance.
Quant Tenfes ot .XV. anz passez, Cil, qui n'est mie respassez De son mal, qui moult est irais, A sa famé s'est un jor trais.
Et dist : (( Dame, ne vous griet pas Que demain vueil, sans nul trespas, En marchéandise r'aler ; Fêtes tost mes dras enmaler , Moi auques matin esveillier.
Et vostre fil appareillier, Q'o moi le vueil mener demain.
Savez-vous porqoi je l'i main ?
Jel vous dirai sans demander :
Por aprendre à marchéander Entruès qu'il est de jone aage.
Jà ne verrez home fin sage De nul mestier, sachiez sanz doute.
Se il n'i met son sens et boute .
Ainçois qu'il ait usé son tans.
— Sire, bien m'i suis assentans; Mais encore, s'il vous pléust.
Mon fils encor ne s'en méust; Et, puis que voz plesirs i est, Au contredit n'a point d'aquest.
Ne desfendre ne m'en porroie :
Demain vous métrez à la voie, Et Diex, qui là sus est et maint,
8o l'enfant remis au soleil. i65
Vous conduie, et mon fils ramaint.
Et doinst la bone destinée. »
A tant fu la reson finée, Et li preudom matin se liève, Cui ses afères point ne griève y Quar sa chose li vient à point.
Mais la dame n'abelist point Ce qu'ele en voit son fil aler, Que de li part sanz retorner.
Et li preudon o lui l'en guie Tout le chemin lèz Lombardie.
Ne conterai pas lor jomées, Que tantes terres ont passées, Qu'à Gènes droit s'en sont venu ; A .1. ostel sont descendu.
Li preudon a changié Agraine A .1. marchéant qui l'enmaine En Alixandre por revendre.
Et cil y tantost sans plus atendre.
Qui le fil sa famé vendi, A son autre afère entendi ; Lors repéra en sa contrée, Et tante terre a trespassée Qu'à son ostel vint et descent ; Mes ne le vous diroient cent Le duel que la Dame demaine De son fil que pas ne ramaine.
Sovent se pasme, ainsi avint, Et, quant de pasmoison revint, En plorant li requiert et prie.
Por amor Dieu, que il li die De son fil qu'il est devenuz.
De respondre ne s'est tenuz Cil, qui moult biau parler savoit.
<c Dame, selonc ce que l'en voit Doit chascuns le siècle mener; Quar en trop grant duel démener Ne puet-il avoir nul conquest.
Savez-vous que avenu m'est Enz el pais où j'ai esté ?
Par un chaut jor el tens d'esté, Jà estoit miedis passez, Et li chauz ert moult trespassez, Lors erroie-je et vo fiex,
Lez moi
Deseure un mont qui tant fu hauz ; Li solaus, clers, ardanz et chauz, Sor nous ardanz raiz descendi.
Que sa clarté chier nous vendi, Que vos fil remetre covint De l'ardeur qui du soleil vint.
A ce sai bien et aperçoif Que vostre filz fu fez de noif, Et por ce pas ne m'en merveil.
S'il est remis el chaut soleil. »
La dame s'est aperçéue Que son mari l'a deçéue, Qui dist que son filz est remis.
Or li est bien en lieu remis Ses engiens, et tornez à perte,
t lO
