LE CHEVALIER CONFESSEUR I

Tant que son terme venu fust , De son provoire fu confesse ; Du sien donna et fist grant lesse.

Ne se Yout pas à tant tenir; Son seignor fist à li venir Et se li dist : <c Biaus sire chiers , Du conseil de moi fust mestiers ; Uns moines maint moult près de ci , Sainz hom est moult, ç'avons oï ; A m'ame fust grant preu, ce cuit, Se je fusse confesse à lui.

Sire, pour Dieu, sanz nule aloingne, Quar me fêtes venir le moine ; Grant mestier ai de lui parler. »

— Dame, dist-il, vez m'i aler, Nul meillor mes de moi n'i a ; Je cuit jel vous amenrai jà. »

A ces paroles s'en toma ; Sor un cheval qu'il ot monta ; A la voie se mist ambiant , Et de sa famé moult penssant.

(c Diex I penssa, s'il tant a esté Geste famé de grant bonté , Ce saurai-je, se Diex m'ait, S'ele est tant bone com l'en dit; Jà n'i aura confession , Par le cuer Dieu, se de moi non ; En leu de moine à li vendrai , Et sa confession orrai. »

En ce qu'en cest penssé estoit

8o FABLIAU XVI 5o

lOO

Et devise qu*estre en porroit , Chiés le prior en vint manois , Qui fu prudon et moult cortois; Et, quant le priéor vit li , Encontre lui moult biau sailli ; Bel l'apela, sel fist descendre, Puis si a fet son cheval prendre ; Puis li a dit : « Par l'ordre Dé , Or m'avez-vous servi à gré Quant vous m'estes venuz véoir Com vostre ami, et remanoir; De herbregier grant joie en ai ; Por vous la cort amenderai. »

Li chevaliers li dist : « Biaus sire, Giant gré vous sai certes du dire , Mes ne puis mie herbregier; Venez o moi çà conseillier. »

Quant il l'ot tret à une part :

« Sire, fet-ily se Diex me gart, Grant mestier ai de vostre aïe ; Gardez que ne me failliez mie ; Se voz dras noirs me presterez, Ainz mie-nuit toz les r'aurez , Et voz granz botes chaucerai , Et je ma robe vous lerai Céenz avez mon palefroi , Et le vostre menrai o moi. »

Le moine tout li otria Quanque il quist et demanda , Et, quant fu nuis, les dras vestit;

8o LE CHEVALIER CONFESSEUR l8l

Il chanja trestout son abit ; Desus le palefroi monta Au moine, qui souef ambla ; Lors s'en parti de maintenant , En sa méson en vint ambiant.

Dedenz entra, bien fu enbronc , Bien s'enbroncha ou chaperon, Quar ne voloit, ce cuit-je bien , Que l'en le connéust de rien.

La méson ert auques obscure ; Uns gars sailli grant aléure Encontre lui por lui descendre.

A une famé se fist prendre Par la gonne; s'el mena droit Là où la dame se gisoit.

ff Dame, dist-el, le moine est ci , Que vous mandastes dès ier ci. »

Et la dame si l'apela.

« Sire, dist-el, séez-vous ça Delèzcest lit, quar moult m'empire Mon mal ; si crieng que je me muire.

Que nuit ne jor point ne me cesse ; Si Yueil de vous estre confesse.

— Dame, dist-il, ce sera sens , Tant come avez et lieu et tens , Quar nus ne nule ne set mie Esmer de soi, ne de sa vie.

Por ce vous di, ma douce dame, Qu'aiez merci de la vostre ame ; Pechié celé, ce truis escrit,

L'ame et le cors ensamble ocist; Por ce vous di et vous chasti Que vous aiez de vous merci. »

Et la dame, qui ou lit fu, Trestout en autre siècle fu ; De son seignor ne conut mie, Por le grant mal qui Tôt saisie, Quar sa parole entrechanjoit; En la chambre lumière n'ot, Fors d'un mortier qu'iluec ardoit ; Point de clarté ne lor rendoit, Ne gent n'avoit en cel ostal Qui séussent guères de mal.

« Sire, moult ai esté proisie, Mes je suis fausse et renoïe ; Sachiez de voir, tele est blasmée Qui vaut moult miex que la loée ; Cestoie-je qui los avoie, Mes moult mauvèse famé estoie, Quar à mes garçons me livroie, Et avoeques moi les couchoie, Et d'aus fesoie mon talent ; Moie coupe, je m*en repent. »

Et, quant li chevaliers l'oï.

De mautalent le nez.fronci; Moult par vousist et desirrast Que mort soubite l'acorast.

(( Dame, dist-il, pechié avez :

Dites avant, se vous savez ; Mes bien vous déussiez tenir,

140 LE CHEVALIER CONFESSEUR l83

Dame, s'il vous fust à plesir,

A Yostre espous, qui moult vaut miex,

Ce m'est avis, par mes .II. iex,

Que li garçons; moult me merveil.

— Sire, se Diex m'envoit conseil

A ceste ame, je vous dirai

La vérité si com je sai.

A paine porroit-l'en choisir

Famé qui se puisse tenir

A son seignor tant seulement,

Jà tant ne l'aura bel et gent;

Quar la nature tele en ont,

Qu'els requièrent, ce sachiez-vous,

Et li mari si sont vilain

Et de grant félonie plain.

Si ne nous oson descouvrir

Vers aus, ne noz besoins gehir,

Quar por putains il nous tendroîent,

Se noz besoins par nous savoient ;

Si ne puet estre en nule guise

Que n'aions d'autrui le servise.

— Dame, dist-il, bien vous en croi ; Dites avant, se savez qoi.

— Sire, dist-ele, oïl assez.

Dont li miens cors est moult grevez, Et la moie ame en grant fréor; Que le neveu de mon seignor Tant l'amoie en mon corage, Ce m'estoit vis, que c'estoit rage, Et sachiez bien que je morusse,

Se mon plesir de lui n'eusse ; Tant fis que je o lui péchai^ Et que .V. anz, je cuit, l'amai.

Or m'en repent vers Dieu. — Aïe, Dame, dist-il, c'estoit folie Que le neveu vostre seignor Amiiez de si foie amor ; Li péchiez doubles en estoit.

— Sire, se Diex conseil m'envoit, C'est la coustume de nous famés.

Et de nous aaisies dames ; Quar cels dont l'en mains garde aura, Entor cels plus se tomera.

Por le blasme que je cremoie, Le neveu mon seignor amoie; Quar à mes chambres bien sovent Pooit venir, véant la gent; Jà n'en fust blasme ne parole ; Ainsi l'ai fet si fis que foie, Quar mon seignor ai grevé si Qu'à poi que ne l'ai tout boni , Que du tortiau puant li gart, Li ai bien fet mengier sa part.

Tant li ai fet, tant l'ai mené, Que il croit plus en moi qu'en Dé.

Quant céenz vienent chevalier.

Si com droit est, por herbregier, Lors demandent-il'à noz genz, Où est la dame ? — Ele est léenz; Jà le seignor n'ert demandé,

200 LE CHETALIER CONFESSEUR l85

Cat je l'ai tout anéanté.

Ne jà ostel n'ert à honor

Dont la dame se fet seignor ;

Et famés ceste coustume ont.

Et volentiers toz jors le font,

Qu'elles aient la seignorie

Sor lorseignors; por c'est honie

Mainte méson qu'est sanz mesure,

Et famé avoire par nature.

— Dame, dist-il, ce puet bien estre. »

Del vrai Dieu le souverain prestre

Onques riens plus ne H enquist,

Mes sa coupe batre li fist,

Et li enjoinst sa penitance,

Et ele mist en convenance

Que jamès jor amor n'auroit

A autre home, s'ele vivoit.

Lors s'en parti ; moult fù iriez ; A son cheval est repériez, Dessus monta, si s'en issi ; D'ire et de mautalent frémi Por sa filme qu'il seut loer.

Et tant prisier, et tant amer; Mes en ice se confortoit Qu'encore bien s'en vengeroit.

A lendemain, quant il li plout, A son ostel, et quant il vout, En sa méson s'en repéra, Et la dame si respassa.

Grant merveille ot de son seignor,

Fabl. I 24

l86 FABLIAU XVI s3o

Qui li soloit moustrer amor, Et li baisier et acoler; Or ne daignoit à li parler.

Un jor par sa méson aloit Trestout ainsi com el soloit, Et comandoit moult fièrement De ses afères à sa gent ; Et li sires sel regarda ; Iréement le chief crolla ; Se li a dit : « Par Tordre Dé, Dame, quele est votre fierté Et vostre orgueil ? Je l'abatrai, Quar à mes poins vous ocirrai.

S'il vous'membrast de vostre vie, Honte eussiez d'avoir baillie; Quar nule famé bordelière Ne fu de si maie manière Com vous estes, orde mauvëse. »

Lors ne fu pas la dame aaise ; De son seignor se merveilla ; Avis li fu, de voir cuida, Que il l'éust fête confesse ; Moult se doute que mal n'en nesse, Puis li a dit de maintenant :

c( Ha I mauves homme souduiant.

Moult me poise que je ne dis Que tuit li chien de cest pais Le me fesoient nuit et jor; Mes plus m'estoit de ma dolor.

Ha I mauves home trahitier,