DES PERDRIZ I

Puis est alée en mi la rue Savoir se ses sires venoit ; Quant ele venir ne le voit, Tantost arrière s'en retorne Et le remanant tel atorne, Mal du morsel qui ramainsist.

Adonc s'apenssa, et si dist Que l'autre encore mengera ; Moult très bien set qu'ele dira S'on li demande que devindrent ; Ele dira que li chat vindrent Quant ele les ot arrier trètes ; Tost li orent des mains retrètes.

Et chascuns la seue emporta ; Ainsi, ce dist, eschapera.

Puis va en mi la rue ester, Por son mari abeveter ; Et, quant ele nel voit venir, La langue li prist à frémir Sus la pertris qu'ele ot lessie.

Jà ert toute vive enragie S'encor n'en a .1. petitet; Le col en tret tout souavet, Si le menja par grant douçor; Ses dois en lèche tout entor :

<c Lasse ! fet-ele, que ferai ?

Se tout menjue, que dirai?

Et coment le porrai lessier ?

J'en ai moult très grant desirrier.

Or aviegne qif'avenir puet,

Quar toute mengier le m'estuet. »

Tant dura celé demorée, Que la Dame fu saoulée.

Et li vilains ne tarda mie y A Tostel vint, en haut s'escrie ; <c Diva, sont cuites les pertris?

— Sire, dist-ele, ainçois va pis, Quar mengies les a li chas. »

Li vilains saut isnel le pas, Seure li cort comme enragiez ; Jà li éust les iex sachiez,

Quant el crie : « C'est gas, c'est gas.

Fuiez, fet-elè, Sathanas; Couvertes sont por tenir chaudes.

— Jà vous chantaisse putes Laudes, Fet-il, foi que je doi saint Ladre.

Or çà, mon bon hanap de madré Et ma plus bêle blanche nape ; Si Testenderai sus ma chape, Souz celé treille en cel praiel .

— Mes, vous, prenez vostre coUtel, Qui grant mestier a d'aguisier;

Si le fêtes .1. pou trenchier A celé pierre en celé cort. » Li vilains se despoille et cort.

Le coutel tout nu en sa main.

A tant ez vos le chapelain , Qui léenz venoit por mengier :

A la dame vint sans targier, Si l'acole moult doucement.

8» DES PERDRIZ iqi

Et cele li dist simplement :

« Sire, dist-el, fuiez, fuiez : ' Jà ne serai où vous soiez Honiz ne malmis de vo cors ; Mes sires est alez là fors Por son grant coutel aguisier.

Et dist qu'il vous voudra trenchier Les coilles, s'il vous puet tenir.

— De Dieu te puist-il souvenir, Dist li prestres ; qu'est que tu dis ?

Nous devons mengier .II. pertris Que tes sires prist hui matin. »

Cele li dist : « Par saint Martin, Céenz n'a pertris ne oisel ;

De vo mengier me seroit bel, Et moi peseroit de vo mal ; Mes ore esgardez là aval, Come il aguise son coutel.

— Jel voi, dist-il ; par mon chapel , Je cuit bien que tu as voir dit. »

Léenz demora moult petit,

Ainz s'en fui grant aléure,

Et cele crie à bone éure :

<c Venez-vous-en, sire Gombaut.

— Qu'as-tu, dist-il, se Diex te saut ?

— Que j'ai? Tout à tens le saurez ; Mes, se tost corre ne poez.

Perte i aurez, si com je croi ; Quar, par la foi que je vousdoi, Li prestre enporte voz pertris. »

19s FABLIAU XTII IIS

Li preudom fu toz aatis, Le coutel en porte en sa main, S'en cort après le chapelain; Quant il le vit, se li escrie :

<c Ainsi nés en porterez mie. »

Puis s'escrie à granz alenées; a Bien les en portez eschaufées; Ça les lerrez, se vous ataing ; Vous seriez mauves compaing Se vous les mangiez sanz moi. »

Li prestre esgarde derrier soi, Et voit acorre le vilain ; Quant voit le coutel en sa main, Mors cuide estre, se il l'ataint.

De tost corre pas ne se faint ; Et le vilains penssoit de corre, Qui les pertris cuidoit rescorre ; Mes li Prestres de grant randon S'est enfe^ez en sa méson.

A l'ostel li vilains retorne, Et lors sa famé en aresone :

ce Diva, fet-il, et quar me dis Comment tu perdis les pertris. »

Celé li dist : « Se Diex m'ait, Tantost que li prestres me vit.

Si me pria, se tant l'amaise, Que je les pertris li monstraisse, Quar moult volentiers les verroit ; Et je le menai là tout droit Où je les avoie couvertes :