GOMBERT ET LES .II. CLERS

Un petit enfant en berçuel Paissoit la bone famé en l'aistre.

Que qu'ele entendoit à lui paistre, Uns des clers lez H s'acosta ; Fors de la paelete osta L'anelet dont ele pendoit ; Si le bouta lues en son doit Si coiement que nul nel sot.

Tel bien com sire Gombers ot Orent assez la nuit si oste, Lait boilli, matons et composte; Ce fu assez si corne à vile.

Cele nuit fu moult dame Guile Regardée de l'un des clers ; Ses iex i avoit si aers Que il nés en pooit retrère.

Li preudom, qui ne sot Taftre Et n'i entendoit el que bien, Fist lor lit ftre près del sien ; Ses coucha, et les a couvers.

Lors se couche sire Gombers Quant fu chauféz au feu d'esteule, Et sa fille jut toute seule.

Quant la gent se fu endormie, L'uns des clers ne s'oublia mie; Molt li bat li cuers et flaele ; A tout l'anel de la paele Au lit la pucele s'en vint.

Oiez coment il li avint ; Lez li se couche, les dras œvre :

a Qqî est-ce, Diex, qui me descuevre ?

Dist-ele quant ele le sent.

Sire, por Dieu omnipotent,

Que querez-Yous ci à cesteeure?

— Suer, dist-il, se Diex me sequeure,

N'ai talent qu'en sus de vous voise;

Mes tesiez vous , ne fêtes noise,

Que vostre père ne s'esveille,

Quar il cuideroit jà merveille.

S'il savoit que o vous géusse ;

Il cuideroit que je eusse

De vous fttes mes volentez;

Mes, se vos mes bons consentez,

Granz biens vous en vendra encor,

Et si aurez mon anel d'or.

Qui miex vautde .IIII. besanz;

Or sentez comme il est pesanz ;

Trop m'est larges au doit m'anél. »

Et cil li a bouté l'anel

Ou doit, si qu'il passa la jointe.

Et celé s'est près de lui jointe,

Et jure que jà nel prendroit.

Toutes eures, mi tort, mi droit,

L'uns vers l'autre tant s'amolie

Que li clers li fist la folie.

Et, quant il plus l'acole et baise.

Plus est ses compains à malaise,

Quar ressouvenir li fesoit;

Ce qu'à l'un paradis estoit

Sambloit à l'autre droiz enfers.