DES .II. CHANGEURS
Manuscrit F. Fr. SS;, f. 265 t« à 267 r®.
jui que face rime ne fable, Je vous dirai, en lieu de fable, :Une aventure qui avint ; ,De qui fu fête et à qui" vint
Vous en dirai bien vérité.
Il avint en une cité
Que .II. changéors iavoit
Jones et biaus, et moult savoit
Chascuns du change maintenir.
Entr'aus .II. orent à tenir
Longuement compaignie ensanble ;
Mes chascuns avoit, ce me samble,
Pac soi le sien herbergement.
Ainsi furent moult longuement
Entr'aus .II. sans acompaignier,
Fust à perdre ou à gaaigner,
Tant que l'uns d'aus se maria,
Et li autres tant taria
Celé que ses compains ot prise
Qu'ele fu de s'amor esprise.
Et firent quanques bon lor fu
Li uns à l'autre sanz refu.
Ainsi maintindrent lor amors Longuement, qu'ainz n'en fu clamors Ne par privé ne par estrange.
.1. matin se séoit au change Li bachelers qui la famé ot, Et li autres, qui moult amot La borgoise, jut en son lit.
Por son bon et por son délit L'envoia quêrre, et cela vient.
« Dame, fet-il, il vous covient Toute nue*Iezmoi couchier; Se de rien nule m'avez chier, Couchiez i vous sanz contredit. »
— Amis, vous n'avez pas bien dit, Fet la dame, se Diex me gart ; Il covient mener par esgart Amors, qui les veut maintenir, Que l'en nés puist por sos tenir.
N'en est pas mes sires jalons, Ainz avons entre moi et vous Jusques ci nostre amor eue Conques par nul ne fu séue.
La volez-vous fère savoir?
Cil n'est mie plains de savoir Qui tout à escient s'aville ; Bien savez-vous qu'en ces te vile Est mes sires, sanz nule faille.
Et, s'il avient que il s'en aille Ainz que je reviegne en méson,
02 DES .II. CHANGéORS
Mestrie aura et achoison
De jalousie à toz jorz mes.
— Dame, fet-il, tenez nouz pès;
Je n'ai cure de preeschier;
Mes venez vous lèz moi couchier,
Maintenant que fèrç i'estuet. »
Et celé voit que miex ne puet ;
Despoille soi, quel que l'en chiée.
Si tost corne ele fu couchiée.
Cil fet prendre toute sa robe, Et mettre en une garderobe , j Puis a son compaignon mandé ; Cil vient là; si a demandé Où est li sires de céenz ; D'autrui aises est-il noienz Fors que des siens, ce m'est avis.
« Compains, fet-il, je vous plevis, Se vous saviiez orendroit Qui ci gist, vous auriiez droit.
De ce dirai; venez avant; D'une haute chose me vant.
Dont je ne vous mentirai mie, Que j'ai la plus très bêle amie Qui onques fust, qui lèz moi gist. »
Quant celé l'entent, si fremist ; N'est merveille se s'esbahi, Quant son seignor parler oï.
Lors est cil en la chambre entrez, Et li dist : « Biaus compains, moustrez Vostre amie, se Diex vous saut. »
Et cele fremist, si tressaut ;
Mes bien à point son vis li cuevre,
Et cil les treces li descuevre
Qui furent de trop grant beauté.
a Compains, par vostre léauté,
Véez, a-il ci biau tesmoing 7
— Je méismes le vous tesmoing,
Fet li autres ; se Diex me gart.
Je cuit bien qu'ele a douz regart,
Quant ele est si bêle de ça. »
Et ele adès se remuça
Souz son amiy et boute et tire;
Mes cil remottstre tout à tire
Piéz et jambes y cuisses et flans,
Les hanches et les costéz blans.
Les mains, les braz, et les mamelles,
Qu'ele avoit serrées et belles.
Le blanc col et la blanche gorge.
<c Compains, foi que je dois saint Jorge,
Fet cil, qui n'en conoissoit mie.
N'avez pas failli à amie ;
Bien devez gésir matinée
Lèz la plus bêle qui soit née.
Au tesmoing que j'en ai véu.
Aucun pechié m'avoit méu.
Que j'ai si tost famé espousé ;
Mainte fois m'en a puis pesé,
Et poise, ce sachiez de voir.
Moult par devez grant joie avoir,
Et de bone eure fustes nez.
