LE CUVIER

MulUKril F. Fr., 8)7, fol. i3i i^kii^i*.

3hascuns se veut mes entremètre |De biaus contes en rime mètre :

fiMais je m'en sui si entremis sQue j'en ai .1. en rime mis

D'un marchéant qui par la terre

Aloit marchéandise querre.

En sa meson lessott sa famé,

Qui de son ostel estoit dame ;

Il gaaignoit à grant mesaise,

Et ele estoit et bien et aise

Quant il ert alez gaaignier,

Et ele se fesoit baingnier

Avoec .1. clerc de grant franchise,

Où ele avoit s'entente mise.

Un jor se baingnoient andeux ;

Si lor en vint .1. moult grant deuls,

Et tele paor, que le mestre

Por nul avoir n'i vousist estre;

Quar, si comme il s'entretenoient

Et ensamble se deduisoient,

Et li borgois si s'en repère