LA VACHE AU PRESTRE

it F. Fr. 8l7,rol. ti9i«àii9T>. 1

J'uNTilainconteetdesafànie, [

I C'unjorde festeNostre Dame '

jf Aloient ourer à l'yglise.

SLi prestres, devant le servise, Vint à son proisnc sermoner.

Et dist qu'il fesoit bon doner Por Dieu, qui reson entendoit; Que Diex au double li rendoit Celui qui le fesoit de cuer.

« Os, fet li vilains, bêle suer, Que noz prestres a en convent :

Qui por Dieu donc à escient, Que Diex li fet mouteploier ; Miex ne poons-nous emploier No vache, se bel te doit estre, C^e pour Dieu le douons le prestre; Ausi rent-ele petit lait.

l8 DE BRUNÂIN l33

— Sire, je vueil bien que il Tait,

Fet la dame, par tel reson. »

A tant s'en vienent en meson ,

Que ne firent plus longue fable.

Li vilains s'en entre en l'estable ,

Sa vache prent par le lien ,

Présenter le vait au doien.

Li prestres ert sages et cointes.

« Biaus Sire, fet-il à mains jointes,

Por l'amor Dieu Blerain vous doing. »

Le lien li a mis el poing,

Si jure que plus n'a d'avoir.

« Amis, or as-tu fet savoir,

Fet li provoires dans Constans ,

Qui à prendre bée toz tans.

Va-t'en, bien as fet ton message ,

Quar fussent or tuit ausi sage

Mi paroiscien corne vous estes ,

S'averoie plenté de bestes. »

Li vilains se part du provoire.

Li prestres comanda en oirre

C'on fasse pour aprivoisier

Blerain avoec Brunain lier,

La seue grant vache demaine.

Li clers en lor jardin la maine ,

Lor vache trueve, ce me samble.

Andeux les acoupla ensamble;

Atant s'en torne, si les lesse.

La vache le prestre s'abesse,

Por ce que voloit pasturer.

Mes Blere nel vout endurer, ^

Âinz sache le liens si fors, ,

Du jardin la traîna fors :

Tant l'a menée par ostez,

Par chanevières et par prez,

Qu'elle est reperie à son estre

Avoecques la vache le prestre,

Qui moult à mener li grevoit.

Li vilains garde, si le voit;

Moult en a grant joie en son cuer.

« Ha, fet li vilains, bêle suer,

Voirement est Diex bon doublère ,

Quar li et autre revient Bière ;

Une grant vache amaine brune ;

Or en avons nous .11. por une :

Petis sera nostre toitiaus. » *

Par example dist cis fabliaus

Qjie fols est qui ne s'abandone;

Cil a li bien cui Diex le done ,

Non cil qui le muce et enfuet ;

Nus hom mouteplier ne puet

Sanz grant éur, c'est or del mains.

Par grant éur ot li vilains

.II. vaches, etli prestres nule.

Tels cuide avancier qui recule.

Explicit de Brunain la vache au Prestre,