DE LA DENT
Quar ces mauves qui vivent ore, Donassent encor maugré lor :
Quar trop par fust grant deshonor Se ces preudes hommes donaissent, Et cil des iex les esgardaissent; Véoir doner sanz doner rien, Tost se descouvrist lor merrien :
Quar l'en voit bien, ce est la somme, Quant mauves est delez preudomme.
Que c'est molt diverse partie.
Il ot un fèvre en Normendie Qui trop bel arrachoit les denz :
En la bouche au vilain dedenz Metoit .1. lâz trop soutilment.
Et prenoit la dent trop forment, Puis fesoit le vilain bessier Por entor l'enclume lier Le laz qui li tient à la joe.
Ne péust pas .1. oef d'aloe Estre entre l'enclume et la cane, Et quant li fevre's se rassane Aus tenailles et au martel.
Si chaufe son fer bien et bel, Et soufle et buffe et se regarde ; Et celui ne se done garde ' Qui à l'enclume est atachiez, Quar le fevre qui l'a laciez.
Ne fet samblant de nule rien, Ainz chaufe son fer bel et bien.
l5o FABLIAU XII 8]
Quant s'espordttite est bien chaufée, Et bien boillant et embrasée. Si porte son fer sor Tendume, Qui tout estincele et escume.
Et cil sache à soi son visage ; Si demeure la dent en gage, Et cil porte toz jors son fer.
« Toz les vis déables d'enfer Vous apristrent or denz à trère », Fet celui, qui ne set que fère, Ainz est esbahis de peur, Qu'il n'est mie bien aséur, Quant il méismes si briefment Esrache maugré sien sa dent.
Autressi maugré lor donoient Cil aver, quant il esgardoient Que Malet toute jor donoit, Que le fer el feu si tenoit Chaut de valor et alumez, Que tuit fussent ars et brûliez Cels qui près de li se tenissent, S'a son chaut fer ne guenchéissent ; Quar preudom ne puet miex uUer A mauves les grenons nuUer Ne plus cointement les denz trère.
Que par bonté entor lui fère.
Preudom tient toz jors l'espreduite Et si chaufée et si conduite, Que Honte art et Honor alume
DE LA DENT l5l
Toz cels qui sont près de s'enclume.
Covient lors querre si se traient Ou qu'il devisent ou qu'il traient, Et s'aucuns le preudomme esloingne Por la paor que il ne doingne, Sachiez bien que trop li meschiet, Puis qu'il gandist c'onor li chiet ; Mes l'onor au preudom demeure Comme la dent en icele eure Fist au fèvre com je vous di, Quant cil por son chaut fer gandi, Por qoi il a sa dent perdue, Qui demora au laz pendue.
Savez-vous qui j'apel le laz?
Sens et cortoisie et solaz ; Quar sens lace et lie la gent, Sens est le laz et bel et gent Qui prent honor et lie et lace, Et les mauyès les denz arrache.
ÂRCHEVESQUES si mande et prie Âus Escuiers de Normandie Et aus plus riches damoisiaus, Quels qu'il soient, viex ou noviaus, Por Tamor Dieu, que s'entremetent Que le fer tantost el feu metent, Et que le laz n'oublient mie De sens qui la gent lace et lie ; Ne le martel de la proesce, Ne Tespreduite de larguece.
Mes il ont molt poi d'examplëre
l52 FABLIAU XII 140
Por bien aprendre denz à trère, Certes je ne sai en quel lieu.
Mes or lor soviengne por Dieu Du bon aprentis du Nuef-borc; Bien lor en membre je sitor, Et du jemblè au fer de molin, Dont le vimon est au déclin, Et je lo bien que lor soviengne, Et que chascuns si se contiegne Que valor soit avant boutée, Qui, vaine et quasse, est reculée Comme en sa chasse limeçon, Et que il metent contençon Qu'il s'atornent en tel manière Qu'il retornent trestuit arrière Cest siècle, qui est bestomez, Qu'arrière soit desbestornez.
Si qu'autressi atornez soie Comme atornez estre soloie.
ExpUcit le dit de la Dent.
