I7Q LE POVRE CLERC
Fait li sires, « por la peor, Car je sai bien que fableor N'estes vos mie par nature; Mais or nos dites l'avanture, »
Fait li, « par amors, » li prodome.
« Sixe, » fait li clers, « c'est la some Que hui par un bois trespassai; Quant je l'oi passé, si trovai Après un moût grant flou de pors, Granz et petis, et noirs et sors, Mais li pastor pas n'i estoit Et de moût gras pors i avoit.
Si con je ses pors esgardoie, Et .1. granz lous aquialt sa voie, Si en porte tôt de randon.
Assez estoit gras par raison, Bien en fu la char ausi grasse Conme celé que Ja béasse Trait or n'a gaires de son pot. »
Tantost conme la dame l'ot , Si esperdi tôt son espoir :
<t Q^est ce, dame, dit li clers voir, »
Fait li sires, « de ce qu'il dit ? »
Celé set bien que escondit Ne li vàusit une maaille :
« Oïl, sire, d fait il, ce sanz faille Je. en avoie porchacié.
— Dame, » fait il, « de ce sui lié Qu'or a viande convenant.
Ore, dan clers, del dire avant
Que enuit non n'avon pas garde ! »
l^i clers del dire ne fee tarde :
« Sire, » fait il, « si con je vi * Que li lous ot lo porc saisi.
Certes si m'an pesa formant.
Li lous del mangier n'est pas lant, Ançois lo deront et depieœ; Je l'esgarde une grant pièce Conme li sans en degoutoit ; Bien autresi vermaus estoit Conme li vins que li garçon Aporta en ceste maison Anuit, quant ostel demandoie. »
La dame ne set qu'ele doie .
Dire, tant par est coreciée ; Lors l'a li sires araisniée :
«Que est ce, dame? avon qos vin ?
— Oïl, Sire, par saint Martin, Nos en avbn à grant planté :
J'avoie bien de vos pansé Assez mialz que je ne disoie.
— Dame, » fait il, « se Deus me voie , Saviez mon ! j'en sui moût lies;;
Por cest clerc qui est herbergiez, Certes en sui je plus joiant.
Danz clers, dites encor avant.
— Certes, » fait li clers, « volantiers, Sire : li lous estoit moût fiers ;
Si ne soi que faire deûsse.
Mais esgardé se je pousse
a3o LE PQVRE CLERC 199
Trover chose don lo ferisse.
Ne sai que plus vos en deïsse :
Une pierre lée trbvai , . •
Si cuit que pas -n'en mentirai
Que li gastiaus qui est ceianz
Que la béasse fist orainz
Est moût plus lez qu'ele n'estoit. »
La dam€ set, et ot, et voit
Que il n'i a mestier celée.
Lors l'a li sires regardée :
« Qu'est ce, dame? avon nos gastel?
— Oïl certes, ^t boen et bel, »
. Fait la dame, « tôt à eus fait.
Don amande moût nostre plait.
— La Deu merci, » fait lo seignor; .
« Par foi, dan clers, céste peor
A esté de boene manière.
Or poez faire bêle chiere, Car pain , et vin et char avon ; Si n'en. sai gré se à vos non.
Or est vostre pèor faillie.
— Non est, se Deus me beneïe, Ne faudra pas en itel guise ; Car qant je vi la pierre prise, Je la cuidai au lou giter,
Et il m'aquialt à esgarder * Tôt autresin conme li prestres .
Qui m'esgarde dès les fenestres De celé crèche qui est là.
— Prestes 1 » li sires s'escria ;
a A il donques preste ceianz? »
Lors sailli en piez ne pot ainz; Tantost corut lo preste prandre.
Li- provoire se volt desfandre ; De môut grant nbiant s'antremist^ Et li prodom tantost lo prist. Si li avoit la robe ostée :
. La cote et la chape a donée Au clerc qui la peor ot dite ; Bien li a randu sa mérite, Et li preste ot assez de honte.
Cest fablians nos dit et raconte Q[an son respit, dit li vilains.
Que à celui doit Van del pain Q\>n ne cuide jamais veoir; Car l'an ne cujde pas savoir Tel chose qui vient moût sovant.
C'est domage al plus de la jent Et à la dame tôt première Qui au clerc fist si laide chiere Quant il oustel li demanda ; De quanque il la nuit conta N'aûst il ja un mot soné, S'el li aûst l'ostel preste.
