LOGEMENT DE TROUPES
Voici, à cette date, une délibération de TEchevinage :
« Sur ce que nous avons esté mandé ce jourd'huy sur les trois heures d'après midy par monsieur de Constant lieutenant pour le Roy au gouver* nement de ccste ville, chasteau et paîs de BouUenois, en son Hostel, où il nous auroit faict entendre avoir receu présentement lettres de monseigneur de Villequier, gouverneur desdites villes, chasteau et paîs de BouUenois et de Monstreul, avecq une coppie de Tordre de Sa Majesté pour faire loger en la Basse ville cincq compaignies tant de chevaulx légers que de carabins, et y vivre par estapes et contributions, ce quy causeroit la totalle ruyne tant des habitans de laditte ville que du paîs, et feroit ung grand préjudice aux previléges et franchises d'icelle ; à raison de quoy aurions supplié messieurs les gens du Roy et mandez plusieurs antiens maîeurs, eschevins et notables bourgeois, les advocat et procureur fiscaulx et esleuz de la communaulté, de se trouver en FHostel Commung de ladicte ville, où estans tous assemblez, avons esté d^avis d'envoier le plustost que faire se pourroit quelqu'un de nostre corps, vers ledict seigneur de Villequier, en la ville d'Abbeville où il est à présent, pour luy dellivrer nos lettres et
luy faii'e noz très humbles remonstrances et supplications pour estre exemptez desdits logementz, estapes et contributions ; il a esté délibéré et arresté en ladicte assemblée tenue à ce subject que maitre Anthoine de Loziere, l'un des eschevins de ceste ville, se transportera à Abbeville où sera ledict seigneur de Villequier, pour luy dellivrer nosdites lettres et luy faire les remonstrances particulièrement declairées par les mémoires qui luy ont esté baillez^ afiin qu'il luy plaise nous assister de son credict et faveur vers Sadicte Majesté et nosseigneurs de son Conseil, d'exempter ladite ville et pais desdites estappes et contributions, pour les raisons desduites ausdits mémoires, et qu a cest effect ledict de Loziere partira demain de grand matin et en poste ; pourquoi sera emprunté argent pour subvenir aux fraiz dudict voiage. »
Est signé : Lardé, Ricouart, N. Lhoste et de Campmajour,
(Impartial, 2 novembre 1870).
3 novembre 1682.
