REGISTRES TITRE X

Del tonlieu, del halage, del minage 1 de blé et de tout autre grain.

Charetée de blé à marchans ou à bourgois forains ou à paisanz doit chascune charretée qui entre en la haie ou el marchié de Paris au samedi ou aus autres jours pour vendre, doit j den. de halage; et se èle est vendue, èle doit ij den. de tonliu, et par tant li doit livrer li tonluiers la mine.

Charretée de blé à prestre, à clerc, à chevalier ou à escuier ou à gentilhome , se èle entre es haies de Paris ou en marchié au sémedi ou aus autres jours ou seur semeine, èle doit j den. de halage; et s'il vendent, il sunt quite del tonliu; quar leur franchise les aquite ; et se il mesurent, il doivent j den. de la mine. Li vendères ne li achatères ne sunt pas tenu à paier le den. de la mine, se il ne mesurent; ne il ne mesuront pas, s'il ne leur plaist, se ce ne sont blatiers de Paris.

Blé à marchans ou à bourgois forains ou à païsant mis en grenier à Paris, quant on le vent, cil qui le vent doit de chascun mui ij den. de tonliu, et de demi-mui j den. de tonliu, et de trois setière ob. de tonliu , et de mains ne doit-il riens de tonliu. Autant doit li achetères de tonliu corne li vendères, se li achatères ne l'achata por son mangier; et se il achata por son raengier, il est quite de tonliu; et se il achate por revendre

' Tonlieu {teloneum, et dans la basse latinité tonlegiam) est l'impôt payé par les marchands pour stationner dans les marchés. Cependant on l'applique aussi à d'autres sortes de redevances. Nous nvona vu la signification du mot hallage. Quant à celui de minage , c'est le droit perçu au nom du seigneur qui fournit la mine ou la mesure , et qui paie un mesureur pour faire constater légalement la quantité de grains que vendent les marchands.

DES MÉTIERS ET MARCHANDISES. 3i5 il paiera le tonliu devant dit à l'acheteur, et ensement il paiera au revendre le tonliu devant dit.

Bourgois de Paris qui vent le ble' de sa terre ne doit point de tonliu ne de halage , se il ne feit porter son blé à cheval ou à charrète es haies ou el marchie' de Paris. Et si le fet mener à cheval, il doit ob. de halage; et si le meine en charrète, il doit j den. de halage; et s'il mesure de la mine-le-Roi 4, il doit j den. de la mine.

Hom de dehors qui achate blé à Paris, et l'enporte à charète, il doit de chascune charretée ij den. de tonliu, et s'il l'eninaine à char, il doit de chascun char iiij den. de tonlieu; et s'il l'enmaine à cheval ou à asne, il doit de chascune some ob. de tonliu; à col noiant. Cil qui vent, doit livrer et par tant doit-il paier le minage quant il mesure de la mine-lou-Roy.

Tout fronmant, tout blé*, tout orge, tout saigle, tout pois, totes fèves , tou leun * et toutes manières d'autre grein sunt de la meisme coustume devant dite.

Nus , quel qu'il soit , n'est quite del minage , se il mesure à la mine-le-Roi , se il n'est quite par tonliu qu'il ait paie.

Nus ne puet avoir mine por louer ne pour prester à mesurer pour vendre et pour achater, se èle n'est le Roy.

Bourgois de Paris pueent avoir mines pour mesurer les blez de leur terres, et les en pueent mesurer, quant il veulent, se il plaît à l'achateur.

• S'il fait mesurer son grain par le mesureur institué pour se sertir des mesures légales et royales.

' Blé paroit n'être pas synonyme ici de froment.

3 Légumes.