TITRE XXV

Del Tonlieu et del Halage des Fruiz crus et royame

de Franche.

Tous fruiz qui viènent à Paris, à cheval, au sémedi , ou aus autres jours es haies ou el marchié de Paris , li somiers poitevine de halage , et ij den. de tonlieu , se li marchans en vent ; et s'il n'en vent riens, il ne paiera riens de tonliu devant qu'il vende; et quant il vendra , il paiera j den. de la some por le tonliu.

Se fruis vient à charète el marchié de Paris ou es haies au sémedi, ou aus autres jours, et il soit à un home, il paiera ob. de halage, et ij den. de tonliu, sitost que li marchans vendra tout ou en partie. Se il sont ij conpaignon ou pluseur en une charrète de fruit, et li uns marchande de la voiture pour tous, cil qui en marchande doit ob. de halage et ij den. de tonlieu de son fruit , ja tant ne si poi n'i aura sus la charreite , soit poi , soit auques, et chascun des autres, corne compai gnons , devra ob. de tonlieu de chascune coste qui sera seur la charreite , et de la magne j den. tonlieu, ja tant de sas, de costes et de magne1 ni aura.

Se li uns des conpaignons ne marcheande au charretier pour

• On voit par U suite que vîngt-deux costes fbrmoient un muid. I* magne étoit probablement notre manne; cependant le Ma. D a moque, que L'auteur des notes explique par espèce de bateaux; mais il est évident qu'il s'agit ici d'une mesure de capacité destinée a transporter les fruits an marché. La manne payoit autant de tonlieu que le sac ; la coste n'en payoit que la moitié.

DES MÉTIERS ET MARCHANDISES. 353 touz les conpaignons, cil qui pour li seul marcheande premier de sa voiture au charretier, est quite de son tonlieu pour ij den. , ja tant de sas , ne de costes , ne de magne , n'i ara seur la charrète, et si doit ob. de halage, et nus des autres conpaignons de cèle charetee ne doit point de halage ; quar cil qui premier marcheande de la voiture au charetier, pour lui ou pour ses conpaignons, doit paier le halage.

Fruiz qui vient par iaue en grenier, contremont ou contreval l'iaue, qui est à home de dehors, li muiz; c'est à savoir, xxij costes, ou iij tonnel por le mui, doivent viij den. de tonliu, et cel tonliu doit cil qui vent, et cil qui l'achate ne doit point de tonlieu se il est demorans à Paris ; et se il est demorans hors Paris , et il achate, il doit paier de chascun sac j den. de tonlieu, de chascuiie magne j den., de chascune coste ob. de tonlieu. Se il le maine par iaue ou à charrète , la some au cheval doit j den. de tonlieu , et seur asne ob. , et à col noiant. Tout cil qui sont estagier à Paris sont quites des coustumes devant dites.

Se hom de dehors Paris amaine fruit à Paris par eaue, en costes , en magnes , en sas ou en corbillons , il doit de chascune magne j den. de tonlieu , de chascune coste ob. de tonlieu , de chascun sac j den. de tonlieu, soit qu'il vende à un home ou pluseurs.

Tuit cil qui sont regratiers à Paris , et marchandent d'aigrun , doivent iiij den. au jour de la Saint-Denis. Tout li regratier de Paris qui vendent aigrun , et demeurent dedenz les bonnes de la Saint-Ladre, doivent chascun ij de coustume à la foire Saint-Ladre, avec les iiij den. devant diz. Poulaillier sont tenu por regratier, et doivent la droiture devant dite.

Tout cil qui achatent le mestier de regratiers et poulailliers doivent chascun au voiier de Paris iiij den.