TITRE XIX
Des Bottiers, faiseeurs de serreures à boîtes.
Il puet estre serreuriers de laiton 1 à boites , à escrins et à henapiers *, à tables et à cofres qui veut, pour (tant) qu'il sache fêre le mestier, et il ait de coy.
Quiconques est du mestier desus dit, il ne puet tenir ne avoir que j aprcntiz, lequel il ne puent ne ne doivent prendre à mains de vij ans de service et à xx s. d'argent, ou à viij ans de service sanz argent.
Quiconques est du mestier desus dit , il ne puet ne ne doit ouvrer de nuiz , quai' la clarté de la nuit n'est inie souûsant à 1ère le mestier desus dit; et qui en seroit repris, il seroit à v s. de paris, d amende au Roy; li mestres et li valez à ij s., toutes les foi/ qu'il en seroit repris.
Li menesterel du mestier desus dit doivent lesier 3 oevre au samedi au darrenier coup de vespres en la paroise où il demourent; et qui outre l'eure desus dite ouvroit, fust mestres, fust valez, il poieroit l'amende desus dite toutes les foiz qu'il en seroit repris.
Se li aprenti à aucuns des mestres du mestier desus dit s'en fuit par sa joliveté ou va hors du païs , son mestre le doit querre * j journée à ses couz, et le père à l'aprentiz ou si pièges le doivent querre j autre journée à leur couz , et s'il ne le puent trouver , le mestre se doit soufrir de son aprentiz deci à la darrenière année
« Lorsque l'or et l'argent étaient encore très rare», on faisoit un usage fréquent du laiton, composition de cuivre et de calamine.
' Probablement des étuis pour renfermer les vases à boire de quelque prix. i Laisser.
4 Quérir, chercher.
de son service, et se li aprentiz adonc revenoit, son mestre le devroit reprandre, et l'aprentiz li devroit restorer tout le service que il li auroit lesié, de quelque eure qu'il revenist ; et s'il ne plaisoit à l'aprentiz à aler au mestier , il li convendroit forjurer 1 le mestier, et rendre à son mestre toz les couz et touz les doumages qui li auroit fez, avant que il meist sa main à nul autre mestier en la vile de Paris.
, Quiconques fera serreure ou mestier desus dit sans resort, la serreure seroit fause, et devroit estre arse, et l'amenderait cil qui le feroit, de vj s. de paris, d'amende au Roy toutes les foiz qu'il en seroit repris. Quiconques est serreurier u mestier desus dit , il ne puet ne ne doit afaitier serreure viez à gainnier ne à mercier ne à coffrier *, se il ne sevent que leuvre soit leur propre, pour leur user; et qui le feroit, il seroit à v s. de paris, d'amende au Roy, toutes les fois qu'il en seroit repris. Et ce ont ordene li preudoume du mestier pour les gainiers , les merciers et les cofriers, qui prenoient les granz salaires de viez serreures afeitier, et s'il n'en savoient riens, et dont les aportoient au preudesoumes du mestier pour afétier pour mains la moitié' que il n'en a voient, si que les menesterieus estoient deceuz de leur salaire.
Se aucuns hons estranges qui sache le mestier desus dit vient à Paris, et vueille ouvrer u mestier, il convient qu'il se face creable par devant les mes très du mestier que il sache fère le mestier, et qu'il i ait ouvré vij anz ou plus, avant qu'il meste la main u mestier dedenz la ville de Paris; et quiconques le mestroit en euvre devant ce qu'il se fust fet creable en la menière desus dite, il seroit à v sols de paris, d'amende, toutes les foiz qu'il en seroit repris.
1 Abandonner.
* Faiieurs de gaines, bottes ou étui» à mercerie , et coffre*.
Lî preudoume du mestier desus dit se sont asenti que Ii prevost de Paris meste et oste en leur mestier j preudoume qui le mestier gardera de par le Roy, liquel jurera sur sains que il le mestier gardera bien et loiaument, et que il toutes les mesprantures que fêtes i seront, fera à savoir au prevost de Paris ou à son conmandement au plus tost que il pourra par reson.
Li preudoume qui le mestier garde doit estre quite du guiet, si plest au Roy, pour la poine et pour le travail que il a du mestier garder.
Li home du mestier desus dit qui ont pasé lx anz d'aage sont quite du guiet.
Li houme du mestier desus dit doivent au Roy les redevances que li autre bourgois de Paris li doivent.
