TITRE XXI
Des Boucliers de fier de Paris.
Quiconques veut estre boucliers de lier 1 à Paris , estre le puet franchement, por tant que il ouevre aus us et aus coustumes del mestier, qui tel sunt :
Nus boucliers de fier ne doit ne ne puet ouvrer de nuiz ne au jour de feste que li quemun de la vile foire; et se il le fet, il est à x s. de paris, à paier au Roy.
Nus boucliers ne puet ne ne doit avoir que un aprentiz, se ce ne sont si enfant; et se il le fet, il est à x s. à paier au Roy.
Nus bouclier ne puet ne ne doit prendre aprentiz à mains de viij ans de service et xl s. , ou à x ans de service sans argent ; mes plus argent et plus service puet-il bien prendre , et se il le prend autrement, il le doit amender au Roy à x s. de paris.
Li aprentiz qui aprent au mestier de bouderie de fer, soit quel que il soit pris à argent ou sanz argent, il doit v s. à paier au preudeshomes qui gardent le mestier de par lou Roy ; lesquex v s. sont converti au pouvres enfans du mestier, et à guarder les droitures des aprentis enver leurs mestres.
Se filz de mestre eschié poures, et veut aprendre, li preudome li doivent faire aprendre des v s. devant diz et de leur asmosnes V
Nus ne doit prendre aprentis se il n'est si saiges et si riches que il le puist aprendre et gouverner et maintenir son terme par quoi li enfês perde son tens, ne li preudome qui li meit son
' Fabricant de boucle* de fer.
' On voit ici des dispositions bienveillantes envers les enfans du métier; disposition* qui manquent dans beaucoup d'autres statuts , mais qui faisoient peut-être partie des coutumes non écrites.
argent; et se doit estre seu et fet pour les ij preudomes qui gardent le mestier devant dit de par lou Roy ; et qui autrement le fet, il doit x sols d'amende à poier au Roy.
Nus ne doit ne ne puet vendre son aprentiz, se ne il vait outremer, ou se il ne gist en lenguer, ou se il ne lesse son mestier del tout ; et ce ont establi li preudome du mestier por la reson de ce que li aprentiz ne feussent fe'lon et orgueilleus contre leu mestres, ou que leur voisin ne les vausissent fortraire , par quoi li garçon devenissent félon contre leur mestres , et donassent matière de eus vendre *.
Se aucun bouclier de fer vent «on aprentit pour les causes devant dites , il ne puet avoir aprentiz devant ce qu'il ait servi jusques au chief de la derenière année que il avoit pris son aprentiz ; ne cil qui l'achatera ne le puet acheter se il n'a autre aprentis jusques à tant que son aprentis ait fait son service, et se il n'a point d'aprentis , ne puet-il avoir autre que celui qu'il a achaté, jusqu'au terme devant dit.
Nus bouclier de fer ne puet fe'rir boucles en tas *, quar elles ne sont ne bones ne loiaus; et si les fet, il le doit amender de x s. au Roy, et doit estre l'œvre quassée.
El mestier des boucliers de fer a ij preudeshommes jurez et sermcntez de par le Roi et de par leprevost de Paris, lesquex li prevoz de Paris met et oste à sa volenté; liquel doivent jurer que il le mestier devant dit garderont bien et loiaument, et que il au prevost de Paris ou à son conmendement feront savoir touz ceus qui contre l'establisement devant dit feront.
■ On vtndoit son apprenti quand on le cédoit à un antre Battre pour le temps que l'apprenti avoit encore a apprendre.
1 On présume qu'il s'agît ici du procédé expcditif par lequel on force le métal à prendre la forme gravée dans le creux d'un Uu ou petit enclume d'acier.
Li ij preudome qui gardent le mestier devant dit sont quite du gueit par la reson du service que il font au Roy du mestier guarder .
Nus boucliers de fer qui ait passe Ix ans ne doit point de gueit, ne cil à qui sa famé gist d'enfant, tant que èle gise; mes il le doivent faire savoir à celui qui le gueit garde dç par lou Roy.
Nus bouclier de fer ne puet alouer vallet que autres de son mestier ait loué, devant que li terme sera passés et acompliz ; et se cil le fet, il est à x s. d'amende à poier au prevost de Paris; mès il pueent avoir en leur service tant de vallès corne il leur plaira.
