TITRE LXI

Des Ymagiers- Tailleurs de Paris, et de ceus qui taillent

cruchefis h Paris.

Qui conques veut estre ymagiers à Paris, ce est à savoir taillierres de crucefiz, de manches à coutiaus, et de toute autre manière de taille, quèle que èle soit, que on face d'os, d'yvoire , de fust et de toute autre manière d'estoffe, quèle que èle soit, estre le puet franchement, pour tant que il sache le mestier, et que il euvre aus us et aus coustumes du mestier devant dit, qui tel sont 1 :

Nus ne puet ne ne doit el mestier devant dit prendre ne avoir que un aprentiz , ne ne le puet prendre à mains de viij anz de service, et à iiij livr. de paris, que li mestres doit avoir, ou à x anz de service sanz argent ; mès plus argent et plus service puet-il bien prendre, se avoir le puet.

Li mestre qui a pris son aprentiz , sitost corne li aprentiz a acompliz ses vij anz *, il puet prendre j autre aprentiz à quel terme que il ait prins le premier.

' Il y avoit deux corporations de faiseurs d'images de saints : la première, qui apparemment étoit la plus distinguée , puisqu'elle déclare dans son statut qu'elle ne travaille que pour l'église , les princes , les chevaliers et les hommes riches , sculptait «n os , en ivoire et en bois. Outre les figures de sainte , elle s'occupoit aussi à tailler des manches de couteaux , et sans doute à les orner de figures. Dans la suite pourtant , on leur enleva cette occupation mondaine , pour qu'ils ne fissent que des ouvrages sacrés , comme on voit par une note marginale du Ms. B, ainsi conçue : » Merkedi après les

• Brandons, l'an itccc et trois , fut establi de par les seigneurs de la court et de par

• s' J. de Montingny, que nus ymagiers, fors ceus qui taillent ymages de sains, ne « seront tenus pour ymagiers.... »

La seconde corporation de faiseurs d'images est l'objet du titre suivant.

* Plus haut , le temps de service est porté a huit ans ; il semble que sept ans étoit le

i56 REGISTRES

Chascun mestre du mestier devant dit puet avec l'aprentiz pris, prendre, en la manère desus devisée, ses enfanz et les enfanz sa feme nez de loiau mariage, tant seulement.

Nus ne doit ne ne puet prendre aprentiz , se il n'a ouvré et apris de mestre vij anz entiers, et de ce convient-il que il face creable par son serement par devant les preudeshomes du mestier ains que il preigne son aprentiz. Et ce ont ordoné et establi les preudeshomes du mestier, pour la reson de ce que il ne leur semble pas que home fust souffisant aprendre autre el mestier desus dit se il ne l'eust apris de mestre au mains le terme devant dit.

Li mestre del mestier devant dit pueent avoir tant de valiez et ouvriers coume il leur plaist; mès il n'en pueent ne ne doivent nus mètre en euvre coume ouvrier ou coume vallet que icil n'ait juré seur seinz que il ait apris de mestre, et que il ait (fait) son service bien et loiaument tant que ses mestres l'ait quité.

Nus ne puet ne ne doit ouvrer à jour de feste que li quemuu de la vile foire, ne de nuiz; car la clartez de la nuit ne souffist pas à ouvrer de leur mestier, car leur mestier est de taille.

Nus du mestier devant dit ne puet ne ne doit ouvrer ymage ne crucefilz, ne nule autre chose apartenant à sainte Yglise, se il ne le fait de sa propre estoffe, ou il ne le font li un ouvrier à l'autre, ou il ne le fet à aucun clerc ou aucun home de religion, ou aucun chevalier, ou aucun gentishome, qui fère le facent pour leur user. Et ce ont establi li preudome del mestier, par la reson de ce que on soloit ouvrer de tex ouvreignes qui estoient blasmez , et li preudome del mestier en estoient repris.

Nus ouvriers du mestier devant dit ne puet ne ne doit ouvrer crucifiz ne ymage de quoi li cors ne soit tout d'une pièce. Et ce

vrai terme , puisque dans l'article qui suit , on exige du maître qu'il ait appro son état pendant autant d'années.

DES MÉTIERS ET MARCHANDISES. 157 ont ordené li preudome de! mestier, por la reson de ce que on soloit fère ymages et crncefBz de quoi li cors n'estoient ni bons ne loiaus, car il estoient de pluseurs pièces *.

El mestier devant dit a ij preudeshomes jurés et se rementez de par lou Roy, liquex li prevos de Paris met et oste à sa volenté; liquel preudome jurent seur seinz que il le mestier devant dit garderont bien et loiaument, en la manère desus devisëe, et que toutes les entrepresures qu'il sauront qui i seront fêtes au prevost de Paris ou à son conmandement, au plus tost qu'il porra par reson , le fera savoir.

Quiconques mesprendra en aucun des articles desus dis, il l'amendera toutes les fois qu'il en serra repris, en x s. de Paris à poiier v s. au Roy, et v. s. à la confraerie du mestier devant dit.

Li preudome del mestier devant dit sont quite du guet, ne ne doivent rien de costume de chose qu'il vendent ne achatent apar tenant à leur mestier ; quar leurs mestiers n'apartient à nule ame, fors que à sainte Yglise, et aus princes et aus barons, et aus autres riches homes et nobles.

Li preudome del mestier devant dit doivent la taille et les autres redevances que li autre borgois de Paris doivent au Roy.