MONSIEVR

le ne me Irouue pas en la mesme peine où ie vois la pluspart des Escriuains de ce temps, à faire le choix d vn grand homme à qui ie dédie mon Ouurage, et qui luy donne Fauthorité dont il a

besoin , pour passer auec créance sur le théâtre de la France. Vous vous estes acquis vne si grande estime parmy ceux qui se meslent de ce que i'y traite , que vostre seul adueu suflSroit pour toutes les raisons qu'il m'y faudroit employer; mesme quand on sçaura que ie n'y ay rien mis que ce que i'en ay appris dans l'honneur de vostre conuersation. le suis asseuré que les plus versez aux Blazons des Armoiries donneront de bon cœur les mains à ce petit recueil que i'expose au public. Et à dire le vray ie n'eusse iamais eu cette hardiesse , si ie n'eusse veu comme tous les Maistres de ceste science vous défèrent et confessent auec moy que vous n'estes pas moins grand par l'ignorance de la pluspart de ceux qui s'en meslent que par vostre propre intelligence. Vostre grand génie, vostre illustre sçauoir et vostre glorieuse naissance vous ont porté dans cette estude auec de si grands succès que vous auez esté iugé capable de décider les plus difficiles questions qui se proposoient tous les iours sur cette science. Comme il est des esprits qui ne naissent que pour la mechanique y il en est aussi qui ne sont produits que pour les hautes sciences. Vous auez donné de si grandes prennes de la bonté de vostre esprit dés qu'on vous a fait voir le tableau vniuersel des sciences , que vous auez rauy en admiration ceux qui en auoient esté vos Maistres : mais vous vous estes

attaché auec yne si particulière inclination à ces belles recherches, qui sont les vrays objets des grands hommes , que vous auez bien tesmoigné (jue vous estiez sorty d'vne semence illustre. Aussi estes-yous issu d'yne maison laquelle a tousiours esté considérable par son extraction^ par ses al- Uances et par ses faits. Quant à l'extraction, s'il en est de mesme de l'origine de la Noblesse que de la source du Nil, qui est d'autant plus estimée qu'elle est inconnue : il y a peu de familles dans le Royaume, de celles dont la fortune a esté priuée, qui doiue prétendre sur la vostre l'auaïitage de l'ancienneté; puis que les anciens tiltres nous enseignent que dés l'année xnille douze Messire Aymon qualifié Cheualîer, duquel vous prenez vostre descendance positiuement de père en fils par dix-sept générations, estoit seigneur de quatre terres, dont il y en a deux qui sont encore aujourd'huy possédées par Taisné de la maison, qui est Monsieur le Baron de Coudrée en Sauoye : ce qui seroit capable de conuaincre d'erreur l'vn des beaux esprits du siècle passé, qui a soustenu dans quelqu'vne de ses œuures , que rarement les mesmes biens demeurent dans vne famille durant cinq générations, plus rarement durant sept, et iamais aurdelà de neuf : Estant certain qu'AIinges et Saluaing (qui par corruption s'appelle vulgairement Semant) auprès de Genéue, estoit de l'ancien pa-

trimoine de vostre maison : qui fut diuiséc en deux branches enuiron Tan mil cent, dont Tvne ayant pris le nom du fief de son partage qui fut Alinges, s'est arrestée au lieu de son origine , où elle iouyt encore d'vne partie des mesmes biens qu'elle possedoit alors : et l'autre ayant hérité de Saluaing, dont elle s'appropria le nom , suiuant la coustume du temps , fut attirée par les Dauphins de Viennois dans leurs Estats, où elle a tousiours conserué sa splendeur. Pour ce qui est des alliances, comme les grandes ont tousiours esté les principales marques qui acquierrent aux familles la réputation d'illustres , et qu'au contraire les basses et viles en flaitrissent le lustre et rendent la Noblesse qu'elles infectent aucunement imparfaite. D'où vient qu'en tous les ordres de Cheualerie et en beaucoup d'Eglises Collégiales, non seulement la prenne de la Noblesse Paternelle est requise, mais encore des Mères, des Ayeules et des Bisayeules : Vous pouvez dire sans vanité , que vostre Maison est delà nature de ces Riuieres qui nepeuuent souffirir le meslange d'aucunes eaux impures. Car, sans parcourir toutes vos Ayeules l'vne après l'autre, ie me contenteray d'en remarquer quelques-vnes dont le nom est connu à toute l'Europe. Guifirey de Saluaing , vostre neufiesme ayeul , s'allia de la Maison illustre de Saluées, par le moyen de Marguerite fille de Henry de Saluées,

Marquis de Sagone , qu'il espousa enuiron Taiinée mil deux cens : Hugues son fils prit Odette sa femme dans la maison des Contes de la Chambre en Sauoye, qui a tousiours esté si considérable, que les Souuerains ne Font pas iugée indigne de leur alliance. Aymon, fils d'Hugues, espousa Beatrix de Clermont, fille de Geoffiroy de Qermont , premier Baron de Dauphiné , et de Beatrix de Sauoye, fille de Louys de Sauoye Baron de Vaux, fi*ere d'Ame, quatriesme Conte de Sauoye : Pierre fils de celuy-là mérita l'alliance de la maison de Poitiers, par le moyen de Sibylle de Poitiers sa fenune, fille d'Amedée de Poitiers, Conte de Sainct-Vallier , et de Jeanne de Sauoye, fille de Thomas de Sauoye Prince d'Achaïe. Et sans remonter si haut. Madame vostre Mère Charlotte d'Arces est fille de Messire Jean seigneur d'Arces, chef de cette ancienne maison en Dauphiné , qui a donné des Cardinaux au Sainct-Siege, des Lieutenans généraux aux Armées et aux Prouinces, et des alliances aux principales maisons de France : et de Marguerite de Comboursier, sœur de Messire Balthazar de Comboursier seigneur du Monestier, Lieutenant gênerai de l'armée commandée par Monsieur de Nemours, et tante de Messire Louys de Comboursier seigneur du Terrail, dont les entreprises hardies sur les villes de Bergopzoon et de l'Esduse en Hollande, et sur Genéue, tes-

moignent la graadeur de son courage. Et tous, Monsieur I auez suiuy les traces de tos Ancestres, quand vous auez pris l'alliance de Messire Guichard Deagent, Cheualier, sire de Bruslon, Baron de Viré, Conseiller du Roy en ses Conseils, et premier Président en sa Chambre des Comptes de Dauphiné; lequel ayant esté employé par sa Majesté aux plus iiïiportantes affaires de cet Estât , a mérité cette concession dont elle Fa honoré par Lettres enregistrées au Parlement, de charger l'Aigle ancienne de ses Armoiries d'yn Escusson d*azur à la fleur de lys d'or : En quoy ie ne puis assez admirer la conioncture de cette alliance, puis que vous et Madame yostre femme Elizabeth Deagent portez l'vn ' et l'autre , non seulement yne Aigle de sable esployée, mais encore des fleurs de lys données par nos Roys à vos deux maisons pour recompense des seruices qu'elles ont rendus à la Couronne. Quant aux faits et exploits généreux de vos Ancestres , il me suffîroit .de dire que la pluspart d'eux estans qualifiez Cheualiers , c'est vne marque qu'ils se sont signalez par quelques belles actions , puis que c'est yne qualité qui n*est pas naturelle , mais acquise , et qui ne se donnoit autresfois qu'à ceux qui auoient rendu des prennes de leur valeur en quelque bataille, comme sçauent ceux qui sont versez en l'Histoire. Il me suflSroit d'alléguer cet ancien cry de vostre maison , A Sal^

uaing h plus Gorgias , qui marque le courage et la prouesse de vos Ancestres : ou bien de rapporter la disposition testamentaire de Messire Aymon de Saluaing vostre cinquiesme ayeul qui a chargé expressément tous ses descendans en ligne masculine , de porter en Bannière du noir et du bleu , ce qui monstre que non seulement la guerre estoit leur principal exercice, mais encore qu'ils auoient droit de leuer Bannière. Mais ie ne sçaurois taire sans trahir leur gloire , que dés Fan mil deux cens quatre-vingts cinq, Guifirey de Saluaing, Cheualier de l'Ordre des Templiers, frère d'Hugues vostre troisiesme ayeul, fut iugé digne de la charge de grand Maistre de son Ordre, à laquelle il ftit esleué pour le zèle qu'il auoit au bien de la Chrestienté, pour sa longue expérience au fait des armes , et pour la grande sagesse et admirable conduite qu'il auoit fait paroistre en toutes ses actions et en tous ses exploits. le ne sçaurois taire que Pierre vostre sixiesme ayeul, homme de grand crédit dans le conseil de Humbert Dauphin , le dernier de nos Princes , fut l'vn des principaux autheurs du transport du Dauphiné fait en faueur des fils aisnez de France, pour recompense de quoy le Roy Philippes de Valois, par concession expresse, luy permit d'adjouster à ses Armes vue bordure de France, le ne sçaurois non plus passer sous silence qu' Aymon vostre bis-ayeul, surnommé le Hardy, de ses

compagnons, pour le grand courage qu'il auoit tesmoigné dés son ieune âge aux joustes, tant à fer esmoulu qu'à lance momée , signala sa valeur au combat des ynze François contre autant d'Espagnols, qui furent vaincus deuant la ville de Trane au Royaume de Naples Tan mil cinq cens deux, du nombre desquels fut ce fameux Cheualier Bayard, sans peur et sans reproche, dont cet Aymon estoit proche parent, par le moyen de Catherine Terrail de Bayard son ayeule. le ne sçaurois dissimuler que Guillaume vostre ayeul eust tant d'expérience à la guerre , qu'à l'âge de vingtsix ans il estoit Lieutenant de la Compagnie d'Ordonnance de Monsieur de Boutieres, laquelle n'estoit composée que de Gentils-hommes , et fit de si grands faits d'armes en la bataille de Cerisoles, qu'en ayant rapporté quatre blessures, il mérita d'estre fait Cheualier de l'Ordre par François premier. le ne sçaurois obmettre que Pierre de Saluaing, cousin germain de Monsieur vostre Père , n'excellant pas moins aux vertus politiques qu'aux militaires , après auoir eu des charges considérables dans la guerre, fut employé en diuerses Ambassades par Philbert Emanuel et Charles son fils, Ducs de Sauoye, au seruice desquels il fiit inuité par de grands appointemens. Enfin Charles de Saluaing vostre père se présente à moy, qui ayant marié la connoissance exacte de l'art mili-

taire à celle des langues et des belles lettres (après auoir donné à chacun de Messieurs vos frères Temploy dans l'Eglise ou dans les armes, tel qu'il a creu estre de leur génie , ) et vous ayant entièrement destiné à celle-cy , a tellement obligé la France qu'elle en conseruera à iamais la mémoire, et nous aurons occasion de louer son choix et admirer les productions de yostre esprit : Car y a-t-il rien de plus nouueau que de voir un Gentilhomme à l'âge de vingt-yn ans expliquer si clairement ce difficile poëme d'Ouide , qui a conuaincu d'ignorance la pluspart de ceux qui s'y sont trauaillez ? Et vous l'auez fait ; assigner yne origine à toutes les merveilles du Dauphiné qui esbloiiissoient les esprits des hommes et ne leur permettoient point d'en descouvrir les causes, et vous l'auez fait; ne laisser passer aucune action illustre de ceux de yostre connoissance sans éloge , et vous l'auez fait. Et enfin comme vous estes vous porté dans la charge de Lieutenant gênerai de Graisiuaudan ? n faut aduoiier que vous l'auez exercée durant quatre années, auec tant d'assiduité, tant d'intégrité, de générosité et d'estime , que la Prouince souspire encore de ce que vous l'auez si-tost quittée : Mais comme yostre destinée ne vous y pouuoit laisser plus long-temps , il vous falloit vn employ plus esclatant , et que yostre éloquence allast paroistre de la part du plus grand Roy de la terre,

en la présence du Pape , dans la ville capitale du inonde. Toute la France a veu que Louys le luste vous est allé choisir dans les extremitez de son Royaume , en vn temps où Telocpience règne auee tant de pureté dans sa Cour, pour aller porter la parole de son obédience à sa Saincteté, dans cette Ambassade extraordinaire où Monsieur le Duc de Crecpiy parut auec tant de magnificence. Il sçauoit bien qu'en ces occasions on ne recherche pas seulement un Orateur, mais qu'on demande que cet Orateur ait encore de grandes vertus. Il sçauoit bien que ses prédécesseurs y auoient employé les sieurs de Pins, Conseiller au Parlement de Tholose, et depuis Euesque de Rieux : de l'Hospital , depuis Chancelier de France, de Pybrac, de Muret, et de Bressieux, tous personnages de grand sçauoir et de haute réputation. Que si par cet illustre choix vous auez donné des prennes de vostre éloquence, vous en auez bien donné autant de vostre prudence, ayant soustenu auec fermeté les termes auantageux, et neantmoins très- véritables , dont vous vsastes en l'action de l'obédience touchant la gloire du Roy, lesquels on vous voulut contester; et ayant éuité les paroles qui pouuoient induire le moins du monde aucune dépendance de cette Couronne : Chacun sçait les obstacles qu'on vous y apporta, et qui furent tels qu'ils retardèrent pour quinze iours cette célèbre cérémonie, mais qui ne

r'allentirent point vostre vigueur au récit de vostre Harangue que vous prononçastes auec tant de hardiesse, que le Pape en ayant tesnioigné quelque estonnement à Monsieur le Duc de Crequy, il luy repartit, que sans doute elle prouenoit de ce que vous ne voyez dans cette grande Assemblée aucun qui fut de meilleure naissance que vous, sa Saincteté seule exceptée, de laquelle vous auez tousiours receu le mesme accueil qu^elle a accoustumé de faire aux Residens des Princes prés de sa personne : Et tout ce que ses prédécesseurs ont fait de grand et d'extraordinaire pour tous les Orateurs qui ont fait de pareilles actions , n'égale point ce qu'il a fait d'extraordinaire pour vous : Aussi nefustes vous pas seulement employé à faire cette Harangue en qualité de simple Orateur, mais vous eustes encore part en beaucoup de négociations qui se deuoient faire par Monsieur le Duc de Crequy. Ce fiit vous de qui sa Saincteté et les Vénitiens conuindrent pour vous porter sur les lieux dont ils sont en contention, touchant les relaissées du Po, entre Loreo et l'Ariane , afin d'en faire le rapport au Roy : ce que vous auez exécuté si iudicieusement que les vns et les autres en sont demeurez entièrement satisfaits. Et à cet effet en partant de Rome vous fustes deftrayé dans tous les Estats du Pape, et régalé dans la pluspart de ceux des Princes par où vous passastes ; ce qui donna vne telle ialousie aux

Espagnols, qu'ils en firent plainte à sa Saincteté par leur Ambassadeur, luy remonstrant que leur Orateur n'auoit pas esté receu ny accueilly de la sorte. En fin vous estes reuenu dans la France, ayant fait voir à tout le monde que vous auez tous les auantages nécessaires pour vous acquiter dignement des grandes affaires, et pour conseruer vostre réputation où beaucoup d'autres l'ont perdue : aussi le Roy pour tesmoigner qu'il estoitbien satisfait de vos services vous honnora, de sa propre bouche ^ de la dignité de son Conseiller d'Estat; et il fiit remarqué que vous estiez le plus ieune de tous ceux qui estoient alors revestus de cette qualité. Foutrepasserois les limites d'vne lettre et blesserois vostre modestie, si i'adjoustois icy tous les sentimens que les bons Esprits ont de vous, et tous les présages qu'ils font de vostre fortune : le me contenteray de vous supplier tres-humblement de me continuer l'honneur de vos bonnes grâces, de protéger cet ouurage, conune produit par les rayons que vous auez inspirés dans mon esprit, et de me croire ,