DU CROC AU ROI

{Bibl. imp. — Fonds de Sl-Germ. HarL, n. 2IS, t. 1, f° oir°. — Cop. du temps.)

Compte-rendu par l'ambassadeur de la dépêche qu'il avait adressée, le 11 juin, à Catherine de Médicis. — Détails qu'il donne sur l'arrivée de Morton, de Hume et de Marr devant Edimbourg, et de leur entrée dans cette ville à la tète des forces réunies des confédérés. — Entrevue de du Croc avec les principaux seigneurs de ce parti. — État de la négociation entamée avec eux. — Nouvelle de l'arrivée de Marie Stuart et de Botbwell à Dunbar, et de la réunion de leurs partisans à Seaton. — Résolution prise par les lords confédérés de marcher à leur rencontre. — Arrivée de l'ambassadeur, qui vient les rejoindre. — Ses efforts pour prévenir une collision. — Offre faite par les chefs des confédérés de vider la querelle au moyen d'un combat singulier entre Botbwell et l'un d'eux. — Démarche de du Croc auprès de la Reine d'Ecosse. — Représentations qu'il lui fait au nom du Roi et de la Reine mère. — Réponse de Marie Stuart. — Entrevue de du Croc avec Bothwell. — Déclaration de Botbwell, qu'il est prêt à vider le différend en combat singulier. — Dispositions faites de part et d'autre, dans les deux armées, pour en venir aux mains. — Force de chacune des armées. — Retour de du Croc au milieu des seigneurs qui se préparaient à l'attaque. —

— Vains efforts de du Croc pour empêcher le combat. — Sa résolution d'abandonner l'un et l'autre parti. — Marche des deux armées l'une contre l'autre. — Nouvelle proposition faite de prévenir la bataille par un combat singulier, ce qui est accepté par Bothwell. — Discussion au sujet du seigneur qui devra le combattre.— Désordre qui se met dans l'armée de la Reine pendant qu'on réglait les conditions du combat. — Fuite de Bothwell vers Dunbar. — Résolution prise par Marie Stuart de se confier à Kirkaidy de Grange, qui la mène vers les seigneurs confédérés. — Réunion des deux armées, qui conduisent la Reine à Edimbourg.

— Indignité avec laquelle elle y fut traitée. — Relations que du Croc eut de nouveau avec les seigneurs confédérés. — Enlèvement de Marie Stuart, qui est emmenée prisonnière. — Exposé de la situation difficile dans laquelle se trouvait l'ambassadeur. — État misérable auquel sont réduits les officiers français restés en Ecosse. — Acte relatif à la négociation entreprise par du Croc avec les seigneurs écossais confédérés, après qu'ils furent entrés la première fois à Edimbourg.

Sire, j'escripvis une lettre à la Royne (^), le mercredi xi^ de ce moys, et luy manday que, la nuict auparavant, la Royne, votre

(') Catherine de Médicis, Cette dépèche du 11 ne s'est point retrouvée.

belle-sœur, estant au chasteau de Bourtiq (^), à quatre lieues de ceste ville, estoyt assiégée de mil à douze cens chevaux conduicts par le comte de Morton et M. de Humes; lesquels, ayant sceu que le Duc son mary s'esloit sauvé, voullurent bien monstrer qu'ils n'estoient point là pour faire desplaisir à leur souveraine, et se retirèrent, se présentant devant ceste ville, et trouvèrent en chemin le comte de Marr qui venoit audevant d'eux avec sept ou huit cens chevaux. Geulx de la ville estant en armes ne feirent aulcune résistance; ni le château, que la Royne et le Duc pensoient entièrement à leur dévotion, ne tira jamais; [ce] qui nous donna bien à penser que la menée estoyt grande et bien entendue par ceux qui la faisoient.

Le lendemain, je me présentai à parler aux seigneurs de rassemblée, qui aussitost me vindrent trouver en mon logis, et leur dit ce que je vous envoie par escrit (^), parce que aussi nous accordasmes de traiter. Et leur ayant envoyé ledit escrit de ma main, ils me demandèrent trois jours pour me respondre, attendant le comte d'Attol, le comte de Glinquernes et autres seigneurs qui debvoient arriver. Ils fondoient l'occasion de leur assemblée sur trois points : le premier sur la liberté de la Royne, disant que, tant qu'elle seroyt entre les mains de celluy qui la tenoit, qu'elle ne seroit jamais à son aise; le second, la considération du prince (^); le troisième venir à la mort du Roy : qu'ils penseroient estre la plus déshoneste nation qui soyt au monde si la vérité ne s'en savoyt, et faire la justice telle que tous les princes et princesses eussent occasion de s'en contenter.

La Royne, voyant qu'ils s'estoient retirés de devant Bourtiq, se sauva, entre jour et nuyct, de façon que ce porteur vous contera, et se retira au château de Donbarre, ayant retrouvé le Duc à demye-lieu de Bourtiq qui l'attandoyt. Et, tout le jeudi et vendredi (^), ils feirent gens tant qu'ils peurent, et le samedi ils vin-

(') Le cli;Uoau ilc Corlhwick.

{*) Voir ci-après, p. 321, l'annexe à la dépêche. (•) Du jeune prince d'Ecosse, lils de Marie Stuart. (') Les 12eH3juin.

drent à Edington, à quatre lieues dudit Dombarre, où Tong pensoit qu'ils deussent loger; toutefois, pour ne perdre temps, ils feirent deux lieues davantage et se logèrent à Seiton. Les seigneurs estant advertis, et craignant que la Royne ou le Duc se présentassent devant le château de cette ville (^), qui promettoit toujours de tenir bon si elle faisoyt gens, commencèrent à desloger, dimanche à deux lieures après minuit, pour aller combattre près de Seiton. La Royne et le Duc, estant advertis, deslogèrent à mesme heure pour venir au-devant d'eux, et, trouvant une place à propos, ils s'arrestèrent. Les seigneurs les ayant descouvert, estant à demye-lieue près, aussi de leur costé s'arrestèrent, ayant un petit ruisseau à passer.

Je me trouvois en toutes les peines du monde ; si ne voullu-je pas demeurer inutille en ma charge. Je me pensay que de partir avec les seigneurs, ce seroit donner à panser que je me déclarerois de leur costé. Je les laissay aller pour trois heures, et après je les rencontray sur le bord du ruisseau, n'ayant que dix chevaulx avec moy. Ils feirent semblant d'estre fort aise de me veoir. Je leur feis entendre la peine en quoi je pouvois estre pour le desplaisir que Yostre Majesté recevroyt quant elle entendroyt ceste pauvre journée. Je les priois, en l'honneur de Dieu, qu'ils regardassent si, en votre nom, je pourroys faire quelque service à la Royne et à eulx aussi. Je leur remonstray, quant qu'il y eust, ils avoient affaire à leur souveraine, et peult-estre, quant Dieu les auroyt tant favorisé que de gagner la bataille, ils seroient en plus grande peine qu'ils ne sont. Ils me disrent qu'ils ne savoient que deux poincts pour éviter l'effusion du sang : le premier, si la Royne se voulloyt tirer à part de ce malheureux qui la tenoit (2), ils Tiroient recongnoistre, la servir à genoulx et luy demeurroient très humbles et très obéissants subjects et serviteurs; Taultre, si je voullois tant faire pour eulx de luy porter parolle que, si il se voulloit mettre entre les deux armées, il s'en trouveroit ung qui sortiroit de leur costé et luy soubstiendroit

(') Le château d'Edimbourg.

(») Le comle de Bothwell.

qu'il est vray meurtrier du feu Roy ; s'il voulloyt un second, jusques à quatre, dix et douze, il s'en trouveroyt. — Je leur repondis que, de ces deux poincts, je ne parleroys de Tung ni de l'autre, que je penserois faire grant desplaisir à la Royne; les priant me donner quelque autre expédiant. — Ils me dirent qu'ils n'en savoyent point d'autre et qu'ils aymeroyent mieulx s'ensevelir tous vifz que la vérité de la mort du Roy ne feust sceu, estimant que, s'ils n'en faisoient leur debvoir, que Dieu les en punyroit. — Je les priai me permettre que j'allasse trouver la Royne; que je l'avois toujours cognue princesse de si grande bonté que, peult-estre, je trouverois quelque moyen avec elle. Ils feirent semblant de ne le trouver pas bon ; de quoy je me plaignis grandement, et que ce seroit donner à entendre que je me rendrois de leur costé, et protestois, devant Dieu et eulx, que, si je ne faisois rien avec Sa Majesté, je ne me rendrois point partial et me retirerois. — Après avoir parlé ensemble, Monsieur de Ledington porta la parolle et me dit : que, me tenant pour ambasadeur d'ung si grand prince que est Votre Majesté, à laquelle ils veullent demourer très humbles et affectionnés serviteurs, désirant surtout de conserver l'alliance de ce royaume avec le vostre, que j'avois toute puissance de sortir et rentrer en leur armée, aller vers la Royne et où bon me sembleroyt, et que, pour cest effect, ils me feroyent conduire seurement. — Je les remerciay bien fort de la bonne vollunté qu'ils portoient à Votre Majesté, les priant d'y continuer; je leur demaiiday donc d'aller trouver la Royne. Ils me baillèrent cinquante chevaulx, que je menay jusque à leurs coureurs qui avoient desjà passé le ruisseau, où il pouvoit avoir deux cens chevaux, et huict cens qui les soubstenoient.

Ainsy que j'approchois l'armée de la Royne, il me vint au-devant le cappitaine Cladre, avec xxv ou xxx chevaulx qui me menèrent à Sa Majesté. Et, après l'avoir salluée, et baisé les mains, je lui feis entendre la peine en quoy la vôtre seroit, et aussi la Royne sa belle-mère, si elle savoit Testât en quoy je la voyais; luy remonstrant que j'avois parlé aux seigneurs de l'assemblée et leur avois dit ce qui est cy-dessus escrit, je la suppliay, l'ayant

toujours congnue princesse de si grande bonté, qu'elle pensast et considérast que c'estoyt ses subjects, qu'ils se disoient tels, et ses très humbles et très affectionés serviteurs. — Sa Majesté me respondist qu'ils le luy monstraient très mal, allant contre ce qu'ils avoient signé, et que eux-mesmes l'avoyent mariée à celluy qu'ils avoyent justifiez du faict dont aujourd'hui ils le voulloient accuser; que toutefois, s'ils se voulloient recognoistre et luy demander pardon, elle estoyt preste de leur ouvrir les bras et de les embrasser, — Sur ces propos le Duc arriva, qui estoyt fort ententif à la conduicte de son armée. Nous nous salluasmes, mais je ne me présentay point pour l'embrasser. Il me demanda tout hault, affin que son armée l'entendist, d'une parolle fort assurée, si c'estoyt à luy qu'ils en voulloient? — Je luirespondis, puisqu'il le voulloit sçavoir, tout hault, que je venois de parler à eulx et qu'ils m'avoyent assuré d'estre très humbles subjects et serviteurs de la Royne; et, tout bas, luy dist qu'ils estoient ses ennemys mortels. — Il demanda, parlant tout hault, affin que chacun cogneust son asseurances, [qu'est-ce] qu'il leur avoyt fait? Qu'il n'avoyt jamais pensé de faire desplaisir à ung seul, mais au contraire plaisir à tous, et qu'ils n'en pouvoient parler que par envye de sa grandeur; que la fortune estoit libre à qui la pouvoit recevoir, et qu'il n'y en avoyt ung seul d'eux qui n'eust bien voullu tenir sa place; mais, puisque ainsi estoyt, il me pria, et de fort grande affection, de faire tant pour luy et en l'honneur de Dieu, pour mettre la Royne hors de la peine où il la voyoit, de laquelle il disoit porter une peine extrême, et aussi pour éviter l'effusion du sang, que je prins la peine de dire aux autres que, s'il y en avoyt aulcun d'eulx qui vouUût sortir hors de la troupe et se mettre entre les deux armées, encores qu'il eust ceste honneur que d'avoir espousé la Royne, pourveu qu'il fust homme de quallité, il le combattroyt, affirmant sa cause si juste qu'il s'aseuroyt avoir Dieu pour luy. — Je ne le voullu accepter de luy non plus que des autres, aussi que la Royne dist qu'elle ne l'endurera pas, et qu'elle espousoit ceste querelle avecque lui. Et enfin mon propos estoyt toujours que je m'estimerois bien heu-

reux si, au nom de Vostre Majesté, je pouvois faire service à la Royne et aux deux armées. — 11 me dist qu'il ne falloyt donc plus parler, pour ce qu'il voyoit ses ennemys qui s'approchoient et avoient desjà passé le ruisseau; que si je voullois ressembler à celluy qui moyennoit une paix et amytié entre les deux armées de Scipion et d'Annibal, ayant leurs deux armées prest à se joindre comme ces deux icy, ne pouvant rien faire, il ne se voullust rendre partial d'ung costé ni d'autre, il print une place pour juger, et au partir il eust an veue le plus grand passe-temps qu'il vist jamais; et que, si je voullois faire le semblable, je n'auroiz jamais tant de plaisir, et que je verrois bien combattre. — Je luy dist que ce n'estoit pas de la Royne et de ces deux armées que je vouldrois veoir ce plaisir, mais que au contraire je n'aurois jamais veu chose qui m'enuyast tant que ce que je verrois. — Il fault que je dise que je veiz ung grand cappitainc parler de grande asseurance et qui conduisoit son armée gaillardement et sagement. Je m'y amusai assez long temps et jugeois qu'il auroyt du meilleur, si ses gens luy estoyent fidelles. Jelelouois de ce qu'il voyoit ses ennemys résollu, et ne se pouvoyt asseurer de la moytié des siens, et toutefois il ne s'estonnoit point. Son armée estoit de quatre mil hommes; il avoyt trois pièces de campagne. Les enemys n'en avoyent point, et ne pouvoient estre plus de trois mil cinq cens hommes au plus. Les deux armées faisoient nombre de huit mil hommes. Il n'avoyt ung seul seigneur de nom. Et aussi l'estimois beaucoup qu'il commandoit tout seul, et je faisois double des autres pour ce qu'ils estoient plusieurs testes, et y avoit une grande cryerie parmi eulx. — Je priz congé de la Royne avec extrême regret, la laissant la larme à Foeul, et allay trouver les autres pour veoir si je pourroys rien faire; et leur remonstray que j'avois trouvé la Royne plaine de bonté, qu'elle m'avoit dist que, s'ilz se voulloient recongnoistre, que Sa Majesté leur ouvriroyt les bras. — Ils me dirent résolument qu'ilz ne parleroient jamais d'appointement s'ilz n'avoyent celluy qu'ilz demandoient, et prirent oppinion que ce parlement leur porteroit dommage, pourquoy misrent tous leur morion en la main et me

prièrent, en Thonneur de Dieu, de me retirer, en me remerciant de ce que j'en avois faict. Je me retiray.

J'ay toujours mandé à Vostre Majesté que j'estois en peine comme je m'y debvois gouverner, et toutes mes lettres en sont pleines, donnant à entendre que si je me retirois du costé de la Royne et du Duc, que Vostre Majesté auroit tenu la main à tout ce qui a esté faict, et que, si je me retire du costé des seigneurs, ce seroit vous déclarer contre la Royne. Il m'a donc semblé (attendant ce qu'il eust pieu à Votre Majesté me commander) que je ne pouvois mieulx faire que de ne me rendre point partial, et, en vostre nom, travailler envers la Royne et les seigneurs.

Je mettray ici ce mot, que la Royne en sa bandière portoyt ung lion, qui sont les armes de ce royaume; les seigneurs portoyent une enseigne blanche, oii il y avoit ung homme mort auprès d'un arbre (pour ce que le feu Roy fust trouvé en ung jardin auprès d'un arbre) et ung enfant qui est à genoulx, représentant le prince de ce royaume, qui tient ung escrit où il y a : (( Revenche, ô mon Dieu, de ma juste cause ! »

Depuis que je feus parti, les deux armées commencèrent à s'approcher et à chercher toutes les deux leurs advantages; et de faict elle le prisrent bien, fort près l'une de l'autre, ayant un petit vallon entre deux, de fasson que celle qui eust voullu assaillir falloit qu'elle dessendist et qu'elle montast. Ils furent depuis les onze heures du matin jusqu'à cinq heures du soir à se regarder, ayant tous mis piedz à terre, comme c'est la façon du païs, qui vont à cheval jusqu'au point de combattre. A la fm il se fit ung bruit dedans l'armée de la Royne, qu'il valloyt mieulx chercher quelque expédient; ce qui estonna grandement la Royne et le Duc, connoissant ce qu'il avoyt tousjours craint : et de faict aulcuns s'avancèrent donnant à entendre qu'ils vouloyent parler. Il en estoit ainsi de l'autre armée; et, regardant quel moyen l'on pourroit trouver pour n'espandre point le sang, il fut admis que le mieulx estoyt que le Duc se mist entre les deux armées, et qu'il en sortist ung de l'autre pour le combattre. Le Duc s'y accorda; la Royne voyoit que tout se portoit mal et y presta l'o-

reille. Il y eust ung, qui s'appelle le sieur de Thullibarne, qui se présenta pour combattre. Le Duc le vouloit; toutefois la Royne rejecta bien fort celluy-là, aléguant qu il y en avoit d'autres de plus grande quallité. A- la fin ung nommé milord Lindesay sy présenta : on faisoit semblant d'accepter celuy-là. Durant ce parlement, de peu à peu Tong commença à s'enmesler, de façon que Ton vist un grand estonnement en l'armée de la Royne. Comme Sa Majesté commença à veoirce désordre, elle demanda de parler à ung de ses adversères, nommé Monsieur de Grange, et luy demanda s'il y avoit point de moyen de faire quelque composition pour la seureté du Duc? Il dist que non, qu'ils estoient résolus de mourir ou de l'avoir. Le Duc monte à cheval, et, avec vingt-cinq ou trente chevaux, se saulva à Dombar. La Royne commença à marcher à ses adversères : voillà les deux armées ensemble qui se retirent en ceste ville de Lislebourque, et logèrent la Royne en la maison du prévost. Je sais bien, Sire, que ce nom de prévost sera bien odieux en France, mais en ce pays c'est comme la principale maison de la ville.

Le lendemain, à une heure du matin. Sa Majesté se meist à une fenestre, faisant les plus grandes pleurs et gémissements qui se pouvoit dire, et vist passer Ledington, le pria, en l'honneur de Dieu, qu'elle parlast à luy : ce qu'il feist en sa chambre, et feit-on retirer le peuple, lequel à ses crys s'estoit assemblé. Quelques seigneurs aussy y allèrent. Je ne pouvois moings que de demander à la veoir, et en feis parler à ces seigneurs. Ils s'assemblèrent et me mandèrent qu'ilz seroient bien aise que je la visse, s'asseurant que je ne luy vouUois parler que pour son repos et le leur, toutefois qu'elle leur tenoit des langages estranges, et qu'ils voudroient bien que je parlasse à eux avant que parler à Sa Majesté. Je m'y accorday. Ils me mandèrent qu'ils m'envoieroient quérir par bonne compagnie. — Ce pendant il se dressa une alarme en la ville qui les tinst presque tout le jour ensemble, et, sur les neuf heures du soir, ils la menèrent en l'Abaye (^), son logis accoustumé, avec deux cens hommes de

(') Au palais d'Holyrood.

pieds devant elle qui portoient renseigne de ce mort, et les seigneurs à pied, autour de Sa Majesté, suiviz par mil ou douze cens hommes. Et, la nuit, ils la transportèrent hors de ceste ville, je pense au château d'Estrelin.

J'estime, Sire, que Dieu me feist la plus grand grâce de me retirer, qu'il feit jamais à gentiliiomme, car si j'eusse temporisé pour estre à ce parlement, j'eusse esté accusé de tous ceulx qui tiennent le parti de la Royne, et eussent dist que j'estois cause de sa prise : je ne vouldroys pour la moytié de ma vie m'y estre trouvé; mais il me semble que le matin je debvois entreprandre quelque chose. Je prie Dieu qu'il conseille ce pauvre royaume, qui est aujourd'hui le plus affligé et tourmenté royaume qui soit soubz le ciel, car tout y est au plus grand désordre qui sauroyt se dire.

Le surplus d'autres nouvelles, Votre Majesté les entendra par la lettre que j'envoie à la Royne. 11 y [en] a une de pitié : ce sont quatre- vingt pauvres officiers français en une nécessité et misère telz que tous les jours ilz sont assemblés à crier à ma porte, et en ay la moytié sur mes bras à nourrir aujourd'hui. Les seigneurs qui sont demeurés ici doibvent prendre une résolution et me dire les moyens qu'ils auront, ou de les entretenir ou renvoyer. Je croy bien qu'ils n'ont plus vœu que se retirer. S'ils ce font comme je leur ayt dit, j'ai ung coffre en ma chambre, lequel y feut porté, qui est à la Royne, où il y peult avoir pour quatre mil livres de vaisselle d'argent; je la vendray et leur départiray, et puis les feray mettre sur un navire.

En ma part. Sire, si vous n'avez pitié de moi, je suis ruiné, n'ayant un seul escu, et estre tous les jours aux emprunts, et quarante ou cinquante personnes à nourir.

Je prie Dieu, Sire, maintenir Yostre Majesté en bonne santé et prospérité, et vous donner toujours très longue vie.

De Lislebourg, ce xvij* juin 1567.

ANNEXE (^) A LA DÉPÊCHE DU 17 JUIN 1567. {Bibl. imp. — Fonds de St-Germ. Harl., n"2/S, (. I, cote IG.p.oS v°. — Cap. du temps.)

Aujourd''hui jeudi , douzième jour de juin mil cinq cens soixante-sept, Messieurs les comtes de Morlon et de Marr, les milords de Humes, de Lindsay et de Sempel, me sont venuz trouver à mon logis, ausquelz j'ai remonstré les extrêmes peines et ennuis que le Roy très chrestien portera des afflictions et adversités qui sont en ce royaume, et que, ayant entendu qu'il estoyt arrivé hier matin mil ou douze cens chevaulx à l'entrée du chasteau de Bourtiq, où la Royne, leur souveraine, arriva samedi dernier, j'allai parler à Messieurs les comtes de Hontelle, archevesque de Saint- André, évesque de Gallovay et de Ross et autres, pour savoir si, au nom du Roy, je pourroys faire quelque service. Qui me représentèrent d'aller parler à Messieurs le comte de Morton et de Humes, qui pour lors commandoyent à l'assemblée estant devant ledit chasteau de Bortiq. Il fut trouvé bon, et que pour cest effet j'escriprois une lettre auxdits seigneurs de Morton et d'Humés pour savoir si vouUoient que je allasse parler à eulx, et encore que j'escrirois aussi une lettre à la Royne pour essayer de parler à Sa Majesté; que, ayant faict mes lettres, j'avois dépêché un homme qui estoit allé trouver la Royne et les avoyt fallis en chemin, parce que à mesme heure ilz se retirèrent. — Je leur ay monstre le double desdites lettres, et dict que la Royne m'avoyt respondu sagement et vertueusement, me priant de travailler au nom du Roy, mais, s'ilz s'ataquoient à son mari, qu'elle ne voulloyt point d'appoinctement. Je leur remonstrai ce que Monsieur le Duc avoit obtenu le lendemain de son assize, qui estoient deux poincts signés de dix comtes, de six ou septs évesques, et sept ou huit des plus grands milords de ce royaume: le premier, qu'ayant ledit sieur Duc comparu en son assize, et ne se trouvant point accusé de ce dont il estoit chargé pour la

(') Voyez ci-dessus, p. 303.

mort du feu Roy, que lesdits comtes, évesques et aultres seigneurs s'estoient tous déclarés de le supporter pour cest effet envers tous et contre tous. Le second poinct, que, s'il pouvoyt parvenir en la bonne grâce de la Royne et de l'espouser, qu'ils le consentoient et approuvoient. — Que, le lendemain de la processe, la Royne estoit allé veoir le prince son fils au château de Strelin, et, en retournant, ledict Duc, qui craignoyt que la longueur du temps luy aportast quelque malheur, et désirant parvenir à ceste grandeur, se trouva, partant de cette ville de Lislebourg, fort accompagné, pour aller audevant de la Royne, et la pria grasieusement de se retirer au château de Dombar, et depuis lui monstra ce qu il avoyt obtenu dcsdicts sieurs comtes, évesques et autres; qui fesbahist grandement, et demanda retourner au château de Lislebourque, où Sa Majesté demeura quatre ou cinq jours, et après regaigna son logis accoustumé, puis alla au pallais de ceste ville; et se voyant en liberté, comme il luy sembloit, et considérant les services que ledit sieur Duc luy avoit faict, tant aux guerres d'Angleterre que aux guerres civilles, et depuis que Sa Majesté est arrivée en son royaume, et considéré aussi ce qu'il avoyt obtenu desdits seigneurs, Sadite Majesté s'y estoyt résolue, espérant son repos et le contentement de son royaume.

MÉMOIRE POUR M. DE YILLEROY ENVOYÉ EN ECOSSE. {Bibl. imp. — Fonds deSt-Germ. Uarlay, n. %iS, 1. 1, cote 16, f° 65. — Cop. du temps.)

État déplorable des affaires d'Ecosse. — Poursuites contre Bothwell comme meurtrier du feu Koi. — Soupçons de complicité répandus contre Marie Stuart. — Craintes du Roi que cette querelle n'amène la rupture de l'ancienne alliance entre la France et l'Ecosse. — Sa volonté de s'y opposer. — Charge donnée à M. de Villeroy de se rendre en Ecosse pour communiquer secrètement à M. du Croc le présent mémoire. — Opinion du Roi sur le pitoyable succès des affaires de la Reine d'Ecosse. — Sa conviction que les seigneurs sont assistés et favorisés sous main par les Anglais. — Déclaration qu'on ne saurait méconnaître la justice de leur cause, puisqu'ils défendent les droits du légitime iiéritier de la couronne. — Ferme résolution du Roi de conserver l'Ecosse à sa dévotion, et de ne pas souffrir que les folies de Marie Stuart mettent ce pays entre les mains des Anglais. — Recommandations faites en conséquence à M. du Croc. — Désir du Roi de favo-

riser la cause fie Marie Stuart, mais sans lui sacrifier ses intérêts. — Démarche que l'ambassadeur devra faire auprès des seigneurs écossais. — Assurance qu'il leur donnera que le Roi est disposé à favoriser de bon cœur tout ce qui sera pour le bien de l'Ecosse, sans autre respect que la raison et l'équité. — Efforts qu'il devra faire également pour amener une réconciliation entre eux et leur souveraine. — Charge donnée à M. deVilleroy de seconder M. du Croc dans toutes les parties de cette négociation. — Entière confiance du Roi dans la discrétion et l'habileté de son ambassadeur.

Pour ce qu'il se veoit et entend par desà que les affaires d'Escosse sont en grande combustion, telle, si les nouvelles qui en viennent icy sont véritables, qu'il y a grand danger que la Royne dudict pays ne soit pour recevoir encores plus de desplaisir qu'elle n'a eu jusques à présent; et que, si tant est que les seigneurs dudict païs, qui sont demeurez là, ayent, comme l'on dit, entrepris la poursuitte contre le conte de Baudouel sur la mort du feu Roy d'Escosse, s'aydant du nom du jeune prince son filz, et que entre ladicte Royne et ledict comte il y ayt si estroicte intelligence que chacun dist, il y pourroit advenir ung grand changement qui, par avanture, allyéneroit du tout ledict royaume d'Escosse de celle (') en laquelle le Roy désire qu'il soyt tousjours maintenu et gardé avec ce royaume. Sa Majesté a ainsi fait faire ce mémoire particulier pour estre seullement communicqué au sieur du Croc, son ambassadeur par delà. — Auquel ledict sieur de Villeroy dira que, se descouvrant Sadicte Majesté à luy de l'opinion qu'il a du pitoyable succès des affères de ladicte Royne d'Escosse, veu ce que luy a escrit ledict sieur du Croc de ses déportements, et les nouvelles estranges qu'il en a d'ailleurs, ayant assez senti que l'entreprise desdicts seigneurs est par soubz main assistée et favorisée des Anglois, et qu'il pourroit estre, comme Dieu est juste, que leurdicte entreprise viendroit à quelque effect dont le fondement ne seroyt pas blasmé ne improuvé de tout le monde, puisqu'elle est couverte de la cause du filz qui est le vray successeur et celluy qui a le principal intérest, estant certain que pour se maintenir ilz auroyent leur principal recours ausdits Angloix, desquel z la charité n'emporteroyt que

(') C'est-îi-dire de l'intelli'jer.ce.

3'i4 AMBASSADE DE DU CROC. 1567

leur ruyne, le Roy veult que ledict sieur du Croc saiche que le désir et intention principale de Sa Majesté est de conserver le royaume d'Escosse à sa dévotion, sans permettre que, soubz prétexte de tant de folies qui se présentent, il se retire et alliène en aultre dévotion que la sienne, comme il est certain qu'il seroyt pour faire envers lesdicts Anglois, que lesdicts seigneurs chercheroient comme protecteurs en l'afaire qui se présente, sMlz voyoient n'avoir aulcune asseurance du costé du Roy. Sur quoy il désire que ledict sieur du Croc considère bien Testât en quoy sont les affaires de delà, et spécialement à quoy il sont pour tomber pour le regard de la Royne d'Escosse, à laquelle il veult bien faire toute faveur et ayde, mais non pas en chose qui seroyt à la perte et ruyne de son royaume et au dommage du service du Roy et de ses affaires, ayans lesdicts Angloix l'intention qu'ilz ont, ce qu'il fault bien mectre en considération, pour, suyvant ce que ledict sieur du Croc congnoistra qu'il sera besoing faire par ledict sieur de Yilleroy ou luy-mesmes, dire ausdict seigneurs que le Roy ne peult croire que la mère, l'estimant digne, vertueuse et naturelle, aye autre intention que le bien de son fils et de son royaume, et, par conséquent, celluy de ses bons sujets ; choses qui luy ont, jusques à présent, gardé d'adjouster foy à ce que l'on fait courir le bruit que lesdicts seigneurs se feussent, au nom de son filz, eslevez contre elle, et qu'ilz eussent dissention entre eulx qui fust pour aporter ung mal qu'il ne vouldroit pour rien veoir advenir par delà; les asseurans que Sa Majestez espousera et embrassera tousjours de bon cœur ce qui sera pour le bien et manutention du royaume en son entier, sans aucun autre respect que à la raison et équitté ; et fera de sa part aussi tout office pour remectre ladicte dame Royne en bonne intelligence envers eulx, et au bon et convenable chemyn requis à empescher que ceulx qui cherchent leur ruyne ne perviennent à leurs intentions. Estant cest affaire remis à la prudence dudict sieur du Croc, vers lequel est plus envoyé ledict sieur de Yilleroy pour ce qu'il en a escrit par ses dernières lettres que pour nulle autre occasion, affin qu'il s'en ayde pour instrument aux choses qu'il devra faire

dire, tant envers ladicte dame Royne que lesdicts seigneurs; n'estant ce mémoire que pour le commun ofïïce que Sa Majesté ne veult obmettre à Tendroit de ladicte dame, s'asseurant Sadicte Majesté que, n'ayant ledict sieur du Croc autre respect que au bien de son service, il tiendra ceste particuUarité de luy seul et en dispensera l'effect si sagement qu'il en sortira le fruict que Sa Majesté désire à maintenir ledict royaume à sa dévotion, et qu'il renvoyera ledict sieur de Villeroy si bien instruit et adverli de toutes choses que l'on verra par là se qui sera à en espérer.

Rapportera ledict sieur de Villeroy analyse et mémoire de Testât des affaires de dellà, et comme tout y est passé, à la vérité, depuis la mort du feu Roy jusques à présent, pour en rendre compte par le menu à Leurs Majestés et, à son retour par Angleterre, de tout ce qui s'offrira.

1567. — 26 Juin. — Edimbourg.

du croc au roi.

(Bibl. imp. — Fonds de St Germ. Uarl., n. 218, 1. 1, cote i6, p 63. — Cop. du temps.)

Départ de M. de Villeroy. — Refus fait aux deux ambassadeurs de les laisser communiquer avec Marie Stuart. — Prochain retour de du Croc, dont la présence est inutile en Ecosse.

Sire, je ne pensois poinct que Monsieur de Yilleroy dust partir que, à tout le moings, nous n'eussions veu la Royne d'Escosse : ce qui ne nous a esté permis. Il vous en dira les occasions; aussi feray-je qui partiray trois jours apprès luy, ne vous faisant point icy de service. Et, pour ce que mon dict sieur de Villeroy est [si] bien instruit de toutes les affaires de deçà qu'il vous en rendra bon comte, je ne vous feray plus longue lettre; aussi que je confirmeray à Votre Majesté ce qu'il vous dira.

Sire, je prie Dieu le créateur, etc. — De Lislebourg, ce xxvi^ jour de juin 1567.

Votre très humble et très obéissant subject et serviteur,