PHILIPPE II A M. DE OLAJON

(Angleierre, Beg, II/.)

Charge donnée à M. de Glajon de se rendre auprès de la Reine d'Angleterre, après qu'il aura reçu ses instructions de la duchesse de Parme.

Monsieur de Glajon, je ne doute vous aurez entendu les choses que sont passées entre le Roy de France et Royne d'Angleterre à l'occasion des gens de guerre que ledict seigneur Roy envoyé en Escosse soubz umbre de chastier ses subjects rebelles, dont ladicte dame Royne prend jalouzie que ce soit pour aultre chose. Et, d'autant que c'est ung affaire qui va plus loing et dont mes bons subjeetz du Pays-bas se pourriont ressentir, où l'on n'y remédiast de bonne heure, j'ay estimé qu'il seroit mieulx que j'y intercédasse et envoyasse quelques bons personnaiges d'une part et d'aultre pour y faire les offices qui se trouveriont plus à propos. Et, suyvant ce, pensant à celluy que je porrois envoyer vers la Royne d'Angleterre, le bon zèle et expérience que j'ay cogneu en vous m'ont fait confyer que non seulement vous en prendrez

15C0 INTERVENTION DE L'eSPAGNE. 83

la charge, mais que vous la saurez très bien exécuter. Parquoy vous requiers de vous y vouloir employer et vous mettre en chemin incontinent que vous aurez vostre instruction de ma sœur la duchesse de Parme, à laquelle j'en escrips amplement. A tant, Monsieur de Glajon, etc.

1559-60. — 27 Mahs.

Instruction ponr vons, notre très-chier et bien amé consin messire Philippe de Stable, ^eigneor de Glajon, baron de Ghaulmont et de Hâveskercke, chevaUer de Tordre, conseiller d'Estat, et chef de Tartillerye dn JRoy mon seigneur, de ce que vous aurez à faire devers la Royne d'Angleterre, où Sa Majesté présentement vous envoyé.

Intention formelle de Philippe II de maintenir la paix entre la France et rAngl&terre. — Exposé de la situation des deux puissances rivales. — Desseins qu'on peut l«ur supposer. — Griefs allégués de part et d'autre. — Démarches faites par Elisabeth auprès du Roi d'Espagne pour établir que son intérêt est de la soutenir, et que Tagression est venue de la part des Français. — Plaintes adressées à Philippe II par le Roi de France contre la Reine d'Angleterre. — Raisons qu'il allègue pour établir son droit de châtier, par tous les moyens qui sont en son pouvoir, ses sujets rebelles. — Son espoir d'obtenir les conseils et l'assistance du Roi d'Espagne. — Déclaration faite par le duc d'Albe au Roi de France de la part de Philippe II. — Décision qui a été prise d'envoyer en France et en Angleterre un ambassadeur extraordinaire pour moyenner un accommodement, — Fixation du nombre des troupes françaises à envoyer en Ecosse, et qui devront se composer de 4,000 hommes au plus. — Offre qui a été faite par le Roi d'Espagne d'y joindre de ses troupes, pour former en tout un corps de 7,000 hommes. — Nécessité de déterminer la Reine d'Angleterre à ne plus prêter son appui aux Écossais rebelles. — Charge donnée à M. de Glajon de se rendre le plus promptement possible en Angleterre, et d'agir avecVévêque d'Aquila auprès d'Elisabeth conformément aux intentions de Philippe II. — Rons sentiments que ce prince a de tout temps témoignés à la Reine d'Angleterre. — Conseils de modération qu'il lui avait donnés et qu'elle aurait dû suivre. — Tort qu'elle a eu de commencer la guerre sans en prévenir le Roi d'Espagne. — Droit évident qui appartient à ce prince, d'après les traités, de ne pas appuyer son agression. — Démarches faites auprès de la France pour amener une conciliation. — Mesures prises en même temps afin d'empêcher que les Français, sous prétexte de châtier les rebelles d'Ecosse, n'envahissent l'Angleterre. — Instances à faire pour qu'Elisabeth leur ôte tout prétexte en cessant d'appuyer les Écossais. — Danger qu'il y aurait pour elle à soutenir une guerre sérieuse contre la France. — Insuffisance de ses finances, de ses places fortes et de son armée. — Opinion de la Chrétienté tout entière qui se tournerait contre elle, en lui imputant d'être seule cause d'une nouvelle guerre. — Obligation pour Philippe II de soutenir les Français, non pas contre la Reine d'Angleterre, mais contre les Écossais rebelles. — Moyen qu'il se réserve d'ailleurs par là d'empêcher que les Français n'introduisent en Ecosse des

8i INTERVENTION DE L'ESPAGNE. 1560

forces trop considérables. — Conseil qu'il faudra donner cependant à laReine d'Angleterre de maintenir ses armées de terre et de mer sur un pied respectable, afin d*empécher toute tentative qui pourrait être faite contre ses États. — Surveillance attentive que le Roi d'Espagne fera exercer à cet égard. — Réponse que l'ambassadeur devra faire à Elisabeth, si cette princesse voulait renouveler ses grieb au sujet du titre et des armes d'Angleterre. — Satisiiaction que le Roi de France parait disposé à donner sur ces deux points, qui doivent être traités par la voie des négociations, et qui n'ont pas assez d'importance pour motiver une guerre. — Réser>'e dans laquelle devra se renfermer l'ambassadeur, si la Reine d'Angleterre demandait quel parti prendrait le Roi d'Espagne dans le cas où les Français envahiraient l'Angleterre. — Nécessité de maintenir Elisabeth dans le doute d'être secourue, si, contrairement aux traités, elle persiste dans son agression. — Charge donnée à l'ambassadeur de reprendre, s'il voit que cela puisse se faire d'une manière opportune, la négociation du mariage de l'arclàiduc Charles avec la Reine d'Angleterre.

Vous porterez avecq vous la copie des lettres de Sa Majesté et des pièches y joinctes, aflin que par ce vous congnoissez plus particulièrement, et pour en toute vostre négotiation vous guider selon ce, le but de Tinlention de Sa Majesté, qu'est de po'urtenir la Chrestienneté en repos, et affîn que icelle joysse du bénéfice de la paix que Dieu, par sa saincte grâce, nous a donné, moïennant ce que Tannée passée se traictast au Chasteau en Cambrésis ('); procurer qu'entre le Roy très-Chrestien et ladicte Roy ne d'Angleterre il n'y ait guerre à Toccasion des choses que présentement passent entre eulx, sur le fondement de ce que ledict Roy trèschrestien prétend de chaslier au royaulme d'Escosse aucuns ses rebelles, ausquelz Ton entend que ladicte Royne, soit ouvertement ou soubz la main, donne faveur et assistence, et ce (comme aucuns discourent) pour ce que lesdictz rebelles se déclairent de ne suyvre la religion catholicque, et qu'ilz sont de mesmes oppinions qu'elle, et peult-estre aussi le faignent pour avoir son assistence, à la fin, à quoy aucuns dient qu'ilz prétendent, de se faire seigneurs dudict royaulme, et en débouter la Royne de France et le Roy son mary, et par mariaige joindre les deux royaulmes d'Angleterre et d'Escosse et en déjecter les Franchois; ou bien que l'ayde que ladicte Royne veult donner ausdictz rebelles soit pour craincte qu'elle a du Roy de France, se doubtant

(') Traité de Cateaa^Cambrésis entre Philippe U et Henri n, da 8 avril 1559, après Pâques.

1560 INTERVENTION DE L'ESPAGXE. 83

que, ayant mis au gouvernement d'Escosse et à la garde des fortz principaulx dudict pays des Franchois (qu'elle prétend estre fait contre les capitulations que les Escossois ont avecq France), il ne treuve fin d'occuper enthièrement et rédiger absolutement floubz son povoir ledict royaulme d'Escosse, et pour, si le cas advenoit du décès de la Royne sans enffans, débouter de la succession ceulx du pays qui en ce cas y sont appeliez. Oultre ce <iue probablement ladicte Royne d'Angleterre doubte que, s'estans soulevez aucuns rebelles audict royaulme d'Escosse sur le fondement avant dict, le Roy de France face apprestes de guerre plus grandes pour reîgler lesdicts rebelles qu'il n'auroit de beseing s'il prétend à ce seul efiect de les chastier et réduire; et que cela luy donne soubçon que, comme il a souvent déclairé et aussi ses ministres, tant du temps du feu Roy de France que à présent, de prétendre à la succession dudict royaulme d'Angleterre et d'en débouter la Royne moderne, soubz prétexte de ce que les Franchois dient ladicte Royne de France à présent y avoir droict, il voeuUe faire si grand amas de forces audict Escosse pour, quand il y aura subjugué lesdictz rebelles, estans les frontières entre France et Angleterre par ce voult-là ouvertes, entrer par ce coustel, prandre ladicte Royne d'Angleterre à despourveu et se faire seigneur dudict royaulme.

Et, à couleur de ceste craincte, ayant ladicte Royne d'Angleterre fait amas de gens, tant par terre au coustel de la frontière d'Escosse, soubz la charge du duc de Nortfoch et de milort Grey, son lieutenant, que ayant équippé bon nombre de vaisseaulx par mer, elle aye prins intelligence avec lesdictz rebelles, et, comme aucuns dyent, faict confédération avecq eulx, et prins leurs hostaiges pour, avecq ceste asseurance de les avoir à sa dévotion et de non traicter avecq la Royne vefve, régente dudict Escosse, ny avecq les Franchois sans sa participation, leur donner assistance.

Et est le fondement de voslre charge celluy que dessus, et sur ce que ladicte Dame, considérant ces choses et aïant prins ceste délibération, a demandé conseilz et advis audict seigneur Roy,

mon seigneur, luy faisant entendre, tant par ses Irttres propres que par ce qu'elle luy fit escripre de sa part par Tambassadeup de Sadicte Majesté, Févesque de la Quadra, les choses cy-devant desduictes, et qu'elle se délibéroit de non comporter que lesdictz Franchois vinssent audessus de ce qu'ilz-prétendoient, qu'estoit de se faire seigneurs absoluz et les plus puissajats audict royaulme d'Escosse, pour, après, avoir le moyen de Fenvahir; représentant joinctement à Sadicte Majesté le dhommaige que les pays de par dechà en pourroient recepvoir; se tra veillant de persuader à icelle que les Franchois estoient les invaseurs, et que ce qu'elle feroit seroit pour sa nécessaire deffense : tpie l'bn entend estre avecq fin de, après, venir requérir Sadicte Majesté de se déclairer de guerre et luy donner aîde à l'enconlre des dictz Franchois, suivant les traictez. Et, sans actendre la response de Sa Majesté, elle a usé à rencontre des dictz Franchois d'aucuns actes d'hostilité, que touttesfois l'on entend elle cerche d'excuser ce qu'elle poeult, et enfin voeult prétendre que les Franchois soient esté les invaseurs, le tout à la fin avant dicte d'estre aydée en vertu desdictz traictez et de nous remectre en guerre avec France; ce que aucuns conjecturent estre sa principalle intention, et de ses ministres, afBn qu'ayant procuré ce brouilliz et se retirant d'icelluy, elle puisse tant plus librement, et ceux qui la persuadent en cecy, abaisser les Catholicques en son royaulme, les forcer à prendre sa secte, et vivre au surplus comme il luy samblera.

D'aultre part a fait faire le Roy de France plainctes en Espaigne contre ladicte Royne d'Angleterre de l'invasion qu'elle luy fait, remonstrant qu'il aye quelques indices qu'elle suscite soubz main troubles au royaulme de France, et qu'elle l'ait envahi en mer et au costel d'Escosse; et, pour ce qu'il entend que la couleur que l'on y prend soit pour le nombre des gens qu'il envoyé audict royaulme d'Escosse, monstre trouver bien mauvais qu'il samble que Ton luy voelle donner loy en ung royaulme qu'est ien, luy prescrire le nombre des gens qu'il y doibt tenir et l'empescher de chastier ses propres subjeetz qui luy sunt rebelles; déclairant qu'il ne désire que le repos et tranquillité publio-

que; mais que, si ladicte Roy ne d'Angleteree le force à prendre les armes contre elle, qu'encoires que ledictRoy de France vienne mal voluntiers à ce poinct, il ne porra délaisser, comme prince d'honneur et tenant comme tel le seing qu'il doibt à sa réputation, qu'il ne face ce qu'il convient pour la soustenir; et qu'il trouveroit bien estrange qu'à l'occasion des anchiens traictez ou aultrement, l'on voulsist donner assistence à ladicte Royne d'Angleterre, au lieu que, justifiant tant la cause de son costel, il désireroit, comme si sincère aniy et estroictement allié, avoir conseil et assistence de Sadicte Majesté.

Aussi verrez-tous par les ditz escriptz ce que Sadicte Majesté luy a faict déclairer franchement par le duc d'Alve de la suspition que probablement peuvent prendre les princes voisins quand ung prince, quel qu'il soit, fait amas de gens dedens ses pays, tel que puisse donner jalouzie, et que, en ce cas, lesditz voisins ont occasion de se doubter et de se pourvoir pour non estre prins à despourveu ; et que sur les exclamations, que se sont faictes par l'ambassadeur de France, de ce qu'il semble l'on voulzist empescher ledict seigneur Roy très chrestien de, comme dessus est dict, chastier ses rebelles, luy donner loy en son pays et luy taxer le nombre de gens de guerre qu'il y peult tenir, Ton est enfin venu à cest expédient que le Roy, mon seigneur, envoyeroit, comme il avoit jà délibéré de faire, personnaiges en France et en Angleterre pour procurer de faire cesser tout le resentement qu'il y pourroit avoir entre les deux parties, y nourrir l'amitié, entretenir ladicte paix et donner moyen de pouvoir joyr d'icelle; et qu'à la réquisition dudict Roy très chrestien, Sadicte Majesté donneroit audict seigneur Roy assistence de navires et de provisions de guerre nécessaires et encoires de gens, pourveu que le nombre desdictes gens de guerre audict Escosse ne soit plus grand, oultre ceulx qu'ilz y ont ordinairement, que de quatre mil hommes, puisque iceulx peuvent soufllr pour chastier lesdictz rebelles s'ilz se trouvent destituez d'aultre ayde que de ce que ilz peuvent avoir eulx-mesmes audict royaulme d'Escosse : et si l'accoumiodera Sadicte Majesté de gens, ses subjectz, jus-

ques audiot nombre, s'il les veult avoir, et, s'il se treuve qu'il aye besoing d'en avoir davantaige à l'efîect susdict de chastier les rebelles, qu'il l'assistera d'autres trois mil à ses propres frais; bien entendu que les premiers quatre mil, combien qu'ilz fussent subjectz de Sa Majesté, seront aux fraiz dudict Roy de France. Reste que pour facilliter ce chaaloy desdictz rebelles, et aflBn qu'il ne soit besoing faire en Escosse amas de plus grand nombre de gens que celluy qu'est dict, que l'on persuade à ladite Royne d'Angleterre de se désister absolutement de toute faveur qu'elle donne ou vouldroit donner auxdictz rebelles, afBn de non bailler occasion juste audict Roy de France de se resentir allencontre d'elle. Qu'est le fondement sur lequel l'on haste vostre allée par delà ; et vous ay voulu répéter tout ce que dessus pour vostre plus clère et particulière information.

Vous irez doncques celle part, pour trouver ladicte Royne d'Angleterre, en la meilleure dilligence qu'il vous sera possible, et, en préalable, communicquerez audict évesque de la Quadra, ambassadeur de Sa dicte Majesté, ceste vostre dicte instruction et le surplus de ce despesche, luy donnant les lettres qu'elle luy escript, par lesquelles elle luy encharge de vous donner, à l'exécution de vostre charge, toutte assistence; et de luy entenderez Testât présent du royaulme d'Angleterre et ce que ladite Royne peult avoir fait depuis ses dernières lettres, sur la négociation en laquelle l'on entend elle estoit, pour appoincter la Royne douayrière gouvernante avecq lesdictz rebelles d'Escosse, et sur certaines conditions pour, selon les termes ausquelz vous trouverez les choses, vous servir de ceste vostre dicte instruction et encheminer le tout à la fin de l'intention de Sa Majesté, qu'est de, comme vous aurez entendu, entretenir la paix et éviter de tumber en guerre que viendroit pour le présent à Sadicte Majesté tant au contraire de ses affaires, et à si grand dhommaige de la Chrestienneté, et causeroit empeschement au repos publicque; et que cecy touttesfois se face de sorte que, pensant faire ceste bonne œuvre de les appoincter, l'on ne laisse opportunité aux Franchois d'envahir à leur advantage ce royaulme d'Angleterre,

pour le â(unttaige inestimable que, comme par vostre prudence vous entendez si bien, viendroit aux pays et royaulmes de Sa Majesté, si les Franchois y mectoient le pied.

En aïant ainsi consulté par ensamble sur caste instruction de ce que vous aurez à faire, demandant audience à ladicte Dame par les moyens que vous jugerez plus à propos, après avoir présenté à icelle les lettres de Sadicte Majesté que vous portez, vous luy déclairerez le plaisir que Sadicte Majesté reçoipt d'entendre de ses nouvelles, et comme icelle désire te bon et heureulx sucés de ses affaires et le bien et repos de son royaulme, et qu'à ceste fin elle vous a dépesché par delà, tant affln de par vostre moyen, à vostre retour, en estre advertye, que pour luy déclairer qu'elle a receu les lettres que ladicte Dame luy avoit escript, et entendu, par celles dudict évesque de la Quadra, ce qu'elle luy avoit enchargé d'escripre, et que, pour response, elle vous a enchargé luy déclairer qu'elle se peult souvenir de l'affection qu'elle a tousjours cogneu Sadicte Majesté luy a porté, qu'elle sçait combien elle luy a esté favorable, tant au temps de feue la Royne, que Dieu absoille, que depuis, et mesmes se peult ramentevoir de l'amiable conseil qu'elle luy a tousjours faict donner, dèz qu'elle est parvenue à la couronne d'Angleterre, afïîn qu'elle regardast, puisque Sadicte Majesté luy avoit procuré ce bien de la mectre en paix, faisant en ce, en tout ce que touche son particulier, office non seulement d'amy et confœdéré mais de cordial frère, de vouloir entendre à tenir son royaulme en repoz et d'y mectre tel ordre qu'elle ostast la volunté à ses voisins d'entreprendre allencontre d'elle, estant ce que plus luy convenoit, et pour éviter que sesdictz voisins à son occasion ne tumbassent aussi en paine; et qu'elle se peult se souvenir de ce que, sur tout ce que dessus, Sadicte Majesté luy a souvent fait dire par le sieur conte de Feria, et, aussi, de temps à aultre, par ledict évesque de la Quadra, son ambassadeur, et finalement, ung petit plus expressément, par don Joan de Ayala, lorsque Sa Majesté entra en apparente doubte que, en prenant aultre chemin en ses affaires que celluy que jusques alors elle avoit tenue, elle demeureroit

90 IXTEUVENTIOX DE L'ESPACNE. 1560

. ainsi sans prendre party dont elle peult estre assifilBe, et, si elle rfusoit de la modération nécessaire en touttes choses, elle et son royaulme pourroient bien tumber en hasard; et que, si luy eust pieu prendre considérations ausdictz admonestemens de Sa Majesté, il est apparent qu elle n'eust eu besoing du conseil que présentement elle demftide; et <}ue, pour luy donner tel qu'il conviendroit, sadicte Majesté se trcuve de tant plus empesché pour avoir entendu, par les plainctes que allencontre d'elle font les Franehois, que, sans attendre ladviz de Sadicte Majesté, elle soit passée si avant à Tendrolt desJictz Franehois, jusques à venir à quelques actes d'hostillité allencontre d'eulx, prétendans par ce voult avoir esté par elle envahiz sans qu'elle en eust occasion quelle qu'elle soit, sinon pour empescher que ledict Roy de France ne pcust chastier ceulx qui luy sont désobéissans et rebelles en Escosse, et qu elle aye volu entreprendre de, en ce costel-là, leur donner travcil; déclairant que c'estoit chose qu'il ne peult comporter, et que, s'il vient à prendre les armes allencontre dudict Angleterre, il proteste que ce soit forcé et contre sa volunté, prétendant par ce, que, pour estre Sadicte Majesté en amitié et si cstroict(3 alliance avecq luy, icelle Soit obligé par toute bonne raison à tenir de son costel, sans prester Toreille à chose que de celluy d'Angleterre l'on luy peut dire, pour luy représenter l'obligation des traictez avecq ledict Angleterre, alléguant que iceulx ne se doivent entendre pour en cas que du costel d'Angleterre, voluntairement, sans cause et sans la participation et ad vis du confœderé, l'on voeulle injustement mouvoir la guerre, actendu que lesdictz traictez, comme ilz les déclairent, mesmes ceulx qui passent aulx successeurs, ne sont fondez que sur nmluelle deffense et non pas sur l'invasion voluntaire.

Et que véant Sadicte Majesté les plainctes et proposition des Franehois, désirant d'oster à son possible toute l'aigreur d'entre lesdictz Anglois et Franehois et éviter tout inconvénient auquel ledict royaulme d'Angleterre pourroit tumber, elle avoit fait remonstrer ausdiclz Franehois les causes que probablement povut *i( hiouv \v ladictc lloyn(^ d'Angleterre à se pourveoir de

1560 INTERVENTION DE l'ESPAGNE. 91

gens de gyprre, et mesmes ce, dont à bonne cause elle se povoit , dobter, que véant les apprestes que ledict seigneur ^py de France faisoit contre les rebelles audict Escosse, plus grandes qu'il n'est de besoing pour chastier iceulx, que ce fût à aultre fin et mesmes pour envahir ladicte Royne d'Angleterre, et qu'elle, pour non estre prévenue, avoit quelque ©ause de se préparer et encoires de, à son povoir, empescher que les forces de France ne s'accreussent audict Escosse, pour la commodité que de ce coustel-là Ton pourroit avoir de l'envahir; tendaift Sàdicte Majesté afiîn de persuader ausdictz Franchois qu'ilz limitassent les forces qu'ils vouldroient envoyer audict Escosse, de sorte qu'elles ne donnassent jalouzie aucune à leurs voisins.

Et que, sur ce que lesdictz Franchois faisoient si grande instance pour estre par Sadicte Majesté assistez' contre lesdictz rebelles, et mesmes qu'ilz prétendent que le fondement de ladicte rébellion soit celluy de la religion, tant pour rendre Sadicte Majesté à l'endroict dudict Roy de France l'office qu'il doibt de bon amy et allyé, que pour par ce voult l'attirer à ce que les forces, dont il vouldra user en Escosse, ne soient si grandes que d'icelles ladicte Royne d'Angleterre ait occasion d'avoir doubte, Sadicte Majesté a offert audict Roy de France, espérant par ce voult luy gaigner la volunté, et s'accomodant à la requeste qu'il luy en faisoit, l'ayder de ses propres gens et de ses navires et provisions de guerre allencontre de sesdictz rebelles, pourveu que le nombre qu'il employera au chastoy d'iceulx ne soit plus grand que de quatre mil hommes; et, si cela ne suffit, jusques à sept mil, pourveu que les trois mil, que s'adjouteront aux quatre rail premiers, soient à soulde de Sadicte Mcnjesté, laquelle juge que, se povant admener la chose à ce poinct, il n'y aura riens dont avecq raison ladicte Dame doibve craindre, puisque seullement les quatre mil seront à la soulde de France, et que de ceulx de Sa Majesté elle ne doibt avoir double, attendu qu'ilz seroient là, pluslost pous empescher que l'on ne luy fit grief en ses pays, que non pas pour luy faire fâcherie et moleste.

Et que, sur ce que lesdictz Franchois ont très instamment

requis affin qu'il leur fut permis de mener audict Escosse tant de gens qu'ilz vouldroient, spécifïîans les appresles grandes que jà ilz font pour ce costel-là, et que le tout estoit sur le fondement de Fassistence qu'ilz dient que la Royne d'Angleterre donne et prétend donner ausdictz rebelles, disans à ceste cause avoir befioing d'y envoyer grandes forces pour éviter d'en recepvoir honte 6t dommaige, Sadicte Majesté, pour le bien de la Royne et ne voyant aultre chemin pour effacer ce seul arçument que restoit ausditz Franchoîs, èur lequel ite se rendoient difficiles au point de la modération des forces avant dictes, s'est enchaînée de luy persuader qu'elle se désiste de donner port ny assistence aucune ausditz rebelles, actendu qu'estant par ce voult asseurée de ce qu'elle pourroit craindre des Franchois, elle n'auroit occasion quelconque de soustenir les rebelles de ses voisins contre leur seigneur; et que, pour luy persuader, l'on vous envoyé celle part, combien que Sadicte Majesté confye que aysément elle s*y laissera induire, considérant l'évident hazard auquel aullrement elle pourroit inévitablement tumber, et que par sa prudence elle considérera très bien; et mesmes, remémorant Testât de ses affaires, la division qu'est en son royaulme pour le fait de la religion, son pays ouvert du cosjtel d'Escosse, le peu de forteresses que se trouvent en toute Angleterre que soient bien entendues, la commodité que le Roy de France auroit de l'assaillir de deux costelz, les fraiz que luy seroient insupportables, et mesmes, estant l'estat de ses finances, tel qu'elle sçait estré, congneu à Sadicte Majesté, avecq ce que, dèz le commenchement de ces troubles, elle y a jà despendu beaucoup; et que, combien elle ait personnaiges savans et expérimentez en guerre, ilz ne sont en si grand nombre qu'il seroit bien requis pour pourveoir à tous costelz contre ung si puissant ennemy comme le Roy de France, oultre ce que l'on luy pourroit imputer qu'elle donnast occasion aux troubles de la Chrestienneté, et que partout il sonneroit mal que l'on publiast qu'elle fut cause de nouvelle guerre sur le fondement de vouloir donner assistence à subjectz rebelles dudict Roy de France; car, quant à la conjecture qu'elle iait que ce soit

1560 INTERVENTION DE l'ESPAGNE. 93

pour de Escosee Fenvahir, encoires que vers aucuns cela aura quelque apparence, touttesfois l'universel jugera que ce n'est pas bon fondement de mouvoir la guerre sur seuUe conjecture, et davantaige que, 'quant l'on entendra la modération que le Roy de France se contente de faire de ses forces, ceste conjecture cessera pour faire enthièrement tumber le tort sur elle; avec ce que, pour une occasion si juste, Sadicte Majesté ne pourra délaisser de donner assistence audict Roy de France, non pas contre ladicle Royne d'Angleterre (avec laquelle Sadicte Majesté veult conserver et conservera toute amitié; mais allencontre des subjectz dudict Roy de France au royauhne d'Escosse, désobéissans et rebelles à îcelluy); et ne peult Sadicte Majesté espérer aultre chose sinon que, congnoissant la raison, elle s'accomodera à icelle, et mesmes tenant considération à l'asseurance que par ce voult Sadicte Majesté iuy procure, empeschant que ledict Roy de France n'aye plus grandes forces au costel dudict Escosse que celles cy-dessus déclairées.

Et pour aultant que Sadicte Majesté ne vouldroit que, se confiant du tout de l'asseurance que donnent les Franchois de modérer, comme dessus est dit, leurs forces en Escosse, elledésarmast enthièrement, et que, la voïant les Franchois désappercéue, ilz prinssent occasion de l'envahir et d'augmenter leurs forces audict coustel d'Escosse eh plus grand nombre que des sept mil hommes avant dictz, vous Iuy direz que Sadicte Majesté Iuy conseille qu'elle tienne ses gens en pied, tant par mer que par terre, en nombre raisonnable, pour estre pourveue contre ce que l'on vouldroit intente»; et que, se retirant et départant enthièrement de la faveur et assistence des rebelles, et laissant convenir ledict Roy de France avecq eulx, et retirant ses gens qui sont sur la frontière d'Escosse dedens ses limites, elle soit au surplus sur sa garde; et davantaige se face enquérir sur la coste de France du nombre des gens de guerre que ledict Roy de France vouldra faire passer en Escosse pour le chastoy desdictz rebelles, afiîn que, s'ilz excèdent le nombre pourparlé comme dessus, elle regarde, par les moyens que Iuy senû)leroient convenir, d'empe^

94 INTERVENTIOiN DE L'ESPAGNE. 1560

cher le passaige d'iceulx; et que Sa Majesté aura soîgneulx regard et fera veiller continuellement et estre au guet pour descouvrir aussi de son costel si ledit nombre s^excédera, affin d'en advertir ladicte Dame, tenant en ce avecq elle la correspondence qu'il convient, et procurera, par les moyens qui luy sambleront convenables, d'empescher aussi de son costel ladicte accreue.

Et si ladicte Dame vous mect en avant les plaincttes qu'elle a fait contre les Franchois, non seulement des forces que iceuk prétendent avoir en Escosse à TocêBsion du chastoy desdictz rebelles, à quoy il est cy-dessus respondu, mais aussi pour le title que la Royne de France usurpe de royne d'Angleterre, et des armes d'Angleterre qu'elle porte, vous luy direz la satisfaction qu'en l'ung et l'aultre donne ledict Roy dç France, lequel, à ce que l'on entend par lettres du seigneur de Chantonney, ambassadeur, a faict traicter sur ce poinct avecq Fragmarthon (*), ambassadeur de ladicte Royne d'Angleterre, et que l'on tient que, par lettres dudict Fragmarthon, elle aura entendu ce que passe sur ce poinct; et espère que l'on luy donnera en cecy, du costel de France, raisonnable satisfaction : laquelle, jàsoit qu'elle ne se donnast du tout au contentement de ladicte Dame, si ne sambleil que ce seroit chose suffisante pour Tctourner aux armes, et mesmes ayans les Anglois si longuement porté le title de roys de France sans qu'à ceste occasion guerre s^ soit esmeue entre eulx; et que, pour le poinct des armes, estant la Royne de France du sang d'Angleterre, tant moindre seroit ladicte occasion, et qu'il vauldroit mieulx que ce poinct se vuydast par négociation, avecq le moyen des ambassadeurs, que non pa§ par la force.

El pour aullant que vraysamblablement, sur les propos avant dictz, elle .voua pourroit presser affin que vous luy déclairissiez si, envahissans les Franchois le royaulme d'Angleterre et les pays comprins au traicté, Sadicte Majesté l'ayderoit ou non, vous tiendriez grand regard de luy respondre tousjours en cecy gênérallement, disant que, comme il n'estoit nouvelles que les Fran-

(•) Sir Nicolas Throckmorion. »

1560 INTERVENTION DE L*ESPAGXE. ' 95

chois Teussent envahy ny qtfilz fussent déterminez de ce faire, Sadicte Majesté ne vous a riens fait entendre de son intention sur ce poinct, mais que vous tenez pour certain que Sadicte Majesté ne fauldra aucunement de en tout temps accomplir ce à quoy elle se trouvera obligée par le traictc, puisque par ce voult ny vous luy reffuserez" rassistenee de la part de Sadicte Majesté, affln que cy-après en nul temps elle ne puisse" prétendre que, contre ledict traiclé, Ton luy ait dényé le secours deu par icelluy, ny, respondant ainsi f énérallemeat, se pourra asseurer déterminéement qu estant assaillye Ton luy doibve donner Tayde, et se doubtera assez du fondement^ avecq lequel Ton hxy pourroit refuser icelle, si, de sa libre volunté et contre Fadvis de Sadicte Majesté, son confédéré, elle vient d'elle-jiiesmes à mouvoir la guerre sans actendre que Ton Tassaille, pour après, en vertu dudict traicté et suivant les articles d'icelluy, demander ladicte ayde et la déclaration. Et n'est apparent, en cesle doubte, elle se mecte si librement à se déterminer contre France sur Fespoir et asseurance qu'elle prend que Sadicte Majesté, pour son propre intérest, soit pour porter la querelle de ladicte Uoyne, bonne ou mauvaise qu'elle puisse estre.

Et de la response que ladiqte Dame vous donnera et de ce que vous négocierez en cecy et de tout ce que vous porrez discovrir de Testât des affairts, il sera besoing que vous et ledict ambassadeur m'advertissez icy en diligence pour correspondre à Sadicte Majesté, comme elle m'en charge, et aussi avccq celluy qu'elle doibt envoyer en France et avecq ledict ambassafleur de Sadicte Majesté ^ résident, remectant à vostre prudence et dextérité de, en tout ce que dessus, encheminer les choses comme vous verrez mieulx convenir à l'intention de Sa Majesté, telle que vous avez congneu par ses lettres et les picclies y joinctes et comme elle vous est plus spéciallement déclairée par ce que dessus.

Et pour aultant que vous savez le désir que le Roy, mon seigneur, a eu et a présentement de procurer que Monseigneur l'archiducq Cjiarles peut parvenir au mariaige de ladicte Royne

96 INTERVENTION DE L'ESPACNE. 1560

d'Angleterre, pour. solliciter lequel les choses sont passées par les termes que ledict ambassadeur, évesque de la Quadra, vous pourra déclairer plus particulièrement, comme celluy qui a esté présent au temps que ledict seigneur comte de Feria le mit premièrement en avant, et que depuis toute ceste négociation s'est traictée par son moyen, combien que ûnablement Sa Majesté Impérialle, voyant que ladicte Dame s'arrestoit à non se résouldre sur le point de son mariaige, continuant de dire que jusque^ à oires elle n'avoit votunté de se marier, quoyque ses subjectz Fen pressent, mais que bien pourroit-il advenir que, si elle veoit partie que luy fut agréable, elle pourrpit changer de volunté, aïant ce nonobstant démonslré désir que ledict seigneur Archiduc vint en Angleterre à couleur de visiter le pays, et qu'elle le verroit volenliers, avecq protestation toutesfois qu'elle n'entendoit par ce donner espoir quelquoncque que, y venant, ledict mariaige se deust faire, mais bien disant expressément que jamais elle ne se marieroit avecq qui ce fût qu'elle ne l'eust veu, pour l'avoir ainsi déterminé et juré; et que, sur les remonstrances que luy sont esté faictes que ce seroit trop grande desréputation de Sadicte Majesté Impérialle de faire venir son filz, si, venant sans plus de fondement, le mariaige ne se faisoit; et que, aïant esté mis en avant à ladicte Royne, de la part de Sadicte Majesté, que, qui se pourroit accorder des articles de mariaige, elle envoyeroit par delà ledict seigneur Archiduc, à condition que si la personne ne la contentoit, riens ne se fit, icelle ne s'est volu obliger davantaige, ains a persévéré en ladicte protestation de non vouloir que la venue dudict seigneur Archiduc la lyast ou obligeast à riens, Sadicte Majesté Impériale se soit résolue de commander au conte de Helfenstain, son ambassadeur, que courtoisement il rompit le fil de ceste négociation sans en plus parler, et que sesdictes négociations, doires en avant, fussent d'ambassadeur ordinaire, sans plus solliciter ledict mariaige; toutesfois, pour aultant que Ton entend que plusieurs du pays désireroient que ledict mariaige se fit, si, pendant que vous serez là, vous et ledict évesque, suivant le progrez que pourra prendre la négo-

dation et que les affaires se trouveront disposez, voyez qu'il y eust apparence de povoir parler de cedit mariaige avec espoir de fruict, et le tout avecq la participation sur ce poinct dudit conte d'Helfenstain, vous regarderez de en cecy faire les offices de la part dudict seigneur Roy, mon seigneur, que incontinent vous verrez convenir au bon encheminement de ceste alliance tant désirée par Sa Majesté pour Taffection qu'elle porte à Sadicte Majesté Impérialle et audict seigneur Archiduc, et que à iceulx et à Sa Majesté propre, pour le bénéfice de ses royaulme et pjiys, ledit mariaige seroit à propos; ne faisant doubte que, congnoissant ce désir de Sadicte Majesté, et combien cecy importe, si vous voyez les choses disposées, vous vous y employerez pour, à la sollicitation de ce, faire, de la part- dudict seigneur Roy, mon seigneur, tout le bon office que vous sera possible. Fait à Bruxelles, le xxvir de mars 1559 avant Pasques..

1559-60. — 29 Mars.