JEAN TALBOT

Promesse faite par Jean Talbot au bâtard d'Orléans de lui paier six mille salus pour la délivrance de Henri Reddefort, prisonnier ^u dit bâtard. Ce curieux document m'a été communiqué par M. Eugène Minoret.

Nous Jehan, comte de Cherosbery, seigneur de Talbot et de Fourny val, promectons par la foy et serement de nostre corps et sur nostre honneur et ordre de la Jarretière que portons, à vous, hault et puissant seigneur monseigneur Jehan, bastart d'Orléans, conte de Dunoyset de Longueville, que en délivrant franc et quicte de toutes choses avec bon sauf conduit mes sire Henry Reddefort, vostre prisonnier, vous paier, bailler et délivrer ou faire paier, bailler et délivrer la somme de six mille saluz ou troys mille nobles bons et de pois, dedans le jour de nostre dame de la Chandelleur prouchain venant en la ville de Bruges, ou dedans icelluy jour vous rendre le corps dudit messire Henry, mort ou vif, ou cas qu'il ne seroit tué en armes par les gens de vostre party. Et à ce faire, tenir et acomplir nous obligons tous et chascuns nos biens meubles et immeubles et ceux de noz hoirs présent et advenir, pour estre à ceste cause nous, noz hoirs ou ayant cause, condempnez et contrains en toutes cours soient de princes ou autres et par devant tous juges ecclésiastiques ou séculiers et mesmement en la chambre apostolique, à laquelle et toutes les rigueurs d'icelle nous nous soubzmectons quant aux choses dessus dictes, sans ce que pour ce entendons estre desrogé aux généralles