LE DUC DE GUYENNE

Moy, qui suis le duc de Guyenne, Porte la bannière seconde, Au sacre du roy, c'est enseigne.

A mon service je my fonde.

Mieux voudrois en chartre profonde Mourir, que fusse reprouvé De cœur desloyal en ce monde, Contre le roy ne ses privez.

l'évesque et comte de beàuvais.

Moy, comte évesque de Beàuvais, La cotte d'armes pour mestier, Au sacre du roy, par beaux fais, A celuy jour je doy porter ; A ce m'ont voulu ordonner :

C'est mon office espécial; Autre ne me pourroit trouver, Fors que bon per juste et loyal.

le comte de champaigne.

Moy, qui suis comte de Champaigne , Au sacre du roy, pour ma part, Je supporte la seure enseigne Du roy, qui est un estendart :

D'espée, de lance ou de dart

Aymerois bien mieux estre mort, Que je fusse trouvé couart Au sang royal ne son effort.