CXVI. — 30 janvier 1433 (n. st
Ordonnance des trésoriers qui, sur les sommes d’argent dues au comte d’Arondel, capitaine du château de
Rouen, rabattent la moitié du prix de 60 mesures de bois brülées lors de la prise du dit château par Ricarville et le prix de 19 autres mesures de bois prélevées sur les 40 qui ont élé mises, cette année-là, sur le pont de Rouen. (Arch. de la Seine-Inférieure, Fonds Danquin. Original ; trace de deux signets en cire rouge.)
Les tresoriers et generaulx gouverneurs de toutes les finances du Roy nostre sire en Normandie a Pierre Surreau, receveur général desdictes finances, salut. Pour ce que avons esté deuement acertenez que la quantité de soixante mesures de boiz mis par Michiel Durant, viconte de Rouen, ou chastel dudit lieu en l’année finissant a la saint Michiel derrain passé pour la provision d’icellui et baïllées en la garde de Jehan Lampet, escuier, lieutenant de ladicte place soubz monseigneur le conte d’Arondell, ont esté partie d’iceulx soixante mesures de boiz arses et degastées tant a la prinse dudit chastel faicte par les ennemis du Roy nostredit seigneur ou moiz de fevrier derrain passé que autrement, pourquoy voulez fere rabaiz sur les gaiges de monseigneur le conte d’Arondell d’autant que puet valoir icellui boiz, Nous en consideracion ad ce que dit est et que des choses dessusdictes sommes deuement acertenez, avohs ordonné et ordonnons par ces presentes que de la perte d’icellui boïz sera la moictié prinse sur le Roy nostredit seigneur et l’autre moictié montant a la some de huit livres quatorze solz tournois sur mondit seigneur d’Arondell, et au regart d’autrez quarante mesures mises en ladicte année sur. le pont dudit lieu de Rouen pour les causes dessusdictes sera semblablement deduit et defalqué a mondit seigneur d’Arondell la somme de cent unze solz tournois pour dix neuf mesures de buche prinses d’icelles quarante mesures de boiz. Sy vous mandons que en rabatant icelles sommes
vous ne differez aucunement faire compte et payement a mondit seigneur d’Arondell de ce qui lui puet estre deu pour la garde desdictes places. Donné a Rouen soubz noz signetz le xxx° jour de janvier l’an mil ecce trente deux. Desquelles sommes cy dessus desclairez montans en somme toute a quatorze livres cinq solz tournois, vous receveur serez tenu faire recepte au prouffit du Roy nostre sire. Fait comme dessus. [Signé] Le Fournier (avec paraphe).
