CLVII. — 13 mars 1438 (n. st

Adjudication au rabais à Guillemin Gueroult, au prix de 67 sous 6 deniers la toise, d’un mur à faire en l’hôtel de la Chambre des Comptes à Rouen. (Arch. de la Seine-Inférieure, Fonds Danquin. Original.)

Pour le bien et seureté de l’ostel ou se tient la chambre des comptes, Messeigneurs de ladicte chambre ont advisé et ordonné de faire ung bon mur de pierre de taille entre les deux maisons, c’est assavoir dont l’une est assise sur la rue [aux Oues] et l’autre sur la rue de Barbastre, et clorra ledit mur le gardin d’entre icelles deux maisons du costé de devers Robinet le Cauchoïis et contendra icelui mur de six a sept toises de long ou environ et sur la haulteur de deux toises ou environ et de l’espoisse de deux piez depuis le rez des terres jusques a la haulteur du dessoubz du premier planchié de la maison de derriere de devers Barbastre, et sera icelui mur fondé bien et deuement et haulchié de quatre assises au dessus des terres de pierre dure des carrieres du Val des Leups et le seurplus de sa haulteur sera fait de pierre tendre des carrieres d’Orival ou des carrieres de la Bouylle, et l’ouvrier qui fera ledit mur sera tenu de le fonder, taillier et machonner bien et deuement tant en sa longueur que en sa haulteur et de trouver pierre, mortier, clayes, establyes avec toutes paines d’ouvriers. Et se baïlle ledit mur a rabais [par cous|tume a qui pour mains le fera pourveu que l’ouvrier soit souffisant de ce faire. Et aussi sera tenu ledit ouvrier de fere tous wydages et descou..... des terres et les mener et mectre en tel lieu qu’ilz ne donnent

empeschement a nully, et est la toise de ceste besongne mise a prix du premier denier a six livres et depuis a esté rabaiïssiée à cent soulz.

En la chambre des comptes du Roy nostre sire a Rouen devant messeigneurs desdiz comptes au burel de ladicte chambre, apres ce que maïstre Alixandre de Berneval, maistre des euvres de massonnerie du Roy nostredit seigneur eu bailliage de Rouen, oult tesmongnié et recordé qu'il avoit fait les criées et banies de la tache de massonnerie cy dessus devisée au lieu et en la maniere acoustumée et qu’elle ouit esté rabaissie par Guillemin Gueroult masson et mise chacune toise de ladicte massonnerie a la somme de Ixvij solz vi deniers pour toutes choses auquel prix elle lui fu adjugée comme au derrain rabaïsseur. Fait en ladicte chambre le xïij® jour de mars l’an mil cece trente sept, present moy [Signé] Gente (avec paraphe).