CLIX. — 31 mai
Adjudication au rabais à Perrin Bardot, au prix de 16 sous 6 deniers la toise, d’une tâche de charpenterie à faire au Palais du Roi à Rouen. (Arch. de la Seine-
inférieure, Fonds Danquin. Original; trace de trois cachets en cire rouge.)
Cy ensuit le devis d’une charpenterie qu’il esconvient faire dedens le palaiz du Roy nostre sire devant la tour Maucifrocte : C’est assavoir depuis le viel mur de la ville jucquez au paon de mur tenant a ladicte tour auprés du bostlevert joignant a icelui paon de mur, laquelle charpenterie contendra de longueur vingt toizes ou environ de la haulteur de solliveaulx de quatorze a quinze piez de long,.qui convendra fermer par bas a mortoize et a tenon jontifz sur une solle, et par hault a une piece de boïs en maniere de parne et par voie ou il sera advisé et ordonné sera couppé deux desdiz solliveaulx et y mectre ung traversain a mortoize et a tenon sur les deux dis solliveaulx, affin que ladicte charpenterie soit en maniere de creneaulx. Et dedens œuvre pour soustenir ladicte charpenterie auprés de dix a douze piez l’un de l’autre contenans de ladicte longueur a chascune place une solle contenante cinq piez de long et une entretoïze au dessus a mortoize et a tenon par bas et par hault par tout ou il escherra, fermez de deux liens eroisies pour soustenir ladicte charpenterie et allée qui sera dedens œuvre, et a chascune ferme desdictes solles et entretoïses aura ung post d’un desdiz soliveaulx ou se fermeront lesdictes solles rentretoises et se passera au dessus de ladiete allée trois piez ou environ pour faire une apuye dedens œuvre de la longueur devant dicte et y mectre a chascune espasse desdiz piez devant diz deux ou troys solliveaulx pour mectre claes ou aes de l’un bout a l’autre.
Item esconvendra faire avant soy la bee d’une porte pour aller a ladicte tour et audit palais ou il sera devise.
Item au bout d'’icelle charpenterie auprés dudit mur de la ville esconvendra faire la bee d’une porterne pour aller
a ladicte tour, ung degré ou deux de bois, se mestier est, ou il sera devise.
Item depuis la grosse tour d'’icelui palais en allant devers la Saine semblable charpenterie comme devant est desclairé, contenant de neuf a dix toises de long ou environ et l’ouvrier qui fera ladicte besongne sera tenu de fere et parfaire bien et deuement comme l’ouvrage le requiert, rendre tout prest sur bout du mestier de charpenterie, et le Roy lui sera tenu trouver bois dedens ledit palais et est a prix du premier denier chascune toize boutée avant a la somme de cinquante solz par Mahiet Brebion; fem rabessie par Jehan du Val et mis a quarante solz ; tem aprez plusieurs rabais mise chascune toize par Jehan de Soissons a vingt cinq solz, rabessée par Perrin Bardot et mise a vingt deux solz six deniers, rabessiée par Jehan de Soissons et mise a vingt solz tournois.
L'an de grace mil quatre cens trente et huit le derrain jour de may devant nous les gens des comptes du Roy nostre sire a Rouen, en la chambre desdiz comptes, aprés ce que maistre Jacques de Socteville, maïistre des œuvres de charpenterie du Roy nostre sire a Rouen oult recordé avoir fait les criées des tasches de charpenterie dont cy dessus est fait mencion selon les devis cy devant escrips par trois jours continués au lieu acoustumé a Rouen et fait savoir que le rabais s’en passeroïit aujourdui, toute ladicte besongne de charpenterie selon lesdiz devis fu adjugée a Perrin Bardot par le prix de saize soulz six deniers chascune toize comme au derrain rabesseur. [Signé] Gente (avec paraphe).
