CLXVIII. — 31 octobre

Quittance de charrons rouennais pour fourniture de roues servant au montage de pièces d’artillerie. (Areh. de la Seine-Inférieure, Fonds Danquin. Original.)

L'an de grace mil cece quarante, le derrain jour d’octobre, devant nous Guillaume Coudren, lieutenant de honnourable homme et sage Rogier Mustel, viconte de l’eaue a Rouen, furent presens Colin Chevrier, Martinot le Charon et Jehan Chevreau charons demourans a Rouen, lesquelz congnurent et confesserent avoir eu et receu de noble Guillaume Fforsted, escuier, maistre des ordonnances du Roy nostre sire en Normandie la somme de dix livres dix solz tournois qui deu leur estoit pour la vente, baïl et livrée par eulx faite es mois de juillet et aoust derrainnement passés, c’est assavoir ledit Colin Chevrier :

pour deulx peres de rooes, chascune pere au pris de xxx s0lz tournois, pour ledit Martinot le Caron troiz peres de rooes, chascune pere audit pris de xxx s. t. et ledit Jehan Chevreau pour troiz pere autres rooes, chascune pere audit pris de trente solz tournois, icelles rooes achestées pour monter certains canons et ribaudequins estans esdictes ordonnances; montent ensemble ladicte some de x I. xs. t. de laquelle et chaseun pour le tout se tindrent pour contens et bien paiés par devant nous et en quicterent et quietent le Roy nostredit seigneur, ledit escuier et tous autrez. Donné comme dessus. — G. Coudren.