LXXXIII. — G janvier 1431 (n. st
Accord entre Guillaume Blancbaston, Jean du Sauchay et Guillaume Paon au sujet de la part de deniers qui revient à chacun d’eux pour avoir fait la recette de la composition de la ville de Rouen. (Reg. du tabellionage de Rouen, 1430-1431, fol. 163 recto.)
Samedy vi® jour de janvier mil iiij® xxx........... : Comme descord fust meu ou esperé a mouvoir entre Guillaume Blanchaston, d’une part, et Jehan du Sauchay et Guillaume Paon au droit de sa femme ouparavant femme de feu Guillaume Chenat et les hers ou executeurs d'’icellui ieu Chenat d’autre, sur pluseurs demandes que ilz faisoient l’un a l’autre, c’est assavoir ledit Blancbaston a
avoir part et poreion es gaiges et prouffis qui estoient yessus pour raison du service que avoient fait ensemble par aucun temps lesdiz Blanchaston, Sauchay et Chenat en faisant la recepte de la composicion de la ville de Rouen, dont ledit Blanchaston disoit et maintenoit que le tiers d’iceulx gaiges et prouffiz lui appartenoit par certain appointement et promesse faicte entre eulx selon ce qu’il povoit apparoir par une cedulle signée desdiz Sauchay et Chenat, et aussi contendoit que les dessusdiz le delivrassent et acquitassent de son assiz d’icelle composicion selon le contenu en ladicte cedulle, et mesmes contendoit a avoir liïij livres ïïij solz x deniers qui tauxez avoient esté audit Blanchaston pour certain temps qu'il avoit vacqué ou fait de ladicte recepte, sur quoy lesdiz Sauchay et Paon, tant pour lui, sadicte femme que les heritiers et executeurs de icellui Chenat, disoient que ledit Blancbaston n’avoit pas cause de leur en fere aucune demande, tant parce qu'il n’avoit pas fait le service come eulx que autrement, et se il en devoit avoir aucune chose, si devoit il premierement contribuer au paiement de leurs composicions par egal porcion selon le contenu de ladicte cedule, et si devoient avoir les deux pars en iceulx liñij livres iiij solz x deniers ; et oultre disoient que ledit Blanchaston par certaines cedulles leur devoit pour prest ij° livres et plus, desquelz ij° livres ledit Blancbaston disoit avoir fait les paiemens ; et pour eviter a procés eussent pluseurs foiz parlé ensembles par le moyen de leurs amis pour seur ce traicter et appointer ; Savoir faisons, etc., furent presens lesdiz Blanchaston d’une part, lesdiz Sauchay et Paon pour lui, sadicte femme et soy faisant fort pour les heritiers et executeurs dudit Senat d’autre, lesquelz confesserent avoir sur ce fait traicté et appointement entre eulx, c’est assavoir que toutes lesdictes cedulles tant d’un costé que d’autre seront cassées et adnullées moiennant et parmi
ce que lesdiz Sauchay et Paon seront tenus paier audit Blanchbaston la somme de evi livres tournois, laquelle some sera et demourra en leur main jusques a Pasques prochain venans que temps a esté donné audit Blanchaston de paier sadicte composicion, et de ce baiïllerent cedulle signée de leurs mains qui sera et demourra en la garde de Ricart le Forestier, bourgois de Rouen, par laquelle ilz promectront paier icelle some dedens ledit terme de Pasques audit Blanchaston ou au porteur de ladicte cedulle et par ce moyen quicterent et quictes clamerent l’un l’autre et leurs hoirs a tous jours de toutes les demandes et actions quelzconques qu'ilz eussent peu ou pourroient fere l’un a l’autre de tout le temps passé jusques au jour duy. Et a ce tenir, ete., obligans, etc., l’un a l’autre biens, etc. Presens Henry Lancestre et Jehan Gouel.
