XXXVII. AULTRE CHANSON NOUVELLE

De Hedin, sur le chant de : Marseille la jolie.

Hedin fut assaillie Par le Koy des Françoys DeArant Pasque fleurie, En merveilleux arroys; Prinse fut toutes foys Sans grande résistance Par le bon Roy Françoys Et gens de sa puissance.

Auchi, bon capitaine,

Y fut frappé à mort, Dont par jour et sepmaine Jay au cueur ung remord.

Et puis par grand effort, On mect l'artillerie Devant le chasteau fort

Y faisant baterie.

Par un jour fut battue La tour du fort chasteau, La muraille abattue, Six toises et un lambeau.

Mais ce trabystre trouppeau De nuict tous se rendirent, Ce qui ne nous fut beau, Car plusieurs en moururent.

Le noble Roy de France Leur donna leur pardon, Qui néantmoins l'offence Ne leur estoit guerdon ; Car par coups de canon A mort mirent en la bresche Harecourt, le baron, Qui nous fut dure empesche.

Or laissons ces paroles

Et chantons tous d'amours,

Filles, faictes carolles

Et laissez vos clamours;

Reprenons nos amours

En ce moys de plaisance,

Ce moys tant humble et doulx

Qui a son nom régence.

Un compaignon de France La chanson composa, Que au Met de souffrance Fortune disposa.

Chapperau se nomma ; Des malheureux l'esclave Qui du camp retourna En estât non trop brave.

68 I IIAN80NS