JI AN SONS

Car de deux ans, comme je croy, Nous n'y aurons faulte de riens, Veu que sans luy ne pouvons riens;

Faisons luy révérence, Car j 'avons pour nous resjouir

Pleine vinée en France.

Gaignez au pied tous godaillers, Brasseurs de bierre et hoquebars, A Valcuches ou à Monts, A Flandres où sont les drocars.

Il vous faut livrer celle part

Et prendre en patience, Car j'avons pour nous resjouir

Pleine vinée en France.

Dieu doint au noble Roy Françoys Joye et bonne prospérité, Et à tous bons princes courtoys Avoir paix et tranquillité', Bonne amour et fidélité

Sans avoir différence, Car j'avons pour nous resjouir

Pleine vinée en France.

Demandons à Dieu paradis, Plus aultre chose ne nous fault, Et le servons en faicts et dis, Si nous voulons monter là haut; Ainsi nous aurons sans défïault

Paradis sans doubtance, Car j'avons pour nous resjonyr

Pleine vinée en France.