PIEGES JUSTIFICATIVES
Lan de grâce mil cloq cens quarante , le dimence unziesnie jour davril aprez Pasques oudict an , suyvant lordonnance faicle par la délibération des cure , trésoriers tant modernes que anciens et aultres parroissiens en grand nombre de ceste église parroissiale de Sainct André de Rouen , assemblez ainsy quil estoit de cousturae anciennement le mardy des festes de Pasques mil cinq cens trente neuf , le huytiesme jour davfil , jour des comptes ordinaires. Cest assavoir , que par icelle compaignie assemblée ledict jour de mardy dessus déclare fut dict« deltbereyet conclud que , neanlmoias que tous les ans passez avoit este observe et acoustume en ladicte église que par chacun an les trésoriers dicelle église rendoient le compte de la mise et recepte quilz avoient faictz pour la dicte église en nom que dessus le mardy des festes de Pasques par chacun an comme dict est Si touttefoys, pour plusieurs causes et raisons a ce mouvans les dicts cure, trésoriers et parroissiens , et aussy que ceulx qui avoient a rendre leurs comptes esloient trop précipitez a raison et a cause que le dict jour de mardy des festes de Pasques ^ jour ordinaire de la rendition des comptes , estoit trop prochainement suyvant le jour très sacre de la feste de Pasques. Et aussy en contemplation que en telz et semblables affaires le plus souvent se meuvent ou peuvent mouvoir plusieurs noyses , debatz et contro* verses, qui est une chose assez et plus que trop abominable, considérée la récente et quasi présente réception du très sainct, très sacre et vénérable sacrement de lautel , mystère de nostre saincte foy catholique. Et encor que plus tost en ces jours Va très sacrez et a toute dévotion dédiez , lennemy capital des fidèles crestiens sefforce a reduyre et remectre division et occasion de pecche entre les dicts fidèles. A ces causes , pour obvier et aucunement remédier a telz danglers induisans les crestiens a plusieurs offenses et pecchez , fut dict , deliberey et ordonney par les dicts cure , trésoriers et parroissiens , dont les noms sont spécifiez et déclarez aux trois derniers comptes renduz cy dessus escripiz et enregistrez , que pour le temps advenir « les comptes de ceste dicte église de Sainct André se rendroientet seroient renduz le segond dymence daprez le Jour de Pasques qui se dict le dymencc de Miserxcordia. Et aussy fut ordonne que, tous les ans et par chacun an pour ladvenir, se feroit élection et nomination dung trésorier pour le bassin de la Vierge Marie
50 NOTICB SUR SAlNT-ANDRti*DE-LA-VILLB ,
le dymeocc de grandz Pasques, après les vespres , pour et a cause de la présence generalle des trésoriers et aultres parroissiens de la dicte église ; aprez la nomination daquel, icelluy nomme pourroit accepter ou accorder , accepteroit ou accorderoit la dicte nomination et élection , ou aultrement pourroit dire de vive voix la cause ou causes de son excuse et refuz; et allors les dicts cure et parroissiens y pourvoirroient dung aultre sur le champ , si lesdictes causes et excuses estoient suffisantes et raisonnables pour les dessus dicts cure et parroissiens ; laquelle chose ne povoit pas faire les ans passez que len faisoit ladicte élection ledit Jour de mardy des festes de Pasques, obstant que le plus souvent et ordinairement celluy qui estoit nomme et esleu pour estre trésorier estoit absent et hors la ville et dont venoit souvent fâcherie aux aultres trésoriers et parroissiens. Et aussy fut dicl et ordonne que les offices et charges des trésoriers respectivement dureroient jusques et comprins le samedy des festes de Pasques, et le lendemain , ^ui est le dymence de Quastmodo f commencheroient respectivement aussy les offices et charges des trésoriers et du nouvellement eslu, et puys, comme dict est, rendront leurs comptes 9 lan révolu , le dymence daprez le dymence de Quastmodo^ qui se dict le dymence de Misericordia , et ainsi continuer le temps advenir dan en an. Et aussy fut dict et ordonne que le nouveau eslu trésorier ne feroit aucunement disner ne despence qui se dtsoit le dùner de lalose , lequel avoit este introduict depuis quinze ou vingt ans eu ca. Et aussy fut ordonne que le trésorier qui se departoit de toute la charge de trésorier ne feroit disner ne banquet sii ne luy plaisoit , et sii en faisoit , ce seroit a la plus grand sobriété quil seroit possible , considérant que superfluite et prodigalité ne prouffite en riens , ains despiaist grandement a Nostre Seigneur, et auquel disner et banquet seroient seullement invitez le cure de ladicte église ou son vicaire , les trésoriers modernes et les aultres trésoriers anciens pour lors demourans en ladicte parroisse , et aussy quatre ou cinq des plus eminens bourgoys et parroissiens de ladicte église et aucuns des prestres et chappellains , sii veoit que bien soit et qui luy plaise ; et aussi sera tenu ledict trésorier les faire inviter deux jours devant par personne honneste et entendue, tant pour assister a la rendition des comptes que assister aussy audict disner. Et davantage fut dicl et ordonne que le cure de la parroisse ou son vicaire seroit tenu dire et publier a son prosne le dymence de Quastmodo que les comptes de leglise et des trésoriers se rendroient le dymence prochain ensuyvant , qui est le dymence de Misericordia , et pour la cause la messe parroissiale de ladicte église se dlroit ledict dymence a sept heures de matin, pour par aprez procéder et vacquer a laudition desdicts comptes , a la plus grande modestie et doulceur quil sera possible , ayant tous ensemble devant les yeulx le sainct honneur de Dieu et de son église et le prouffit et toute augmentation de son bien tant spirituel que temporel. Et lesquelles choses dessus dictes furent encor par les trésoriers et parroissiens cy aprez escriptz, confermez et ratifiez le propre jour de Pasques
dernier passe, aprez vespres , eo faisant lelection et nomlnalion dung trésorier , en laquelle élection fut eslu et nomme noble bomme maistre Jaques Thorel » viconle de Lislebonne , lequel accepta ladicte élection et nomination de sa personne. Et aassy par lesdicts trésoriers et parroissiens , le jour de la rendition de ce présent compte» fut accordée, confermee et grandement approuvée ladicte ordonnance C7 dessus escripte et déclarée. Et pour toutes ces causes , ledict jour de dymence de Mtsericardiay unziesme jour davril aprez Pasques mil cinq cens quarante , jour des comptes y Guillaume Le Marchant , trésorier des deniers et revenu prouvenant de la queulte du bassin de la Vierge Marie en ladicte parrolsse et église de Salnct André de Rouen , a rendu ce présent son compte bon et loyal en la présence de moy Pierres Langloys prestre , cure de ladicte église Salnct André 9 et aussy en la présence des aultres trésoriers et parroissiens cy aprez denomez. Par lequel compte veu, examine et calcule par les dessus dicts cure, trésoriers et parroissiens , jouxte le papier ou cayer baille et exhibe par ledict Le Marchant, a este trouve que la Recepte faicte par ledict Le Marchant» en nom que dessus » pendant et durant son année commenchante le merquedy neufiesme jour davril aprez Pasques mil cinq cens trente neuf, ledict jour Includ*, et finissant le dymence quatriesme jour davril aprez Pasques mil cinq cens quarante , ledict jour exclud. — Icelle Recepte se monte a la somme de cinquante et une livres dix-neuf sois tournois. Laquelle somme de Li \ xix '. tz. ledict Le Marchant a présentement payée , baillée et lyvree par le consentement dudict cure, trésoriers et parroissiens entre les mains de honorable homme Geuffroy Bocquet» trésorier de lœuvre et des rentes de ladicte église pour lannee commenchante ledict jour de dymence quatriesme davril aprez Pasques ou dict an mil cinq cens quarante. Et partant est demoure ledict Le Marchand quicte et deschargey envers ladicte église de ladicte somme de li^. xix *. tz. cy dessus mencyonnee et articulée. Faict et passe devant moy cure dessus nomme lan et jour dessus déclarez , jour de la rendition de ce présent compte , en la présence de vénérables, nobles et honorables hommes Messires Jehan Langloys, Guillaume Le Roux , Jehan Uousselln , Richard Marc , Pierres Lestyvoudoys , Jehan Pyteron, Guillaume Goudemare, Jehan Ghambelle, Jehan Haroel, Nicolle Picot clerc matrlculier , prestres et chapellains de ladicte église ; noble homme maistre Jehan Maignard , sieur de Houville , Geuffroy Bocquet , noble homme maistre Jaques Thorel , viconte de Lillebonne , trésoriers modernes ; noble homme Robert Gavelier, sieur de Villequier; maistre Nicolle I^ Gay laisne, procureur en parlement; Nicollas Saver, maistre Jehan Gardon , NlcoUas Rousselin , Jehan Boitte, Guillaume Mansel, Arnoullet Mansel, Jacques Halle» Mathieu de Manthevllle » Pasquet Maubogne , et maistre Mathurin Mallon , tous anciens trésoriers; Richard Lair , Pierres Sentier , Mathieu du Buysson , Roger Vauquelin , maistre NicoUe Le Gay le jeune , procureur en Parlement , Nicollas Guillonet» Nicollas de Maynvillc » Remonnet Hedouyn» Richard du Val, Toussains Loberel et Ysarobard Besnard, tous
