TITULUS FRATRUM MONTIS AMATI

Notum autem facimus sanctitati vestrœ, nos Fratres de Vivo humiles habitatores Montis Amati una cum Domino nostro Priore Hieronymo in communi statuisse pro Reverendissimo charissimoque Brunone, vestrae Congregationis Pâtre, septem diebus pro ejus venerabili transitu vigilias, et Missas celebrare, in matricula conscribere, anniversarium diem agere. Oramus, et obnixe petimus ut nostri in omnibus bonis vestris memores sitis. Valete.

EX STATU REIPUBLICiE LUCENSIS, ARCHIEPISCOPATU PISANO, ET EPISCOPATU LUCENSI.

TITULUS SANCTI MARTINI .

Ecclesiae nos Canonici S. Martini, quas dicitur Petra, gratanter hanc chartam accipientes, humilique mente recordaiionem in nostra matricula conscribentes, religiosi hujus viri, Brunonis scilicet, memoriam in die ejus anniversaria faciemus.

TITULUS FRATRUM FICULENSIS SEU FICECLENSIS CCENOBH.

Nos Fisciclenses Fratres pro reverendissimo, ac religiosissimo Domino Brunone eminentissimo Eremita, supplicationum preces intentissime, libenti valde animo, Creatori Deo oblationis vestras libamine persolvemus. Et ejus venerabile nomen inter amantissima fratrum nostrorum nomina conscribemus, ejusque anniversarium diem, prout charitas vestra petit, devotius celebrabimus.

TITULUS s. FRIGDIANI EPISCOPI LUCENSIS.

Nos humiles Sancti Frigdiani Lucensis Ecclesiœ Fratres pro tanto viro, et tam glorioso voluntarie officium commemorationis inpendimus : credentes, nos apud Deum ejus sanctis commendari meritis.

EX ARCHIEPISCOPATU BONONIENSI IN PROVINCIA LONGOBARDI^ ET EPISCOPATU PLACENTINO.

TITULUS ECCLESI^ PLACENTINO.

Nos sanctissimEE Marias, sanctfeque Justinas PlacentinîE Matricis Ecclesi^e parvi meriti Fratres, pro tam Venerabilis viri gloriosissima anima débitas ardenti aiiimo exequias agere voluntarie promittimus, ejusque sanctam memoriam in nostra matricula amantissime inseremus.

EX ARCHIEPISCOPATU TAURINENSI, IN PEDEMONTIO.

TITULUS SEGUSIENSIS ECCLESIO.

Auctoritas sanxit divina, necnon Apostolica Jiabet sententia, invicem Fratres portare onera : hujus ergo auctoritatis dogmate fulcita Segusiensis Ecclesiae nostra humilis, et exigua, fundendo preces Dei exorat clementiam, ut tanti religiosi viri anima, videlicet Brunonis functi, delictorum veniam consequatur, perenni Dei gratia.

TITULUS PRiEPOSITURO ULCtENSIS.

Nos humiies Fratres S. Laurentii Ulciensis Ecclesiae, quae alio nomine plebs Martyrum vocatur, pro tanto viro, tamque religioso, pro quo etiam totus orbis ter-

rarum preces incessanter fundere débet : officium cum tricenario, et deinceps anniversarium ejus divina subministrante gratia persolvemus.