Noël

- SiO —

Henri de Wengham qui ore est evesque de LondreS et manda ke cens de la terre qui pleindre se voleent, fussent a Londre a la quinzeine de Pasques a monstrer lor grefs.

Li rois dit que a la quinzeine de Pasques vint en Engleterre le ercevesque de Burdeus, li doian de Seint Severin et plusours autres de la terre de Gascoyne, et monstrerent lor grefs vers le conte.

Li rois dit ke le conte respondi a lor pleintes en sa court.

Li rois dit qu'il ajoma le conte et les pleintifs en Gascoyne a receivre droit solonc ce qu'il poust la estre enquis.

Li rois dit qu'il dona a cens de Gascojne triwe jusque la chose desus dite fust enquise.

Li rois dit qu'il comanda au conte qu'il eussent pais solonc la triwe qu'il lor avet donée.

Le roi dit ke le conte se assenti a la triwe donée.

Le roi dit qu'il s'en parti de Londre del parlement et ala a Windesore et comanda au conte qu'il venist la a li parler.

Le roi dit ke le conte ne vint mie a Windesore a li, einz s'en ala en France saunz le seu le roi.

Le roi dit ke le conte mena genz a armes de France jusque en Gascoyne.

Le roi dit qu'il puis envoya en Gascoyne* le Mestre du Temple qui donc fu, et sire Nichole de Moles, et manda au conte qu'il ne brisast sa triwe donée.

Le roi dit ke le conte receut sa lettre et son mandement.

Le roi dit ke, après que le conte avoit le mandement le roi receu de la triwe tenir, le conte assist la Riole et lor vignes tailla.

Le roi dit ke le Mestre del Temple et sire Nichole de Moles, quant il virent ke le conte ne fu obéissant as commandemenz le roi, l'osterent de sa baillie ; a quoy fere il avoent poer par lettre le roi.

Le roi dit ke le conte, puis qu'il fu eissinc remué de sa baillie, si s'en ala asser Ryons.

Le roi dit ke par acheison de cel debrisement de la triwe, remist la terre de Gascoyne guerrive.

Le roi dit ke par acheison de celé guerre covenoit qu'il alast en Gascoyne, ou il en eust sa terre perdue.

Le roi dit ke par celé acheison ala il en Gascoyne.

Le roi dit ke en celé alée mist il quatre vinz mile mars, estre la mise de sa gent.

Le roi dit qu'il procura k'en li baillast la garde de Gas-